CBCUSA Mission Consultation
CEBC, Indianapolis, Indiana
July 21-23, 2016.

Mission consultation a kaimi vialte a donghnak ah Pathian sin ah thla an camti hna.

[cung] CBCUSA Mission Consulation tuah lio

[cung] ICBM Committee Members

A kaimi kan tam ngai. Khua dang in pastors le upa 100 leng an kai kho. A kaimi dihlak 130 hrawng kan si.  Mission hi tuan ding ah Khrihfabu cu a dir ti hi kan fiang ko lai dah!

Chinram lei a kan telpi mi khual upa an tam ngai.  Kan mission field ah rian an tuanning a kan chimh.  Kan lung a fiang ngai.  

CBCUSA nih a tuan cuahmah mi mission rian a tlangpi in:

1. Ramchung Mission [Home Mission] hi tam deuh tuan a herh rih.
2. International Chin Baptist Mission [ICBM] riantuannak
3. Chinland Mission [Chinram ah riantuannak]

Ramchung Mission [Home Mission]:  

1. Christian Education and Literature Department riantuannak: Ngakchia Sunday School cauk le zeidang rel tha cauk tampi chuah a si cang.  

2. Khrihfabu hna i zohkhenhnak [Relief]: Mithi um tikah $6,000 in bulhnak a pek.  Hi riantuannak nih khrihfabu fadeuh vialte hnangam tein a kan um ter.

3. Ministers Council [MC] riantuannak: Ordination peknak le thinlung thlarau hrimhthannak caah thazaang i peknak

4. Women Department Riantuannak: mission rian tampi an tuan.

5. Youth Department Riantuannak: Cawlcanghnak tampi kan tuah.

6. Bible sianginn kaimi hna bawmhnak scholarship program kan ngei.

International Chin Baptist Mission [ICBM] riantuannak [Thawhvo 2% le fund hmuhmi in]

1. Gangaw, Mindat, Kanpalet, le Paletwa peng ah kan Chin miphun hawi hna sin ah Khrih Thawngtha kan chim.  Biakinn kan sak piak hna.  Pastors inn kan sak piak hna.  Ngakchia sianginn kainak kan bawmh hna.  Ngandamnak caah training kai ter an si fawn.  

Chin Baptist Convention, Falam, Chin State cu pehtlaihnak a tuah.

ICBM cu July 13, 2013 Saturday ni ah CEBC, Indianapolis, IN ah Pathian sin pekchanhnak kan tuah.  USA ah July 13 hi Myanmar ah July 14 a rak si ve. Khrihfabu hi mission rian a tuan lo ahcun vaitimen a hmu kho lo i a thi tawn.

Chinland Missions [Thawhvo 4% chung in]

CBCUSA hi Komh Mission [Joint Mission] riantuan ding in tuahmi bu a si. ICBM program a um hlan ah Chinland missions hi tampi a tuan cang.

1. Paletwa ah boarding school pakhat cu $16,000 in a sak.
2. Kanpalet ah boarding school pakhat a sak fawn.  
3. Hakha ah General Hospital chapel dawh ngai a sak.
4. Chin siangbawi te thlan cu HBA hruainak in dawh tein remh a si.
5. Mara area innkang le Matupi rawlruk kaangmi bawmhnak a tuah bal.
6. 2008 le 09 chung mautaam mangtaam bawmhnak a tuah.  Chinram dihlak ah phawt an si.  A bik in, Paletwa le Matupi peng chung a zualhmabik hmun ah kuat a si.
7. 2010 kum chung ah Chinram [Kalay Kabaw area tel in] inn kang 136 bawmhnak a tuah.
8. Kachin miphun hartuarmi hna bawmhnak a tuah.  A tam tuk lo zong ah dawtnak cu an philh lo.  An chim peng rih ko.
9. Agape Clinic, Hakha le Bethel Clinic, Thantlang cu sau ngai a bawmh.
10. Health Care Ministry, Lai Baptist Church, Mandalay cu bawmhnak a pek lengmang.
11. United Chin Christian Fellowship i zohkhenhnak caah bawmhnak a pek lengmang.
12. Chin Student Organization, Malaysia cu kum fa tein bawmhnak a tuah.
13. Delhi, India Chin ralzaam hna Laica cawnnak le video riantuannak caah bawmhnak a tuah hna.
14. Lailun Agricultural Research, CCIT, Falam cu bawmhnak a pek lengmang.
15. CACC sin ah bawmhnak a tuah.
16. Lai Bible hrilhfiah tialnak caah Lai Khrihfa Catialtu Phu sin ah bawmhnak kum tampi a tuah.  
17. Chin Christian University [CCU], Hakha cu aa hmaithlak lawlaw, 2007 kum thok in bawmhnak a tuah.  
18. Union Theological College [UTC], Matupi cu aa hmaithlak lawlaw, 2007 kum thok in bawmhnak a tuah.
19. Hakha - Hmandaw lam cawhnak ah kum tampi chung a dongh tiang bawmhnak tuah fawn.
20. Chin Funtomnak Bu [CFB], Kalaymyo cu 2013 thok in bawmhnak a tuah.
21. Chinram le khualipi Hakha ah July 2015 Komen Ruahsur ruangah harnak an ton tikah "Chin Relief and Rebuilding Committee" [CRRC] cu kum 3 chung tuan ding in ser in bawmhnak a tuah. Chinram peng kip ah bawmhnak kan pek.
22. Hi bantuk harnak cu thazaang ah hmang in minung 3000 a tlummi hall lianpi cu Hakha khua ah sak ding in timhtuahnak a ngei. 

Lawmhnak:

Hi mission rian hna hi a tha bik in tuan khawh nak ding caah consultation hi tuah a herh i Pathian thawng in July 22-23, 2016 nih tlamtling tein kan tuah khawh. Consultation a kan tuahpiak cu CEBC, Indy cung ah lawmhnak tampi kan ngei.

 [cung] Kanpalet ICBM field director Rev. Paing Bu

 [cung] Rev. Yaw Kee, Mindat Towship Baptist Association Chairman

 [cung] Rev. Dr. Law Ha Ling, GS of Chin Baptist Convention, Myanmar

[cung] Matupi in pale pawl Dr. Victor Lai Lian, Rev. Paw Luh [CACC AGS], 

Rev. Hai Lai Thang le Rev. Biak Cung [IN] hna cung ah kan i lawm.

Pathian nih Chinram [chak thlang] dihlak hi a pennak pakhat ah a chiah zau lai.  Thlarau ti le rawl kan i hrawm kho deuh deuh lai.  

Pathian hi sunpar lianngannak kan pe ti hna hna lai.

To God be the glory!