FATHER'S DAY LAWMHNAK

A liam cia kum 20 hrawng ah Lairam ah lo thlawh in chungkhar 
a cawmmi hringtu pa kong kan chim tikah 
a tu lio mino nih thinlung ah nan cuan ter kho men lai lo. 
Rethei zaang baa taktak intuhmui le hreitlung le namtawng he 
kan pa le cu rian an ttuan.  Kan pa le cu an teima tuk.
Nupi le fa le caah thih ngamh in ruah sur le ni lin lak ah rian an tuan.
An fa le cu an kan cawm.  Hringtu pa hna dawtnak cu a sunglawi tuk.

A tu chan ahcun kan pa le cu sehzung hram ah an tuan.  
Seh a ran ah a ran ning in, a fum aha fum ning in 
chun ni tlak i din lo bak in rian an tuan.  Thut in rianttuan 
a um lo caahchun nitlak rian an tuan tikah an ba taktak.  
Fa le nih awl tein hlah maw kan pa le hirian an tuan rua tiin 
ruah sual a awl ngai.  Rian an ttin hi cu an ba taktak.
Fa le sin ah ka baa ti hi an chim duh lo caah an rian hi 
a awl te rua in ruah piak a awl te.  Kan pa le nih ca an thiam ve lo 
tikah ram fim an phak hnu zong ah thazaang rian bak an i thim.  
An tuan.  An dawtnak cu fa le nih kan cham kho hna lai lo.

Pathian nih kan nu le kan pa le nih a kan dawtnak sang deuh in
Fapa ngeihchun pek tiang in A kan dawt.
Bawipa thang ttha ko seh!