Bawipa Thangthat

Wednesday, August 6, 2014




























ICBM REVIAL GROUPS HNA KHRIHFABU LENNAK

ICBM kan timi cu International Chin Baptist Mission tinak a si.  Chinram chung khuasa kan miphun hawi thlarau tlaumi hna nih Pathian vel ruangah zumhnak in khamhnak an hmuh khawh nak ding caah Khrih Khamhnak Thawngtha a aupi mi CCOC rianttuannak kha tharchuahnak program a si caah CCOC Follow Up Mission ti zong in kan ti.

Thlarau le thinlung in hrinthanmi zumtu cu thlarau in a tlaunak kha aa hmuchuak i Khrih khamhnak kha a comi a si caah thlarau tlaumi zawnruahnak thinlung lianpi a ngei tawn.  Kannih zong cu bantuk in kan tlaunak aa hmuchuakmi kan si.  A hngal fiang lo mi hna ca zong ah thlarau tlaumi hna tlaihnak mission ah an i tel tikah an i hngal pah cuahmah ve.  Khual kan tlawn i kan hngalh bal lo mi hmun kha kan mit le hna nih a hmuh le a theih bantuk in thlarau fimnak cu mission rian kan tuan pah in aa chap cuahmah ve.  Cu caah, thlarau tlaumi hna khamhnak mission rianttuan cu thlarau in tthannak a si caah khrihfabu thanchonak a si tiah kan ti tawn.

ICBM Revival Groups hna cu CBCUSA ram chung khrihfabu kip sin ah an leeng hna.  Hmanthlak kan ngeih khawh mi te kan van tar hna.


[tang] Pastor Lian Hram le TCBC, TX in ICBM Revival Group
to Springfield Chin Community Church, Springfield, MO



 [tang] Rev. Tial Lian le TCBC, TX in ICBM Revival Group
to Midland Senthang Christian Church, Midland, Texas


[tang] Rev. Tial Lian le TCBC, TX in ICBM Revival Group
to Midland Senthang Christian Church (MSCC), Midland, Texas



[tang] Siangbawi te thlan hmun, Hakha, Chin State
[tang] Mindat Peng ah hunchonak caah cinmi Tawlre kung.
Cin a awl ngai.  A man a tha tuk mi a si.
Lairam ah aa tlak tuk mi a si.
 [tang] Khrih ruang ah Thlang Chinram nu cu Rev. Lal Pek Lian he
mit hmai kha an i pe kho.  Maw lawmhnak ni, Bawi Jesuh kha!


[tang] Khrih he cun khua zei hmanh ah ka kal ngam lai tiah
hla ka sak tawn.  An rak i lawm tuk hi aw!
Mindat peng Vakok khuanu cu Rev. Lal Pek Lian nih tipil a pek.


[tang] Tipil pek lio.  Hi Chinram ti va luannak cu
Khrih nih tipil a innak Jordan ah a cang. 
Khrih pennak kan ti tawn mi kha!
Hi hi a si cuh!

[tang] Thlang Chinram Biakinn sakpiak an herh







[tang] Thlang Chinram ah Vailamtah tung put in kan kal hna.




[tang] Paletwa Mission Field ah tlawnnak
Pastor Za Uk Sang, Lai Baptist Church Youth Pastor, Yangon le
Myanmar ICBM Director Rev. M. Thawng Kam an tlawn lio a si.


 Chak Chinmi zong Khrih Thawngtha he American Baptist siangbawi te nih
an kan fuh tuan caah kan tthangcho hmasa.
Khrihfa biaknak in a phaknak hmun le ram hi an fim hmasa deuh hna.
Kannih zong Khrih Thawngtha nih rak kan phan tuan hlah sehlaw
nihin Thlang Chinmi dirhmun hi kan si peng ve rih ko lai.



 Paletwa peng vawlei cu a tha ngai.
Khrih Thawngtha an theih tikah cun thlarau le pumsa in an tthang lai.






 [tang] Lai siangbawi Arthur Carson a chuahnak khua Columbus, Iowa i an inn hmun.
Inn an sa lo.  Hmun lawng a um.  Carson chuahnak khua ah Chin khrihfabu pahnih
a um.  Khuaruahhar ngai ah ka ruah, Pathian nih A kan hruaining hi!


 [tang] Hakha i siangbawi te thlan
 [tang] Lg. Ngai Za Siam (19) nih CCOC Revival Group an vah i Khrih Thawngtha an chim lio ah
mual a liam thawng theih cu Laimi zumtu hna nih kan rak tuar har ngai.  
Kan ngaih a chia tuk.  A nunnak in Thawngtha a chim ruang ah mi tampi nih 
Thawngtha caah pek kha an rak ngamh tuk.
[tang] Paletwa ah $ 16,000 in CBCUSA nih a sakmi ngakttah inn
Ngaktah cu cawm le zohkhenh an si.





No comments:

Post a Comment