International Chin Baptist Mission [ICBM]

Hlaremh Saknak

Vawlei kil li ah a ummi Chin Khrihfabu hna nih Lairam ah thlarau tlaumi kan miphun hawi hna nih pumsa le thlarau in khamhnak an hmuh cio nak hnga caah ttuan ding in timhtuahmi a si.  A cung i kan hlaremhbu hna hi leikhuaza Chin hlaremhbu an si.  Kan umnak ram cio ah a tu bantuk in Pathian kan biak khawh ahcun Laimi cu kan hmun kho lai.  Pathian nih tlau ding cu A kan sian lo caah Amah thangthat in aa nuam kho ding ah a bu in A kan thlah.  Ram kip ah a tlangautu missionary caah A kan fial.  Kan chim ko lai, kan Lairam ah, kan umnak ram kip ah Khrih Thawngtha cu.  ICBM cu leikhuaza Chin khrihfabu rianttuannak a si caah kan hlaremhbu hna zong hi ram kip in Lai mino nih Pathian an thangthatnak a si.  Leikhuaza Lai Hlaremh Civui kan ti ko lai.  Ram ri le rili pi nih a kan tthen nain, Khrih kan zumhnak le thisen khat le miphun khat kan sinak cu aa tthen kho lo.  Pathian nih kan miphun hi A sunparnak caah hman A duh cang.  Tho usih law sa usih.

Chin Baptist Churches USA (CBCUSA)



7105 Chimney Rock Ct, Indianapolis, IN 46217



Office: 317-386-0383



 

Tuanbia Tawi le Riantuannak Kong

 

CBCUSA cu Dallas, Texas khua ah November 26, 2004 @ 9:00 pm ah thok a si. 2013 kum ah chungtel khrihfabu 65 kan um cang. 2014 ah khrihfabu 70 tling kho ding in thla kan cam cuahmah.  2007 thok in phaisa thazaang in komh mission (Joint Mission) rianttuannak kan thok. Chungtel Khrihfabu hna nih phaisa kan thawh cio i Lairam ah rian kan ttuan. Mission rianttuannak nih Pathian ram a kauhter lawng si lo in, ramdang kan fa le hi Lairam le Laimi kong chimhnak caah a ttha bik mi asi.  Laimi kan caah cun Lairam ah Khrih Thawngttha chim hi miphun rungvengtu zong a si chih.

 

CBCUSA Chungtel Luhnak:  Chungtel luhnak caah fee tiin a um lo. A nungmi bu (active member) si tu a hau.  Budget suai tikah mah le khrihfabu hmuhmi (Cheuhra cheukhat) ih 5% tein pehtlaihnak tuah a si. Tahchunhnak: kum khat $20,000 a ngeimi nih $1000 in thawh ve a si. Budget kan suai tikah nikum ah khrihfabu kip nih kan thawh khawhmi hmuhnak cheuhra cheukhat kha zoh in a zat kan tuah.  Tahchunhnak: 2013 kum budget suai tikah 2012 kum i kan hmuhnak (income) ning in kan suai lai.  Kan suaimi budget hi tlam tlinh kho ding in a si.  2011 kum ah thawh khawh mi cu $ 164,000; 2012 thawh khawhmi cu $230,000 le 2013 ah $300,000 hrawng a si.  A bu in rian kan ttuantti tikah khrihfabu fate zong nih hi zat in mission rian a ttuan kho ve. 

 

I.  CBCUSA Riantuannak Hmun: Thlang Lairam ah Paletwa peng, Kanpalet peng, Matupi peng, Mindat, Kawlrawn ah Gangaw-Kalay-Kabaw area ah, Chak Lairam ah Falam peng, Hakha peng le Thantlang peng ah tuan a si.  Harnak ton can ahcun Laimi dihlak sin ah bawmhnak kan tuah.

 

II. Lairam ah Harnak le Herhmi ah Chikkhat Bawmhnak

(1) 2008 kum i Lairam dihlak ah paam a tlun lio ah phaisa kan thawh cio i Lairam dihlak Tedim, Falam, Kuki hna tel in Thlang Lairam peng kip le Hakha le Thantlang peng dihlak ah kuat a si.

(2) 2010 kum ah Lairam ah inn 136 a kaang i bawmhnak kan tuah fawn hna. Lairam dihlak inn kaang mi hna bawmhnak a si.  Kawlrawn Laimi hna tel in. 

(3) Kawhtawng ah Laimi tampi an thih lio ah,

(4) Burma ram ah Nargis thlichia tuarmi hna

(5) Giri thlichia tuarmi Asho Chins bawmhnak

(6) Kawlram lihninh harnak tuar mi bawmhnak

(7) Kachin bawmhnak $ 50,000.00 kan tuah.

(8) Chin Christian College caah Robert Johnson zunngaih par fund raising a tuah.

(9) Buanlung Area le Lautu Area thlichia tuarmi hna bawmhnak

(10) Matu peng facang rawlruk a kaangmi hna bawmhnak

(11) Saikhumphai bawmhnak $ 3000.00

(12) Paletwa ngakttah cawmnak le ngakttah inn $16,000 man a sak

(13) Hakha – Hmandaw lamcawhnak ah 2007 in a dih tiang $2000/yr in kan bawmh hna.

(14) Hakha General Hospital ah chapel cu $45,000 dih in kan sak.  Kanmah thawhvo pin ah Laitlai Chin khrihfabu dang hna zong phaisa in aa telmi an um.  Hi bantuk rianttuan tti hi aa dawh tuk.

(15) Hakha khua vawlei a min mi lengmangmi hi thiamsang pawl kha dothlat ter ding in $2000 a thawh.

(16) Hakha Khuahlun biakink kangh lio ah bawmhnak a tuah.

(17) Hakha Baptist Association zung inn saknak caah bawmhnak a tuah.

(18) Hakha ah siangbawi te thlanmual a remh.

(19) Chin Funtomnak Bu (CFB) rianttuannak caah $1000 tein bawmhnak a tuah.

(20) Matupi khua ah Hakha Post a rel duhmi hna caah printing machine pakhat $ 1000.00 in a cawkpiak hna. 

(21) Mizoram Chin ralzaam hna caah rianttuanmi Chin Seeking Refuge bu kha Mizoram tlawnnak le Report tialnak caah bawmhnak a tuah. 

(22) CBCUSA nih a hmabik bawmhnak a tuahmi cu Mara innkang chungkhar pathum kha $ 300 tein a rak si.  Phaisa kan ngeih hlan ah kan thawhlawm ngeihchun tein kan rak bawmh hna.

(23) Lai Centre, Mandalay saknak caah bawmhnak a tuah.

 

III. Ramdang bawmnak tuahmi: American Baptist Churches USA sin in bawmhnak kan kuat tawn.

(1)    Japan ram lihninh fak tuar bawmhnak

(2)   Haiti ram lihninh harnak tuami hna bawmhnak.

(3)   USA ram ah Katrina thlichia tuar bawmhnak.  

(4)  Sandy Thlichia ruangah harnak a tuarmi US ram chungmi bawmhnak. 

  

Kum Chair Peh In Mission Riantuannak le Bawmhnak

 IV. Malaysia Laimi Sin Riantuannak

 

(1)    Malaysia Chin Prison Ministry:  Malaysia ram ah Chin nu le ngakchia thawngtla mi hna lennak le bawmhnak a tuah.  Chin Christian Fellowship, Kuala Lumpur, hna he ttuan tti a si.  CBCUSA Nubu nih phaisa lei in tuanvo an lak.  $6000/yr bawmhnak a tuah.  Malaysia i thongtla nu le ngakchia len cu mitthli a tla kho.  Anmah tu cu mitthli he an si peng.

(2)   Chin Student Organization: Malaysia ralzaam Lai ngakchia hna nih fimnak an hmuh khawh nak caah rianttuanmi CSO cu $5000/yr in bawmhnak a tuah.  An cacawn a tthat caah ram thum nak a phak tikah sianginn ah fel tein an lut kho.  Miphun aa sernak a si.

 

V. Lairam ah kum chiar peh tein bawmhnak:

(1) Hakha Baibal Hrilhfiah ttialnak ah 2007 in nihin tiang $6000/year in bawmhnak

(2) Chin Christian College, Hakha ah 2007 in bawmhnak  $4000/yr, a tu $6000/yr

(3) Union Theological College, Matupi cu 2007 in $ 3000/yr, a tu cu $4000/yr in bawmhnak.

(4) Kanpalet ngaktah bawmhnak cu $ 2000/yr in kan tuah.

(5) Kanpalet khua ah sianghngakchia umnak boarding inn kan sak i siangngakchia zohkhenhnak le Laica cawnnak le Thawngtha chimnak cu CACC he kan ttuantti.  Khuate siangngakchia 30 cu hi boarding school ah an um.  Hi innsaknak ah Melbourn Chin Church zong an i tel ve.

(6) Hakha ah Agape Clinic ah sibawi le sayama hlawh $3000/yr in kan pek 2009 in.

(7) Thantlang ah Bethel Clinic ah $3000/yr in 2009 in kan bawmh hna.

(8) Lai Baptist Church, Mandalay Health Ministry caah $5000/yr in bawmhnak a tuah.

(9) Falam ah Lailun Agricultural Research tuahnak caah Chin Christian Institute of Theology (Former Zomi Theological College) cu $ 1000/yr in a bawmh.

 

USA Ram Chung Riantuannak

 

(1) USA ram chung ah khrihfabu pakhat le pakhat hawikomhnak kan tuah.

(2) Pastors te nih pastor ngei lo khrihfabu kha lennak program kan tuah.
(3) CBCUSA ram chung Bible sianginn kaimi hna bawmhnak Scholarship Program a ngei.

 (4) CBCUSA Board of Trustees [CBCUSA BT]: Khrihfabu member 200 tang nih Board of Trustees (BT) palai pakhat le member 200 cung nih BT palai pahnih cio in kan thlah. Palai pakhat cu pastor a si. A dang pakhat kha thim chap a si.

 (5)   CBCUSA Board of Management [CBCUSA BM]: Kum hnih ah voikhat lengmang CBCUSA civui tuah a si nain, July 2013 BM pi nih kum thum voikhat in civui tuah ding ah bia a khiah.  Civui lio ah Board of Management palai meeting tuah a si.  Khrihfabu kip nih palai thlah cio a si. BT palai ngeihmi cio pin ah phaisa thawhmi ning in $3000 ah BM palai pakhat khan in thlah ding in ruah a si.  Tam deuh a thomi nih tam deuh palai an ngei. Khrihfabu a lian mi an tam caah khrihfabu pakhat nih nawlngeihnak a ngei kho hlei lo. Aa ruang tein biaceih khuakhannak tuah a si tawn. Democracy phung ning tein mi tam deuh hnatlaknak in biakhiahnak tuah a si tawn.

 

(6)  CBCUSA Youth Fellowship:  CBCUSA ram chung mino vialte nih Pathian thangthatnak in hawikomhnak an ngei kho cang.  CBCUSA civui pi program hna zong fel tein an kan suaipiak.  USA ram regions kip ah cawnpiaknak le hawikomhnak an tuah kho.  CBCUSA dihlam komh in crusade le training zong an tuah kho.  Laimi nih kan bochan ding mi hruaitu tha tampi an chuak kho lai. 

(7) CBCUSA Women Fellowship:  Nubu hna rianttuannak cu theih khawh in a um cang.  Malaysia Chin Prison Ministry caah phaisa bawmhnak an tuah khawh pin ah Lairam ah bawmhnak le an rianttuannak a tam ngai.  International Chin Baptist Mission [ICBM] ah missionary pahnih an cawm.  Lawngtlai, Lai District, Mizoram ah tuahmi Lairam Media Group News zong an bawmh hna.  CBCUSA Nubu training cu July 2013 ah Zophei Christian Church ah an tuah i minung 300 reng lo an kai kho.  An linsa taktak.

 

(8) CBCUSA Literature & Publication Department: 2012 in thok a si.  Director cu Pu Thlasui Tluangneh a si. Laica rel ding cauk le Sunday School cawn ding cauk chuah kho ding in timhnak a ngei.  Tleicia Saya Sui Khen nih a ttialmi Ann Judson tuanbia zong a chuah than.  Cauk dang chuah chom ding an um rih.  Vawlei cung Laica le Laiholh tawlreltu hna he pehtlaihnak an tuah.  Laica le Laiholh thanchonak caah rian an tuannak kong an i theih pi hna.

 

(9) CBCUSA Ministers Council [CBCUSA MC]:  CBCUSA ram chung pastors hna hawikomhnak bu a si.  Amah tein a dirmi bu a si.  American Baptist Churches USA ah aa pehtlaimi ABCUSA Ministers Council he pehtlaihnak a ngei.  CBCUSA ram chung pastors hna hrimhthannak program hna a tuah.  CBCUSA ram chung pastors hna ordination peknak kong ah ttuanvo a ngei.

 

VI. CBCUSA Rilief Fund (Thihnak ton tikah bawmhnak: Chungtel 400 cung khrihfabu nih $3000/yr, chungtel 200-400 khrihfabu nih $2000/yr, le chungtel 200 tang khrihfabu nih $1000/yr in kan thawh mithi chungkhar hna kha bulhnak kan tuah. Zunngaihpar pakhat cio kan kuat kan ti lai. A thimi upa cu $6000 in le ngakchia cu $ 3000 in bawmhnak tuah a si.  Thihnak ton cu phaisa tampi a dih. USA ah mi tampi thihnak cu ruahlopi thihnak (accident) in a si tawn.  Voi leh khat ah minung pahnih/thum thih khawh nak rak a si.  Chin zumtu hna nih kan ton len cang.  Cu caah hi bantuk in bawmhnak Relief Fund kan ngeih caah khrihfabu kip nih thihnak i zohkhenhnak kong ah kan hna a ngam ngai. Thihnak kan ton tikah har lo tein kan i tawlrel kho cang. Pathian nih ngaihchia mi hna hnemhnak ah a hman cang. 

 

VII. International Chin Baptist Mission: CCOC Follow Up Mission rian tuan than ding in chun mang a manh tthan.  July 2013 CBCUSA BM nih tuan ding in hnatlaknak a tuah.  Phung tling tein July 13, 2013 ni ah Chin Evangelical Baptist Church, Indianapolis, IN ah onnak tuah a si.  Hi rianttuannak caah CBCUSA khrihfabu hna nih pekmi 5% in kha hmang lo in, zumhnak in kan thawhmi Bawipa chaw in rianttuan kan i tiim.  Hi rianttuannak ah Chin Christian Fellowship of Denmark le Chin Christian Fellowship, Kuala Lumpur, Malaysia nih an kan telpi cang.  Leikhuaza Laitlai Chin Khrihfabu vialte hi sawm ding in kan i tiim.

 

Riantuannak hmun cu Gankaw, Kanpelet, Mindat le Paletwa peng chung ah a si.  Pathian dawtnak he khrihfabu le pumpak chungkhar in aa telmi zong an um pah cang. 41 missionaries thlahtu an um cang.  ICBM Revival Groups hna nih khrihfabu kip sin ah an leeng kho hna.  Lai khrihfa mino zong nih thaghnak ah an hman ve.  Pathian nih thlua a chuah ko ngai in kan hmuh.

 

Chin Baptist Convention [CBC] (Former ZBC) nih hi ICBM riantuannak cu thluachuah a pek.   A theihpi. ICBM nih CBC cu bawmhnak a tuah ve.  Bawipa rian an ttuannak an i theihpiak.

 

VIII. CACC he pehtlaihnak: 

 Thisen, nunphung, ca le holh aa khah ruangah CBCUSA nih rianttuan tti ding in phunghram pi cu aa ngeih.  Duhmi aa khat.  Tuan ti mi le tuan lai ding mi tampi a um.  A lam kip in kan miphun thanchonak caah rianttuan ding in thla an cam ti hna.

 

IX. Lairam Jesuh Christ Baptist Church [LJCBC], Lawngtlai he pehtlaihnak:

 Thisen le nunphung aa khatmi kan si caah Laica le Laiholh hi aa khah awk a si tiah a cohlangmi an si.  Vawlei pi thentu ramri nih a kan dannak nain, kan nuhrinnak pehtlaihnak cu a tthen kho lo.  Cu caah CBCUSA, CACC le LJCBC hna he civui kan i hrawm kho cang. Lai Bible le Hla Cauk tiang in i hrawm ti kho ding in Laica le Laiholh cu an hman ti kho te lai.  CBCUSA le LJCBC cu Bangladesh Laitlai Chin Marie mi hna sin ah mission rianttuannak lam an dap ti lio. 

 

X. Ramdang Bu he Pehtlaihnak:

(1)    Baptist World Alliance ah pehtlaihnak kan sawk lio.  An tawlrel cuahmah lio a si.
(2)   American Baptist Churches USA he pehtlaihnak lam kan kawl cuahmah.  Khrihfabu in pehtlaihnak a tuahmi Chin khrihfabu tampi an um.  CBCUSA min in pehtlaihnak lam kan dap lio.  ABCUSA upa pawl he tonnak kan ngei cang.  Peh rih ding kan si.

 

Chin miphun (Laitlai) khrihfabu zumtu hna hi hi tluk tiang in Pathian nih a kan funtom mi cu khuaruahhar ngai a si.  Pathian sunparnak caah si hram ko seh!

 

C Duh Kam, EM

CBCUSA

 

Pathian nih kan miphun lam A kan hruaining zoh thannak
October 18, 2013

A liam cia kum 2010 cu kum thum a rau cang.  Hi kum chung ah Chin Baptist Churches USA [CBCUSA] cu chungtel khrihfabu 16 lawng kan si.  Canada in Vancouver Chin Baptist Church cu CBCUSA chungtel a rak si ve.  September 4-6, 2009 ni ah an sin ah CBCUSA BT kan va tuah.  Mi ram dang ah lileeng in khua a sami Laitlai Chin khrihfabu hna hi kan i ton tikah kan vai nuamh khawh ning!  Leen tti kan cim lo khi a si ko. Peter cu um sehlaw Jesuh muihmai aa thlen lio i Moses le Elijah le Jesuh Khrih bia an i ruah lio ah an pathum caah thlam pakhat cio sak i tlang cung ah um peh ding in a rak chim bantuk khan, Vancouver khua ah thlam pathum sak ding a timh tthan ko hnga.  Bawipa nih A kan khanpiakning a dan bantuk in Vancouver in Seattle, Washington khua ah mawtor in kan kal hnu ah kan umnak khua cio ah
vanlawng in kan zuang hna.  Hi lio ah kan tlawm ngai nain Bawipa komh mission
rian cu kan ti khawh tawk tein ttuan hna.

Kan meeting report ahcun chungtel member cu kan tlawm ko nain, USA le Canada ah
Laitlai Chin khrihfabu kan hngalh khawhmi 57 min cu kan khumh hna. 
Cu ti cun, Pa Pathian nih rem a ti caah Bawipa ram kauhnak rian ttuan
ding in khua kip le states kip Laitlai khrihfabu hna cu A kan pumh.
A tu cu 65 kan si cang.  2014 ahcun 70 si ding in Bawipa sin ah thla
kan cam.  Pathian nih A kan khanpiak cia mi hi cu an tling ko lai.

A tu cu International Chin Baptist Mission [ICBM] hna tuan kho ding in
A kan cawisan tthan.  Vawlei cung Laitlai Khrihfabu hna he pehtlaihnak
hlei A ka donhpiak tthan.  Pathian cu a tha tuk hringhran. 
Laimi hi A kan dawt hrimhrim ko.
Bawipa cu thangtha ko seh!

***************************************** 


ICBM Revival Groups Hna An Leeng Lio

 

SEPTEMBER 29, 2013 SUNDAY

CACTUS CHIN CHRISTIAN CHURCH, CACTUS, TX TO DALLAS CHIN BAPTIST CHURCH, DALLAS, TEXAS
 

Dear CBCUSA EM, Ngunkeng le Tuanti Hawi Vialte Hna,

Atu lio hrawng CBCUSA ram chung i kan ca lutmi le chuakmi pawl cu thawngtha lawngte an si ko.Kan Bawipa Pathian nih thangthatnak vialte le sunparnak vialte cu co dih ko hna seh. Amen

Ca reltu vialte lungthin chung zongah nuamhnak in nan rak khat cio theu lai dah ka ti.Zeiruang ko ah dah asi hnga tiah kan ruat cio ko lai dah ka ti.  Zeidang ruangah cun asi hrim2 lai lo,  Kan Bawipa nih zumtu vialte an kan cahtami rian,Rian vialte lak I rian sunglawibik asimi  “The Great Commission of God” riantuan than dingin kan pa le nih rian nan kan thokpi thanmi ruangah asi ko tiah fiangte in kei nih cun ka hmuh. Cu caah hi tlukin Asunglawimi rian hi kan Lai miphun vialte nih hi vawlei cungah can tawite kan nung chungah kan mah pumpak in iseh, innchungkhar le Khrihfabu zong nih ICBM motto bangin “Pathian kan Pa sunparnak caah cun lei vialte nih Jesuh cu Bawipa asi, an ti lai”(Filipi.2:11) pehzulh cio hna u sih ti hi ka saduhthahbikmi asi.Amah nawl angaimi pumpak,chungkhar ah le Khrihfabu dihlak cungah Bawipa thluachuahnak um hram ko seh.

ICBM Revival Groups serning in Kan nih Cactus le Amarillo,TX zong hmun khat ah kan ifonh I minung 15 nih Sept28-29 ah DCBC,TX ah kan va tlawn khawh hna.Inntek Khrihfabu nih an kan zohkhenh ning le schedule an rak kan suaipiak ning zong atha taktak asi.Zarhte zanpumhnak kan ngei ,Zarhpi zing 7am-1pm ah DCBC chungtel members dihlak inn ah thlacamnak an kan ngeihpi.(Pathian ram ca’h tiah an pekmi ka palhlo ahcun$3010.00 asi tiah Rev. Ngun Awi nih a ka chimh.Kan CBCUSA ram chungah kan President asi bantuk in amah nih kan ngunkeng sinah ka rak kuat te lai tiah an kan ti).DCBC chungtel ca’h cun thathnemnak a ngeih le ngeihlo cu Pathian nih atheih ko lai kan mah ICBM Revival Groups kanmah ca ko ah atha, Pathian thatnak kan hmu tiah kan kir pah ah an ka chimh cio.
ICBM Revival Groups min in khual kan tlawnnak ah Pathian thiangthlarau nih an kan umpi ko tiah afiannak cu,Motor cung I kan lut le cangka in Pathian sin thlacamnak in kan thok I,kan far le ngungak no te te nih Praise & worship hla an kan sakpiak,kan guitar tum tu le hlasami an bat deuh can ah Sermon thatha kan ngei pah I,cu ti bak cun Dallas kan phan.Dallas kan phak manh zong kan I thei manh lo.DCBC Office in thataktak in an rak kan don.

Cun Revival Groups nih DCBC Khrihfabu sin ah kan ilawmh khannak cu,an asinah kan caam chungah an kanzohkhenh ning le chonhbiak ning athat ning cu chim haulo asi ko.Kan ilomhnak asan khunnak cun zanriah thawtakmi an kan dangh hnu ah kan Motor kutkaa bakin Rev.Ngun Awi nih Bawipa sin ah thluachuah an kan halpiak.Thlacam sawh sawh timi le thluachuah halpiak timi ni aidang taktakmi asi.Mah cu cu Revival Groups pawl nih kan I unghmuihtuk,asunglawituk tiah an ka ti cio.Dallasin 8pm in kan rak I thawh Amarillo,Cactus kan rak phak cu 3:00am sharp bak ah kan rak phan.Kan kir lei lamthluan chungvialte zongah kir lei bantuk te in Pathian thangthatnak le Sermon ngeihnak bak lawngtein khua kan rak phan kho.

Hi vialte hi kan Bawipa sunparnak caah si dihko hna seh.

A rian thiangah,

Cung Bawi Hup, Pastor

Cactus Chin Christian Church, Cactus,TX 79013

*************************************************

COLORADO CHIN BAPTIST CHURCH TO SALT LAKE CITY CHIN CHRISTIAN CHURCH, UTAH

Dear, Rian ttuan hawi hna,

 ICBM rian ttuannak caah khualtlawng ding in rian nan kan khinh veban tuk in, kan nih COLORADO CHIN BAPTIST CHURCH hna zong ICBM min put in SALT LAKE CITY CHIN CHRISTIAN CHURCH sin ah mi nung (20)kan vakal ve,kan kalnak ah Bawipa nih lam a kan hruai,kan phakka ah, an upa hna le an mi no dihlak hna nih nuam taktak in an rak kan dawn,cu long hmanh siloin, ti le rawl khim tein a kan pek hnu ah, an mi no hna le an pastor  Rev.Van Ham Mualcin tiin an khua i a min a thannak tiva le tlang cung hna ah a kan kai pi,kan i nuam ngaingai hna,kan cam chung a kan zohkhenh ning le, a kan tawlrel ning  zohtik ah,an lungzong ai rual i Bawipa zong an ttih tihi fiang tein kan hmuh kawh,cu pin ah zarhpi zing, inn kip kal in thlacam kan vahnak zong ah lunglawm tein innka a kan open pin ah, ICBM rian ttuannak caah tiin chawva zong tampi a kan pek, cu lawnghmanh siloin, mi pakhat caah $25 timi thawh vozong a kan pekchih cholh,an chungah kan i lawmtuk,Bawipa nih thluachuahnak pe chin ko hna seh,hmai lei ah hinak in Bawipa ram caah, rian a ttuan khomi le, suingun chawva a pe chinkho mi an si kawhnak lai thlacamnak in bawm ciao hna usih tiah Bawikhrih min in kan sawmhna,

 

SALT LAKE CITY  KHRIHFABU SIN IN HMUH MI PHAISA

 

ICBM rian ttuannak caah  minung pakhat ah $25 thawh mi zong,kan sin ah a kan kuat cholh,

Mi pakhat caah thawhmi…………………………….$2054

Inn kip thlacamnak in hmuh mi………………….$1090

Zarhte&Zarhpi thawhlawm………………………….$  307

Gas rawnnak caah pek mi………………………….$+300

 Total…………………………………………………………$3751

Mahvial hi SALT LAKE CITY CHIN CHRISTIAN CHURCH sin in kan hmuh mi cu an si ,

Bawipa cung le an dih lak cung ah kan i lawm,a roh hlan ah ICBM kan ngunkeng sin ah kan kuat zau lai.

 Lawmhnak he

Cunglian

Colorado chin Baptist church

****************************************

ICBM REVIVAL GROUP [BATTLE CREEK CHIN BAPTIST CHURH, MICHIGAN TO CHIN EVANGELICAL BAPTIST CHURCH, INDIANAPOLIS, INDIANA

CBCUSA chungkhar hna,

Tuzarh hi kan Khrifabu (CEBC Indy) ah Battle Creek Chin Baptist Church in ICBM Revival Team an kan tlawng ve. An pastor zong a si i, ICBM ah kan Director zong a kan tuanpiak lio mi Rev Dr Cung Lian Hup nih a hon hruai hna. Zarhpi zing ah mizaw zohnak zong a kan ngeih pi. Zarhpi ni pumhnak an kan hruai i Bawipa nih a hman ngaingai hna. An hlasak, an music le an thlacam le an kan hruaining lung a hmui ngaingai. Thawngtha a kan chimhmi chinchin cu an i lungsi tuk cio i, cuhlan Nancy pa a lo lo e, an ti dih. Kan lung a kan suktuk bia ah kan chim cio mi a si i, cuhlan a thawngtha zong a tthat ko bu ah, tutan a thawngtha nih cun ICBM lungput le a thlarau cu a khen taktak ko.

 

Tuzarh ah hin CEBC Khrifabu pathum (Indy, Omaha, TX) ah ICBM Revival team an kan tlawng hna i, tuzarh cu CEBC khrifabu pawl thluachuah hmuhzarh a si ti zong ah kan ti khawh.

 

Bawipa nih BCBC Khrifabu le kan director pa le ICBM program pi zong thluachuah pe chin ko seh tiah lawmhnak he thla kan rak cam ve.

 

Khrih ah nan hawi,

Thawngling Mualhlun

CEBC Indy

**********************************

BETHEL BAPTIST CHURCH, TX TO LUTUV CHIN CHRISTIAN CHURCH,

KANSAS CITY

Kannih BBCTX mino 37 le Keimah zong ICBM Revival min in LCCC Khrihfabu Kansas City Cu September 28 -29 ah kan va tlawng kho ve hna. Pastor Dawt Peng le Khrihfa upa vialte Le Mino le Nu upa hna ti in minung 50 reng lo nih an Biakinn kutka in,parking tual tiang artlang te in an dir i,kut tlaih nak le thlacam nak he an kan don.Pathian riansung asi mi ICBM kan aiawh
Caan te cu Bawi khi kan lo ka ti.Pathian nih sunpar nak co koseh. Rawl thaw taktak in an kan Dangh hnu ah Hotel tha taktak mi ah ankan riah ter.An kan zohkhenh nak le ankan conglawmh Nak le ankan dawt nak nih zeitluk indah hi rian thiang hi thazang anpek tikha alangh ter ngaingai.  Zarh te zan an biak inn khat te in kan ipum ti hna. Zarh pi zing pumh hlan ah inn kip thlacam nak an kan ngeih pi khawh i,zan lei 1:00 pm in 4:00pm tiang pumh nak ngei ti hna.  Kan i nuam tuk.  Tthen lai zong kan siang ti lo.   Zan riah tha taktak in ankan dang hnu ah thlacam ti nak kan ngei i, Cu hnu cun kan tlun tak hna. Zum tu hna ihawikawmh nak hi asung lawi tuk hringhran.  Vancung ram ah mah ta khin zungzal va umti ding khi anuam tuk lai tiah ka ruah. ICBM caah an lung a tho tuk hringhran.  Thlacam vah nak le pumhnak i, an pek mi thawh lawm in phaisa achuak mi $ 3170.00 a chuak i, nangmah pumpak hrimhrim nih Pu Ngun keng sin ah kuat law kan duh an ti caah keimah kut ah an ka aap dih i,nihin ah direct deposit in pu ngun keng sin ah keimah min in ka rak kuat colh. Chum Ling pa ; zangfahnak in alut le lut lo thawng ka thanh than te law ka lawmh ko hnga.  An pastor Saya Dawtpeng le LCCC khrihfabu caah thlacam piak cio hna u sih. Pe tu pumpak le chungkharkip te cung ah Bawipa tu nih a let tampi in thluachuah nak pe hram ko hna seh.
Lawmh nak he....
Rev.Khen Sang
Bethel Baptist Church of TX
*********************************

IMMANUEL CHIN CHRISTIAN CHURCH, KANSAS CITY, MO TO CHIN EVANGELICAL BAPTIST CHURCH, OMAHA, NE

 

CBCUSA chungtel hawikom vialte,

 

Immanuel Chin Christian Church Kansas City MO in Pastor Sang Vung le mino 20 hna cu CEBC Omaha NE krihfabu ah September 28-29, 2013 tiang ICBM revival group in an rak kan tlawng kho hna i Pathian thang that tinak voihnih kan ngei kho hna, cun Zarpi ni zinglei zongah inn kip thlacam nak zong a kan ngeih piak hna i kan nih khihfabu lei in thazang tampi kan i lak, An Pastor Sang Vung a thawng thachim zong a tha, cun an mino zong nih thawngtha a kan chimh i ngaihcim lo khi asi. Pathian lei ah an i biatak, zohchun awk tlak taktak an si kan i lung hmuih taktak hna, hlaremh zong an tha kho tuk. Immanuel Chin Christian Church hi Khrihfabu note a si ko nain action song siseh, a dang hlaremh, solos zong an thian taktak.

ICCC mino le Pastor Sang Vung nan cungah Lawmhnak kan ngei. Pathian nih thlaw inchuah ko hna seh.

 

ICBM caah $ 227.00 a chuak i CEBC Omaha nih an kuat colh hna lai.

Lawmhnak he le a tang i thilchihmi ah hmanthlak a um lai.

 

Van Nun Tluang

CEBC Omaha NE

*****************************************

 

SPRINGFIELD CHIN COMMUNITY CHURCH, MO TO EMMANUEL CHIN BAPTIST CHURCH, DALLAS, TEXAS

 

Rian Tuan hawi hna,

 

ICBM programe in Rev. Nguniap Mualcin le a khrihfabu Springfield Chin Community Church, minung 26 an mino le an upa hna he an kan tlawng i ni zaan zaanlei pumh dih in an kir. Pathian min kan thangthat. Kan ni hmuh lo nak a sau mi kan unau tam pi zong kan ni hmu hna i, thlarau lei long si lo in hawi kom i tawn zong a si chih caah lunglawmh nak in kan khat ve ko. Thawhlawm a tla mi tlawmte zong kan vun kuat ve te lai.

 

Van Ni

Senior Pastor

Emmanuel Chin Baptist Church

2536 Valley View Lane,Farmers Branch, TX 75234

Cell: (972)890-3239;Web: emmanuelchinbaptistchurchdallas.com

********************************************

 

ICBM REVIVAL GROUP [DC AREA] TO PHILADELPHIA CHIN BAPTIST CHURCH, PA

Dam le lawm tein DC Area Revival Group cu PCBC khrihfabu ah caan kan va hmang kho. Kan i nuam tuk, Bawipa nih a kan umpi. Sunday zing in kan kal hna i, kan phanh bakin downtown an mino nih an kan vah pi. Downtown kan vah dih in Revival Group pawl inn kip ah thlacam kan vak. Cun zaan lei 3:00 in pumhnak ah caan kan va hmang. CBMC Pastor Sui Hliang nih a kan telpi ve. Kan i nuam tuk, Bawipa tu nih sunparnak co ko seh. A tang ah kan caan hman mi pawl PCBC khrihfabu nih youtube ah an tar le rak zoh cio ve uh.

(1) http://www.youtube.com/watch?v=LMO2e3YeB5s

 (2) http://www.youtube.com/watch?v=_LFSX0HZbRU

 (3) http://www.youtube.com/watch?v=MyZyeqYkrFE

 (4) http://www.youtube.com/watch?v=Uig3iuiuEPY

CBCUSA u le nau hna,

 

Bawi Khrih min in nan kut kan in tlaih hna!

 

Nizan (September 29) ah ICBM Revival Group (D.C. Area) nih kan khrihfabu an kan tlawn khawh caah kan i lawm. Pathian min kan thangthat!

 

D.C. Area in mino 16 le Pastor Sui Hliang (CBMC) nih Philadelphia Chin Baptist Church kan sinah zinglei 9:00 hrawngah an kan phanh. Kan mino hna he khua chungah hawikomhnak ngeih pah in an leng hna. Cu dih cun, kan khrihfabu inn khat hmanh tang lo in, an kan len i thla an kan campiak. Pumhnak ah Pastor Sui Hliang nih “Na kal lai maw, na thlah lai? Ka kal lai maw, ka thlah lai?” tlangtar in thawngtha a kan chimh i, a tha tuk. Amah pumpak nih mission field a kal lio i, a hmuhtonmi chungin a kan chimhmi ko nih kan thinlung cio ah fakpi in rian a tuan tiah kan ruah.  A cung hrim ah kan i lawm.

 

Atu tan D.C. Area in a rami CCOC palai (UN min – ICBM) hna cu duh an nung. An i biatak. Zohchunh awk tlak hrim an si. Hmailei ah anmah nih Pathian ram kauhnak ah tampi an kan norpi khawh lai ti kan hmuh i, cu ko nih cun kan lung a kan hmuihter.  Pumh an kan hruaining, thla an kan campiak ning, an hlasak ning, Baibal an rel ning, a zeizong te zoh tikah Bawipa nih a hman hna ti zong a lang. An cungah kan i lawm. Pathian nih hmang chin ko hna seh!

 

HIKA (Preview)

Play 

(Show link)

ICBM GROUP SONG

pc bc

Philadelphia Chin Baptist Church ah ICBM revival group hla an sak lai (Sep 29,13)

 

ah group song an sakmi ngaih khawh a si.

HIKA (Preview)

Play

(Show link)

Pathian hla

pc bc

Tv. Van Lal Mang nih ICBM revival group PCBC (Philadelphia) an kan tlawn lio ah a sak mi a si.

(Show link)

ah Tv. Van Lal Mang nih solo a sakmi ngaih khawh a si.

HIKA (Preview)

Play

(Show link)

09292013 Cung Nung Bik Bawipa by Lg. Monica Uk

pc bc

ICBM(DC Area) mino Philadelphia Chin Baptist Church ah rival an rak kan tlawn lio.

(Show link)

ah Lg. Monica Uk nih solo a sakmi ngaih khawh a si.

 

Khrih rian ah,

 

Thomas Cung Bik (Amos pa)

Pastor, PCBC

2310 S Darien Street
Philadelphia, PA 19148http://biaknakkong.blogspot.com

*********************************************

 

HOUSTON CHIN CHRISTIAN CHURCH OF HOUSTON & SENTHANG CHIN BAPTIST CHURCH TO CHIN EVANGELICAL BAPITST CHURCH, TEXAS

CBCUSA chungtel hawikom vialte,

Houston Chin Christian Church of Houston(CCCH) in Pastor, Rev. Van Thawng Lian le Khrihfabu Upa hna le an mino, an dihlak ah 20 le Senthang Chin Baptist Church(SCBC) in an Chairman le mino an dihlak ah minung 24 cu kanmah CEBC Texas ah ICBM Revival program in an kan tlawng kho. Khawmpi/Civui bantukin kan i nuam taktak. Rev. Van Thawng Lian nih Thangtha a kan chimhmi hrimhrim cu kan i lunghmuih hringhran. Hlaremh zong an tha kho tuk. An kan tlawn lai kan i ngaih tluk in CEBC Texas chungtel vialte cu ka di a riam tuk hringhran. Senthang Chin Baptist Church hi Khrihfabu note a si ko nain Action Song siseh, a dang hlaremh siseh, biatawi an kan chimhmi siseh, an pical tuk hringhran. Zohthla lo awk an tha lo. Pathian nih thluachuahnak pe hna sehlaw bochan chin awktlak in lamhruai hram ko hna seh.

ICBM caah $ 2036 a chuak i CEBC Texas treasurer nih a hon in kuat colh hna lai.

 

Lawmhnak chimcawklo he,

 

Zammang Mualcin

CEBC Texas

**************************************

 

SEPTEMBER 22, 2013 SUNDAY

 

ICBM REVIVAL GROUP, INDY TO LAI BAPTIST CHURCH, DC

 

ICBM Prokrem in USA ramchung ah Pathian thawngtha phuan asi cuahmah.  Kan nih Indianapolis Region zong in hmunthum ah Sep. 21-22,2013 cu kan vak ve.

1.    CEBC Associate  Pastor John Za Thleng le Indinapolis buu 3 komh, ( Mino 13 )  cu Washington D.C ( LBC)  Rev. Rollin Van Bik te khrihfabu ah ICBM Prokrem in thawngthachim ah  Friday 09/20/2013 ( 9 : 00 PM) in an i thawh. Saturday 09/21/2013 @ 7: 20 AM ah kan phan.

        Kan phak tlawmpal ah D.C an khua chung, America rampi minthang White House, Congress te pawl ah  a kan lenpi.

@  Caanhmannak : Saturday zaan le Sunday zing hmunkhat te ah, lunglawm taktak in  Pathian sinah thangthat ttinak kan ngei kho.

@  Suanglawi taktak in an kan zohkhenh, hmurthlum kaa al an kan pek, mithmai panh taktak in an rak kan zoh. LBC khrihfabu cung ah lunglomhnak chimcawk lo kan ngei.

Pathian tu nih alet sawmza in thluachuahnak pe ko hna seh.

@ Sunday Pumhdih ah hmunkhat ah khrihfabu nih dihlak rawl i hrawmttinak kan ngei.

Zaanlei 5 : 00 PM in Indianapolis lei ah kan tlung. 3 : 00 AM ah dam tein kan phan than.

ICBM kan kalnak nih hin thlarau lei ah thazaang tampi akan pek ticu elawk tha lo asi.

1. Khual zong atlawn saisai lomi kan mi hna nih tampi khual an tlawng kho. Cun Mission revival min in khual an tlawn tik ah an mah hrimhrim hi mission rian ka tuan ti lungput ngei in a umkal mi asi caah lungthian di ariam taktak.

Akalmi revival nunnak ah siseh,kan phakmi hna khrihfabu cio ah siseh  thazaang thar an ngah cio.

Hi ICBM revival prokrem hi kan thazaang laknak le thlarau he taksa lei he kan i pehtleihnak ah

Hriamnam tha taktak pakhat asi.

2.Chaw le va nih a cawkkhawh lo mi thlarau riantuannak asi.

Revival Group aiawh in,

John Za Thleng

CEBC Associate Pastor

Indianapolis

 

***************************************

 

MONMOUTH CCC TO LAI CHRISTIAN CHURCH, MOLINE, IL

 

 

Lai Christian Church, Moline, IL sin ah MCCC mino he kan leeng kho i kaa lawm tuk.  Pathian ka thangtthat.  Na pastor Saya David Hrang Tiam cu Lairam ah pastor sau ngai a ttuan cang mi a si.  An khrihfabu member cu an tlawm rih nain, ICBM missionaries pahnih thlah ding in thla an cam.  Lunglawmhnak a tam hringhran.

 

MCCC mino hna nih thlarau le thinlung tak in hla an sa, an remhmi cu ngaih an nuam.  Thazaang tampi a kan pek.

 

*******************************************

 SEPTEMBER 15, 2013 SUNDAY

TEXAS CHIN BAPTIST CHURCH, DALLAS, TX TO CACTUS CHIN CHRISTIAN CHURCH, CACTUS, TEXAS

ICBM Revival Group khualtlawnnak Report :-

CBCUSA chungtel dihlak,

Dam in nan um cio maw? Bawi Khrih min in nan kut kan in tlaih hna.

Pathian dawtnak le lamhruainak thawng in Sep. 14-15, 2013 tiang Revival Group min in keimah le TCBC Mino 12 hna cu Cactus Chin Christian Church, Cactus, Texas ah kan va tlawng hna. Sep. 14 ni zanlei 1:00 P.M. in Dallas in Van pakhat in kan i thawh i, 7:30 P.M. ah Cactus kan phan. An Khrihfabu dihlak nih an biakinn in lunglawm tein an rak kan don. Zan 9:00 P.M. ah Pathian thangthat tinak pumhnak kan ngei. Pumh dih in an Pastor umnak inn ah i hawikomhnak kan ngei than.

Zarhpi ni zing 9:30 A.M. in 11:30 A.M. tiang Group pathum ah kan i then i inn kip ah thlacampiaknak kan tuahpiak hna. 12:00 P.M. in Pathian thangthatnak pumhnak kan ngei than, Bawipa zanriah peknak zong kan ngei kho. Khrihfabu hmete an si nain an dihlak in an i pum,an i biatak tuk fawn. Pathian nih a kan umpi kan i pumhnak zong a nuam tuk, kanmah zong thlarau thazaang tampi kan hmuh.

Cactus Khrihfabu nih tha tuk in an kan zohkhenh caah an cungah lunglawmhnak chimcawklo kan ngei. Pathian nih thluachuahnak pe ko hna seh tiah thlaza kan campiak hna.

Pumh dih in chuncaw an kan pekmi kan ei dih hnuah zanlei 3:30 P.M. in Cactus in kan i thawh than i, 10:00 P.M. ah Dallas dam tein kan phan than. A rian thiang tuan khawhnak caan tha a kan petu kan Pathian a min kan thangthat. ICBM Revival Group riantuannak Pathian nih thluachuahnak pe chin ko seh.

TCBC chungtel a si mi Rev. Ceu Tum le Senthang Chin Baptist Church Mino 40 hna zong Revival Group min in Sep. 8, 2013 ( Sunday ) ni ah CBCUSA chungtel a si mi Austin Khrihfabu sin ah an va tlawng ve hna. Zarhpi ni zan 7:00 P.M. lawng ah pumhnak a ngeimi an si. Hi ni ah Van a nganmi pahnih in an kal i cacawn nikhat ni zinglei 1:00 A.M. ah dam tein Dallas an rak phan than. Revival Group in a kalmi Rev. Ceu Tum le SCBC mino hna an dihlak cungah lawnglawmhnak chimcawklo kan ngei. Pathian nih thluachuahnak pe ko hna seh.

 

Bawipa rian thiang ah,

Tial Lian ( Rev. )

Pastor, TCBC, Dallas

*********************************

 

 

CHIN EVANGELICAL BAPTIST CHURCH, TEXAS TO AMARILLO CHIN CHRISTIAN CHURCH, TEXAS

Tu tan Zarhpini 9/ 15 / 2013 cu ICBM Revival Group Rev Zam Mang Mualcin le a nau le minung an dih lakah (12 ) Jesuh le a zultu ko kha an number zong an si i an lo ngai in kan hmuh ko hna an kan tlawng i Thawngtha in siseh hla in si seh an vun hluai ciammam cang cu an that tuk ah khua sik sem zong te an kan chuah ter dih ko.  Kan i lawm i kan i nuam hringhran ko.  Pastor kan ngeih lo lio ah CBCUSA kan pa le hna le ICBM khuakhaang lai rel tu kan pa le nan cungah lunglawmhnak chim cawk lo kan ngei.Hmailei nan khuakhaan lai rel nak cung kipah Bawipa nih in hmang chin hna in thluachuah in pe chin ko hna seh.  ICBM zong Bawipa nih thluachuah pe ko seh.

 

  Cung Awr

  ACCC

  Amarillo,Tx.

******************************

MONMOUTH CHIN CHRISTIAN CHURCH TO CBC, DES MOINES, IA

Dear EM le ICBM Hruaitu hna,

Pathian lam hruainak thawngin Illinois ummi MCCC Khrihfabu zong ICBM min in CBC, Des Moinse, IA sinah Pathian thawngtha an au pinak ah thazang thar pek than dingin September 14-15, 2013 ah kan rak i thawh kho. Kan dihlak minung 13 kan si. Bawipa nih caan tha a kan pek caah, nuam ngaiin pumhnak voihnih kan ngei kho i, inn kip thlacamnak zong kan tuah khawh.

 

CBC khrihfabu nih an kan conglawmhnak le an kan zohkhenhnak kan hmuh tikah an cungah lunglawmhnak tampi kan ngei i, Pathian min kan thangthat fawn. ICBM ca tiin Bawm zong an kan hun piak i, $867.00 a chuak kho. Bawipa a tha tuk!!!!!

 

Lunglawmhnak he,

Niceu

Pastor

MCCC, IL

********************************************

 

MILWAUKEE ICBM REVIVAL GROUP TO MILWAUKEE CHIN BAPTIST CHURCH

CBCUSA Hawi Dawt Hna,

ICBM revival groups hna cu USA ram chung ah thlarau nih lam a hruai hna i zarh fa tin khrihfabu kip sin an kal thawng tha an phuang. September 15 zarh ah Milwaukee Revival group le Rev. Lal Pek Lian hna cu Milwauke Chin Baptist Church, WI khrihfabu ah an kal kho. Voi hnih pumh ti nak an ngei, inn kip thla camnak zong an ngei kho. Rev. Lal Pek Lian cu lai tlang lei ah khuasa mi asi tik ah kan ram ah mission a herhnak kong fiang deuh tein a kan chimh khawh caah mipi kan lung a kan suk, a thawngtha nih kan ruahnak leng in mission rian le ICBM caah thazang a kan pek.
MCBC nih ICBM caah tiin bawm an dawn i a za tein $ 992.00 a chuak, khua ruah har tak tak asi. Mipi lung thin ah Revival group hna thawngtha a nung i ICBM cu thuk chin leng mang in a pil ko.  Tutan ah a hlei in Milwaukee um CCBC le MCBC khrihfabu pa hnih nih kan i lawmh khun mi cu kan pastor Rev Lal Pek Lian nih, Milwaukee um chung ah Bawipa zaan riah a kan pek i kan caah a sung lawi khun, Pathian khua khan asi. A mah cung zong ah kan i lawm tak tak. Pahian nih hmang chin leng mang ko seh.
 
Ronald Charles Nunuk
Milwaukee
*****************************

 

ICBM INDY REVIVAL GROUP TO QUAD CITY CHIN BAPITST CHURCH, IL

Pastor John Za Thleng, CEBC hruainak in Revival group minung 17 nih Rev. Lawm Cung Nung te khrihfabu an va leeng kho i kan i lawm.  Bumu Van Thio zong a mui kan hmuh i kan i lawm.

 ******************************************

ICBM REVIVAL GROUP LAUTU CHIN CHRISTIAN CHURCH, KANSAS CITY, KS TO CHIN CHRISTIAN BAPTIST CHURCH, DENVER, CO

Bawikhrih ah dawt mi CBC USA Nan dam lio rak si hram cio seh, Bawipa min in nan kut kan tlaih hna. Kei hi mi hmai ah ca tial bel le ca thlah bel ka si lo caah, ca tial zia le ca thlah ka thiam lonak ah ka theithiam hram te uh! A tu tan hi cu ka lung si tuknak le ka lunghmuih tuknak vun langter ta ka duh ve caah, um thiam lo in ca ka vun thlah ve. Bawipa nih a kan dawt i Colorado ti nih a kan phum lio caan le harnak kan don lengmang lio pi zongah ICBM min put in Revival groups Lautu Chin Christian Church Kansas City a um mi hna nih 09/14/13 ni in 09/15/13 zanlei sang tiang Bawipa Thangthat tinak le zei tin dah Mission rian kan tuan ti lai ti mi Thawngtha he an vun kan tlawng cu, kan i lung si tak tak! An vun rat ka ah cun minung hlei 12 te lawng an si fawn, a ra mi ah le hngakchia te te lawng te an si rih hoi tiah kan i lung si lo ngai ngai, a si nain pumh kan vun thawk cu praise and worship an vun kan hruai ning le Pathian an Thangthat ning kan hmuh cu kan khuaruah zong a har dih, kei le bang cu aw mah hi pei Pathian Thangthat ti mi cu a si hi ka ti i, ka lung si tuk ning le ka nuam tuk ning hi lunglawmhnak mitthli he ka khat. Hngakchia te te an si ko nain Bawipa caah tiah an si khawh tawk in Pathian an Thangthat ning zoh tik ah i cawn awk thlak te te an si, hmailei ah Bawipa tu nih hmang chin leng ko hna seh. A hlei in a vun rat pi tu hna an Church Pastor Dawt Peng hrim hrim a cawlcang ning zoh tik ah a mah ban tuk Pathian riantuan tu tha Pastor tampi kan miphun nih a herh tiah keimah lawng khua ka ruat len. A herh ah Groups Song a sa ve a herh ah Trio a saa ve hoi Music lei hrim hrim a herh ning in a mah nih a dum dih hoi, a danglei hmanthlak ah hin a cawlcangh ning nan rak hmuh ko lai, kan i lawm tak tak khi si. An phak zaan ah 7:00 pm in phumh kan thawk Saya Thomas Thang Hu nih ‘ Timh Cia in kan um maw’ ti mi Thawngtha an kan chim a thiam tak a dih zawn hmanh theih a si lo, cun zerhpi zingkaa te bak in inn kip te ah thlacam piaknak an kan ngei hoi rih, cu a dih in chun pumh 2:00 pm in kan thawk than cu Pastor Dawt Peng nih ‘ Nang zei dah na thim lai’ Mission ruan tuan ning kong he pehtlai in Thawngtha bia a kan chim cu chun ni thlak hmanh kan chim seh law kan fuai nga lo ti awk in a thiam hoi, mah ti cun pumh a dih hnu ah Inn pakhat ah thlacam tiinak te kan ngeih hnu ah an khua lei ah zanlei nazi 6:30 pm in an kan tlun tak, kan i lawm tak tak ti leng in chim awk kan ngei lo, Bawipa nih hmailei an riantuannak le an Khrihfabu an cawlcanghnak ah thlachuah pe in um pi zungzal ko hna seh tiah thla kan cam piak hna! A tanglei ah hmanthlak ka ngeih mi vial ka vun tar chih, kaa lawm.  By James Awi

Dear Khrih ah zumtu dihlak le ICBM Director le CBCUSA EM,

 

Hi bantuk in ICBM program ah i tel kho dingin nunnak, damnak le caantha a kan petu kan biakmi Pathian min cu thangthat si ko seh!

 

ICBM program cu Pathian lam hruainak thawngin le tuanvo ngeitu hna hruainak thawngin thawk a si cang bantuk in, kan nih “Lutuv Chin Christian Church Mino le KCBC mino (12)” hna zong (09/14/2013) ah, “ICBM Revival Group” min in Colorado Chin Baptist Church ah kan va kal kho. Kansas City in Zinglei 9:30am ah kan i thawh i zan lei 5:00pm ah Denver cu dam tein kan va phan.

 

Inn tek “CCBC” Khrihfabu nih hlunghlai tak in “ICBM Revival Group” cu an kan don i kan i lunghmuih taktak. Kan phak zan (Zarhte) ah pumhnak kan ngei kho, cun Zarhpi zing 9:00am in 11:30am tiang Khrihfa upa hna hruainak in inn kip ah thlacamnak kan ngei kho fawn. Cun Zarhpi chun zongah “ICBM Revival Group le CCBC khrihfabu dihlak” hmunkhat ah Pathian thangthatnak kan ngei kho than i kan i nuam taktak. Hi bantuk in “ICBM Revival Group” a kan cawnglawmh tu le thinlung innka a kan onhtu “CCBC Khrihfabu” cu Pathian nih thluachuah pe chin sehlaw an Pastor John Za Bawi Lian zong Bawipa nih hmang chinchin ko seh. 

 

Cun kan kal lei he kan kir lei he Mawtaw (Van) a kan mawnghpiaktu Pu Zaw Thaih (Rachel Pa) cungah “ICBM Revival Group” nih lunglawmhnak chimcawk lo kan ngei. Hi bantuk in a thiamnak hmang in Bawipa ram caah siseh, ICBM caah siseh ai peknak cu Bawipa nih thluachuah pe chin ko seh.

 

Cun ICBM Revival Group nih Denver kan kalnak ah kan hmanmi minung (15) tlum Van (mawtaw) le a dihmi datsi (Gas) man a kan hlutu “Lutuv Chin Christian Church, Kansas City, KS” cungah lunglawmhnak chimcawk lo kan ngei fawn.

 

Cun CBCUSA le ICBM program ah tuanvo ngeitu nan diklak cungah kan nih “ICBM Revival Group” nih lunglawmhnak kan chim fawn. Hi program hi Bawipa nih thlua a chuah hrimhrim ko tiah zumhnak kan ngei. Hmai lei zongah Bawipa nih thluachuah pe chin ko seh.

 

Atanglei hi “ICBM Revival Group” nih CCBC Khrihfabu kan cam chungah kan hmuhmi thluachuah hna cu an si.

 

1. Zarhte Zan Pumhnak Hmuhmi Thawhlawm $146

2. Zarhpi Zing Innkip Thlacamnak ah Hmuhmi $850

3. Zarhpi Chun Pumhnak Hmuhmi Thawhlawm $286

 

CCBC Khrihfabu nih “ICBM Revival Group” pawl kir lei datsi (Gas) man tiah $300 an kan pek. A si nain kan Khrihfabu nih kal lei le kir lei datsi man cu an kan ronh cang mi a si caah hi $300 cu ICBM caah kan fonh chih. A zapi kan hmuh mi ah $1582 a si.

 

“ICBM Revival Group” nih Pathian min in kan hmuhmi dihlak $1582 cu Ngunkeng sinah thaizing ah kuat khawh ka rak i zuam lai.

 

Hi vial in a rianthiang ah,

 

Dawt Peng (Aka) James Dawt Uk

Volunteer Youth Pastor

Lutuv Chin Christian Church

Kansas City, Kansas, USA

913-748-6289

 
*******************************************

 

 

SEPTEMBER 08, 2013 SUNDAY

CHIN BAPTIST CHURCH DES MOINES, IA TO OMAHA CHIN CHRISTIAN CHURCH

Upatmi CBC USA khrihfabu hruaitu hna,

           Des Moines Chin Baptist Church khrihfabu zong pathian lam hruainak in ICBM Revival Group cu Rev.Phun Ceu le mino hna he  Sep 7 le 8 ni, Omaha Chin Christian Church khrihfabu ah tlamtling tein caan hmannak kan ngei tti hna. atang link ah hin tlawmpal muicawl in kan cawlcangh ning  zoh khawh asi.

 

CBCD Mino Hlaremh
 

  http://youtu.be/UWTum51i5gU

 

Upatnak he,

 

Chin Baptist Church

Des Moines, IA

  [cung] Chin Baptist Church, Des Moines, IA Mino

********************************

 

 

ICBM REVIVAL GROUP TO LANSING CHIN BAPTIST CHURCH

Dear CBC USA Ram Chung Khrihfabu hawidawt hna,

ICBM Revival bu nih Lansing Chin Baptist Church ah ICBC Pastor Rev. Tluang Thang hruainak in an kan tlawng ve cang kan i lawm tuk. LCBC Khrihfabu zong an kan hliphlau ngaingai i Pathian kan thangthat i an dihlak cungah kan i lawm tuk. USA ram ah mino tampi cu Pathian sin in lam dang ah an kal cuahmah lio ah Chin Mino tete nih zeitluk in dah Pathian an duh ti ka hun hmuh tikah ka lawmtuk hringhran.

ICBC Kan Pastor Rev. Tluang Thang sin zongah kan I lawmtuk, Thawngttha a phuan mi zong a ttha tuk lengah Bawaipa zanriah zong a kan pek, Pathian nih hmang chin lengmang ko seh. Lomhnak chim cawklo bu in,

Hrang Cung Hnin ( Holyvan Pa)

Pastor LCBC, MI.

**************************************

 

AUGUST 25, 2013 SUNDAY

OKLAHOMA CITY CHIN BAPTIST CHURCH TO CHIN CHRISTIAN MISSION CHURCH AH ICBM REVIVAL GROUP LENNAK

SOLO & HLAREMH & SERMON

 https://www.youtube.com/watch?feature=player_detailpage&v=2WnY0Rh0zZ8

Dear CBCUSA hawidawt vialte le Pu Ngunkeng,

 

Kan nih Oklahoma um OCBC in, Mino 16 le keimah zong,, Kansas City um mi CCMC ah naizarh     ( 25.8.13) zankhat riak in kan kal. An Khrihfabu nih mission rian an rak i hmaithlak bantuk in, ICBM revival group cu thlacam nak le timhlamhnak ttha tak tak in an rak kan don.. Mithmaittha, hmurkattha an kanpek an kan dawt tuk i kan i nuam tuk. Eidin tthutdir  le an kan hawikawmh nak dihlak nih pawkhim le siarem in a kan chiah lawng si lo in a kan lunghmuih ter tuk. An sin in thazaang tampi kan la.An Pastor cu Saya R. Za Bik a si.

Inn lak thlacam kan kal nak ah, cabawm te in ICBM rianttuan nak ah ti in  an pek mi cu $470 a si. Voihnih pumhnak kutputthawhlawm zong $200 an pek chih. Cun nan tlunkal nak ah ti in, $500 ankanfunh. Tlunkalnak tucu kan mah OCBC nih ICBM rianttuan nak te ah si ve ko seh tiah an kan rawnh ko ca ah, kanmah i lak a hau lo i, a dih lak fawnh ah $1170 hi anpek mi a si. Bawipa nih a let tampi in thluachuah chin ko hna seh tiah thla kan cam piak hna.

 

Nihin 9:00 am ah kan Church Chairman Pu Tawk Zam nih Direct Deposit in Pu Ngun Keng sin, CCOC( ICBM) account ah a kuat. A luh le luh lo zong thawng kan thanh kho u law kan i lawm ko hnga.

Minung tlawm te an si na in zohchuntlak an si, Hmanthlak tlawmpal kan thilchih. A toi lei link hi hmet law a lang ko lai.

Lawmhnak chimcawk lo he,

Chia Zi

OCBC

 

Upatmi CBCUSA ngun keng le hruaitu upa hna,

 

    Kum 2013 ca’h ICBM thawhvo cu nihin 8/28/13 ah check in $ 1070 kan van in kuat. Ngun keng nih na hmuh le hmuh lo thawng na van kan thanh than telaw kan i lawmtuk hnga. Kan tlai deuhmi cung zongah Bawi Khrih minin zaangfah kan van in nawl duh fawn hna.

 

       Cun Oklahoma City in an pastor Rev. Chia Zi he minung 17 bak ICBM Revival Group in an kan tlawng i kan i lawm hringhran. Thazaang tampi kan la. Thiangthlarau nih a thuamh hna i an mithmai a ceu, an i biatak, an i dawh dih fawn. Pathian bia le hla he thazaang an kan pek. An phungchim zong a ttha, inn kipah biatak tein thla an kan cam piak i kan i lunghmuih khun. Bawipa tu nih sunparnak cu co in thluachuah van luhnak pe hram ko hna seh.

 

        ICBM rianttuannak ah hin Pathian nih a Thiangthlarau in a kan telpi ko ti hi ICBM Revival Group pawl kalnak poah ah ICBM Revival Group pawl le an kan tlawnnak Khrihfabu kip nih hlawknak kan hmuhnak tehte kan khan cionak nih a langhter caah kan i lawm khun. Kan Chin miphun dihlak nih ‘Jesuh cu Bawi a si’ kan ti khawhnak lai ICBM cu Bawipa nih thluachuahnak pe chinchin ko seh ti thlacamnak he…

 

Lawmhnak he Khrihfabu aiawh in

Reuben Za Bik

Chin Christian Mission Church

Kansas City, KS

*******************************************************

 

 

CBCUSA EM LE HAWI TO VIRGINIA CHIN CHRISTIAN CHURCH, VA

VCCC hi mi tlawmte an si.  New Port News, Virginia ah an um.  Member 40 hrawng an si.  Pathian duhnak an ngei.  Anmah tein an i nuam ve.  An umnak khua hi inn man a niam ve.  Rianttuan ding a um len ko.  Sathahnak zong a um.  Hmailei ahcun Laimi nih um kan duh men te ko lai.  Pastor ngei in rian kawlpiaktu ngei hna sehlaw umnak caah a tha ding a si.  EM le anau le nu pahnih nih an va len hna.  Khrih min in i len cu a rak nuam taktak ko.  An tlunnak cu Virginia Beach, VA ah a si.  Rilipi kam zong ah lennak a ttha ngaimi khua a si.  Bawipa Zanriah cu tu kum ah a voikhatnak an hman a si.

[tang] CCOC Hlaremh

http://www.youtube.com/watch?v=zZWgpB3Ttd8&feature=youtu.be

Solo: http://www.youtube.com/watch?v=UbUU37g3l08&feature=youtu.be

Solo: http://www.youtube.com/watch?v=LNmyhLqMV7I&feature=youtu.be

[tang] VCCC Praise & Worship 

***********************************************************************************************

INDIANAPOLIS REVIVAL GROUP – 1 to Bowling Green Chin Christian Church

CEBC mino 4, ZCC mino 2, ICBC mino 3, CCC mino 4 le CEBC Pastor John Za Thleng tiin minung 14 cu August 14- 15, 2013 cu Kenturky, Bowling Green ( BGCCC) khrihfabu, Pastor Henry Hniang Cung tuannak khrihfabu ah kan kal kho.  Pathian lam hruai nak thawng in kan khualtlawnnak atlam atling taktak. Inntek zong an i lawmtuk, akalmi zong kan i lawm tuk. Caanhmannak cu, akalmi kan nau le nih hla in, bible relnak le ICBM tuanbia chimnak le aphunphun in caan hmannak kan ngei.  Thawngtha poahpoah cu Pastor John Za Thleng nih a chimh.

BGCC Khrihfabu nih sunglawihnak akan pekning: 

1.  BGCC khrihfabu nih sunglawi tuk in an kan don,Bowling Green Buffet Dawr ngan taktak ah chuncaw akan dangh.  Zaanlei ah khrihfabu he Lentecelhpinak le hawikomhnak a kan ngeih pi.

2. Vok sum 6 bak ICBM akan thah, ropui taktak in hmunkhat ah kan ding kan ei hna.

3. Pumpak in thawng tha chimtu tiang in laksawng akan pek.

4. Gosple akal mi kan mino vialte lakphak dinnak laksawng akan rawnh dih.

5. Khrihfa upa dihlak nih sunglawi takin innkip ah thlacam akan zulh i kan leng hna.

6. Innkip thlacam kan lennak ah lunglomhnak laksawng akan thenmi an tam taktak.  An chairman nih chaw le va hal ah an ra loh ati len ko hna nain kan i lawmhtuk caah lakphak ti dinnak kan tibia asi tiin pathian an upatnak an langter.

7. BGCC nih ICBM aconglomhning le upatnak apekning  hi cu zohchun awk tlak taktak an si.

Caan hmangning:

1. Saturday zaan pumhnak kan ngei, pumhdih hnu ah i hawikomhnak kan ngei.

2. Sunday 8 : 00 AM – 11 : 00 AM tiang khrihfabuu  innkip ah thlacamnak le bible relank in kan leng hna.

3. 12 :00 Noon –  1 : 30 PM tiang vok akan thanhmi hmunkhat te ah rawl kan ei ti.

4. Sunday 2 : 00 Pm – 5 : 00 PM tiang, hmunkhat ah Pathian thangthat tinak in hawikomhnak kan ngei .

5. 6: 00 PM in Indianapolis ah kan tlung i zaan 10 Pm ah dam tein kan umnak kan phan.

6. ICBM cung ah le BGCCC cung i, kan i lawmhnak le kan i nuamnak hi chimhkhawh lo tiang in nundi ariamh ter hringhran.

Pathian sunparnak caah si ko seh.

ICBM nih achuahpimi : 

1. Revival akalmi mino hrimhrim nih mission caah kan i tel khawhmi cu kan nunchung ah philh awk atha loh, kan i lunghmuihtuk hmailei ah kan kal ter peng uh asi khawh ah cun an kan ti.

2. Khrihfabuu kip taksa, thinlung le thlarau itharchuahnak le ihawikomhnak ahrin.

Revival Group( 1 ) aiawh in, 

John Za Thleng 

Associate Pastor

CEBC,Indianapolis

******************************************************************************************

BETHEL BAPTIST CHURCH, DALLAS, TX AH

Pastor Charles Nunuk le TCBC Mino hna Lennak

Duet: https://www.youtube.com/watch?v=3NEnpiypp_Q

Zumh tu u le nau hna,
Kannih Bethel Baptist Church of Texas Khrihfabu zong pathian lam hruai nak thawng in  Pastor Ronald Charlse le TCBC mino hna nih ICBM revival group min in an kan  tlawng kho.Kan thazang der lio caan ah kan mah thazang pe tu dingah pathian nih a kan  Thlah piak mi, avancungmi bantuk ansi. Zarhte zan he zarhpi ni he pastor Charles nih thawng  tha in hnemh nak le thazang akan pek i,a ni kholo mi zong a kan nih ter,aa lawmh kholo mizong  Lawmhnak le thlarau tha zang tampi akan pek.Mino hna hmang in,hla in thazang tampi ankanpek  i, Khrihfabu dihlak kan lungdi ariam.ICBM rian tuan nak caah kan lung ankan thawh ter long silo in  Ngaihchiami hnemhtu le thazang der mi thazang pe tuding zong ah pathian nih ahman hna ti kan  Hmuh tikah kan pathian min kan thangthat i,anmah cungzongah kanlunglawmh nak kan langh ter.Bawipa nih ICBM riantuan nak thluachuah pe chinkoseh.
Lawmhnak he
Rev. M Khen Sang
BBC TX

*********************************************************************************

ST. JOSEPH, MO REVIVAL GROUP TO IMMANUEL CHIN CHRISTIAN CHURCH, KANSAS

Pathian lamhruainak thawng in ICBM reviVal vahnak cu kal pi cuahmah asi.  Kannih  ST JOSEPH MO revival group zong Pastor No Lian hmang in Kansas City Mo IMMANUEL CHIN CHRISTIAN CHURCH [ICCC] sin ah dam te in kan phan kho i Pathian dawtnak thawng in can zong tlamtling te in kan hman khawh caah Pathian min kan thangthat.  Ttha tuk in an kan zohkhenh i an rawl ttam sual lai an ti rawl an kan pek.  An ti a hal sual lai an ti.  Ti an kan pek.  Nuam tuk in an kan chiah mi cung ah ICCC nan dihlak Bawipa  nih  thluachuah nak in pe ko hna she.  An biakin zong a tha i a nuam taktak.  An pastor le an khrifaupa le an mino hna le an nubu pawl hna zoh tik ah thazang tam pi an kan pek tatak bawipa nih um pi zungzal ko hna seh… Amen.

Cun kan tlun kal nak tu cu ICBM ca ah kan hlut.  Pathian ram ca ah ti in um kal nak cu kanmah te in kan um kal ti ah thawng ka van thanh hna.  Lunglawmh nak tam pi he atang ah kan hmanthlak zoh khawh asi

St Joseph Memo revival group 

UM KAL PITU     MCBC

MISSOURI CHIN BAPTIST CHURCH

 (Pastor No Lian)

*********************************************************************************

August 18, 2013 Sunday

CBCUSA Zumtu Dihlak

               Pathian lam hruainak in ICBM revial vahnak cu kal pi cuah mah asi, an kalnak le hmanthlak te te hna zong cbcusa.org ah zoh khawh viar an si. August 18 zarh ah Milwaukee Revival group zong Pastor Phun Tling (Pastor, Milwaukee Chin Baptist Church) nih a hruai hna i Carson Chin Baptist Church, Milwaukee nih an khrihfabu Van 15 tlum cu ICBM Revival kalnak caah an hlut hna i nuam tak tak in Monmouth Chin Christian Church, Monmouth, IL ah an tlawng kho. Pathian dawtnak ni a huh phenh hna caah tluang tein Milwaukee an phan than cang.

MCCC, Monmouth IL khrihfabu nih an zoh khenh ning hna cu a tha tak tak, an lungput ah Pathian an i bochan i a mah min in a rami hna cu lomhnak he an khat ter hna. Cu lawng si loin thawhvo $25 tukmi chim loin zarhpi ni pumh ah ICBM caah lawm bawm an dawnh i $1073.00 an pek khawh. An khrihfabu hi chungtel tampi an si lo nain Pathian caah mitampi tluk in pek lei ah an thawng. Pathian nih thluachuah chap chin leng mang ko hna seh.  ICBM revival group cio zong nih le inteek khrihfabu nih ICBM caah thazaang chuah duhmi an um ko i bawm dawnh piak zong a cheu caah cun a tha ngai ko.

Lawmnak he,

Ronald Charles

Coordinator

August 11, 2013 Sunday
Khrihfabu kip sin ah Khrih kong cu an chim hna.  An hlasak thawng hi chuncha bang mui in hmuh khawh si sehlaw cu US states kip in Pathian sin ah an kaimi khi kan hmuh hnga.  Chin zumtu hna thlarau cu Pathian sin ah aa peh lulh hna.  A nuam kho taktak a si.  Zumtu hna nunnak ah hi nak nuam cu a um lo.
Nihin tiang kan theih khawmi revival groups hna cu:
1) Rev. Lal Cung Awi, ICBC pastor le Indy ICBM revival group cu Carson Chin Baptist Church, Milwaukee, Wisconsin ah an leeng.  Chungkhar kip sin ah thlacamnak an tuahpiak hna.  ICBM kong ah thanuam ngai in mi lung aa hlau.

2) Pastor Chan Hnin Htuai, DCB pastor le Dallas ICBM revival group cu Oklahoma Chin Baptist Church, OK ah an leeng.

 

United Chin Christian Church ah Gospel team:
DCBC mino nih kum khat ah khua chung voi khat khua leng voi khat gospel kal ding program kan ngei. Tukum cu Pastor Chan Thawng Lian te Khrihfabu, UCCC, Wheaton, IL ah Aug. 17-18, 2013 ah kan va tlawng. Meng 1000 deng a hlat caah kan baa pah nain caan kan va hmannak ah kan i nuam ngaingai hna. An kan zohkhenh ning a ttha, an kan dawt. Kan baat kan philh dih. Bawipa tu nih thlua chuah chin ko hna seh. CBCUSA chungtel an si lo nain chungtel Khrihfabu he an i dannak a um hlei lo; kan i daw tthiamtthiam ko. A bu (organization) kan ngeihmi pawl hi Pathian rian ttuannak ah khamtu si loin thazaang laaknak asi caah tutan kan gospel kal zong a sunglawi khun i ka thei.

Bawipa nih a rian nan ttuannak ah thlua in chuah cio ko hna seh.

Chan Hnin Thui (Bik Bik pa)

Dallas Chin Baptist Church

3)   Jacksonville Chin Baptist Church in minung 15 cu Georgia Chin Baptist Church, Atlanta ah kan va kal kho. August 10, 2013 zarh te ni ah kan ni thawh i zanlei 5:00PM ah kan phan. Zarhte zan le Zarh pi ni vawi hnih Pathian thangthatnak ti nak le phungchimnak kan  ngei. Zarh pi ni chunhlan ah a dam lo mi dong 5 hna sinah lengkai nak le thlacampiak nak zong kan ngei hna. Bawipa nih damnak thluahchuah a thar in  pe hram ko hna seh.

   A tam pi pi an ni pum. Pathian an tlaihchan i thathawhnak an ngei ti in ka hmuh . Hmailei ah thanchonak tam pi an ngei te lai tiah ka zumh. Tha te in an kan zoh khenh i bu le sa thaw thaw an kan dangh. An cungah kan ni lawmtuk. Bawipa nih an Krifabu le zumtu pakhat cio an nunnak ah thluahchuah pe hram ko hna seh tiah thlaza kan cam piak hna. Hmanthlak a herh ah cun a hnu ah kuat  khawh kan rak i zuam lai. Bawipa lam hruainak thawng in August 11, 2013 zarhpi zan 11:30 ah kan umnak khua dawh te Jacksonville cu dam tein kan rak phan than.

Lunglawmhnak tampi he,

Zo Bawi ( Rev)

Jacksonville Chin Baptist Church

4) Omaha in Chin Christian Baptist Church cu KCBC ah

Pathian dawtnak in tihni le nizan cu Omaha khua um mi Chin Christian Baptist Church nih ICBM Khualtlawnnak program in Kansas City um mi Kansas Chin Baptist Church he hmunkhat tein Pathian i thangthat tinak caan tha cu hlawhtlin tein kan dih khawh caah Pathian min sunparnak um ko seh. Kansas Chin Baptist Church nih zong khual dawtnak he a kan conglawmh ruangah an cungah CCBC Khrihfabu nih lunglawmhnak tampi kan ngeih hna. Hmai lei zong ah a tubantuk tein Pathian nih a saduhthahmi mission riantuannak caah lungrual tein kan tuan chin leng meng ding in Pathian nih lam a kan hruai te lai tiah zumhnak tampi kan ngeih ve. CBC,USA nih a tawlrel mi ICBM riantuannak cungah Pathian nih thluachuah pe chin hna seh tiah CCBC ai awk in siaherhnak he ka chimh duh mi asi.Pathian riantuan hawi,Moe
Chin Christian Baptist Church
Omaha, NE

5) Chin Evangelical Baptist Church, Omaha to St. Joseph Chin Baptist Church ah

Kannih CEBC Omaha krihfabu zong ICBM nawl peknak in le rianpeknak thawng in St Joseph Chin Baptist Church ah ICBM riantuannak le Thawngtha bia Aupi ding in August 10-11, 2013 ah SCBC krihfabu kan fa le bawhte he minung 15 tluk kan kal kho hna. Voihnih Pathian thawngthatnak tinak kan ngei hna. Pathian thiangthlarau ai phuang, kan pumh a nuam, kanmah lei an mah lei thlarau thazang kan I lak, thlarau lamhruainak asi.

SCBC krihfabu nih tukin a kan zohkhenh. An cungzong ah kan i lawmtuk
Cungnungbik Pathiannih SCBC le ICBM riantuannak thlachuahchin ko seh.Khrih ah riantuannak hawiVan Nun Tluang
CEBC NE

************************************

 

 

August 4, 2013 Sunday

ICBM Revival Groups hna cawlcanghnak kan theih i kan i lawm.  Rev. Philip Hrengling le DC revival group minung 11 nih Lai Baptist Church, Buffalo, New York an tlawn i Niagara Falls (vawlei cung minthang bik tisor) ah an lennak zong Facebook in thawngthanhnak a kan tuah.  Kan i lawm taktak.  Revival Groups dang zong nih thawngthanhnak a kan tuah cio te lai.

ICBM Thawngtha chimnak caah 2013 kum caah minung pakhat ah $25 khan in thawh ding timi hi mi cheu caah cun a si kho lai lo ti a awl te ko lai.  Hi hi cu Pathian zumhnak in thawh ding mi a si.  Lairam i CCOC rianttuan lio ah nuhmei hmanh nih ar te le vok te an ngeih chun zong an rak thawh tawn.  ICBM cu CCOC rianttuannak kha a pehmi a si.  A dirpi.  Leikhuaza Chin khrihfabu vialte he hmun khat ah rianttuan khawhnak ding caah International Chin Baptist Mission tiah min kan bunhnak a si.  Thlarau a tlaumi miphun hawi hna nih titsa le thlarau in khamhnak an hmuh khawh nak ding caah a si. 

Khrihfa biaknak cu mission riantuannak lawng nih a thancho ter khawh.  Zumhnak kan timi hi mit hmuh in a alh khawhnak cu mission rian ahhin a si.  A tu in hmuh chung ding mi cu Paletwa le Kanpalet le Mindat le Kankaw peng nih kan miphun hawi hna le mino hna nih hlaremh ttha ttha he Pathian thangthat in civui hna an tuah khawh caan a um te lai.  An inn lo a ttha deuh lai.  Kan hrinsormi thlarau fa le hna kan hmuh tikah lunglawmhnak cu a sang khun lai.  Hi hi Bawi Khrih ah kan ruahchannak a si.  Kan phak hlan in kan i lawmhciami an si.  Mission rian kan ttuannak thazaang le khrihfabu kip kan thlarau thazaang a si lai.

Laimi kan tlawm chinchap ah Thlang Laimi hna hi Khrihfa an si lo ahcun Laimi sinak hi an i hrawm kho taktak lai lo.  Kawlram Buddhism hi a tthawng tuk.  Hi Buddhism ruangah Kawlmi hi cattial le carel kho an tam.  1825 i Mirang nih Kawlram an doh lio ah carel kho mi Kawl cu Mirang nak in an rak tam deuh.  An biaknak Buddhism ruangah a si.  An biaknak hi an miphun nunnak ah an hman khawh taktak.

Kannih Laimi nih Khrihfa biaknak hi kan miphun nunnak ah kan hman ve.  Kan zumhnak hrampi cu "Pathian Fapa Jesuh Khrih an zumh lo ahcun an thlarau cu a tlau lan lai" ti hi a si.  Cu caah ICBM rianttuannak cu kan thok chan a si.

Kan mission rianttuannak cu CBCUSA blog www.lairambawiparam.blogspot.com le CCLA blog www.chinliterature.blogspot.com in thawngthanhnak kan thar chuah lengmang lai.  CBCUSA website kan tharchuah khawh hlan ah blog kan hman lai.

Pathian nih thluachuah in pe cio ko hna seh.

CBCUSA EM