CBCUSA CIVUI SAWMNAK

CBCUSA Khrihfabu chungtel vialte, Lei khuaza vanrang toi ummi Chin miphun vialte,

America ram ummi Chin miphun vialte le vawlei cung ram, khuazakip ah aa thek mi Chin miphun vialte, Zophei Christian Church(ZCC), Indianapolis, Indiana nih Bawikhrih min in nan kut kan in tlaih hmasa hna. Bawipa nih thluachuahnak in pe cio ko hna seh.

Kan i ngaih tuk mi CBCUSA a voi 5th nak kan civui pi cu kan naih thluachmah cang. Thlahnih te long aa duh cang. Khrihfabu nih kan thazang dihlak in le kan thlacamnak he timhtuahnak kan ngei cuahmah lio asi. Kan i pumhnak ding hmun minung 4000-7000 tiang aa tlum mi Biakinn cu nikum khan kan hlan cia cang. CBCUSA Khrihfabu chungtel vialte an thlacamnak cu Bawipa nih hlawh a tlin ter lai i kan Miphun tthanghnak dingah Bawipa nih a hman lai tiah zumhnak lian pi kan ngei.

Cucaah June 05-7, 2015 tiang tuah ding mi avoi 5th nak CBCUSA civui pi cu nan rak kan zawh cio nak lai Bawikhrih min in kan in sawm hna. America ram um mi vialte caah cun kalhnawh phu bak asi. Ahleicei in Thlarau leiah i hrimhthannak asi fawn i vacation lak phu asi. Zeidang lentecelhnak le i hawikomhnak phunphai can a um hrimrhim lai lo, zeicahtiah zeitindah Thlarau tirawl ka ei khawh lai tiin mitampi an i hnawh lai i a hnu lei pawl cu thutdan hmanh an tinco tilo kho men. Indianapolis, IN cu America ram a laicer deuh um kan si tikah 90% cu motor in rak zawh khawh dih asi. Thlarau tirawl vawi tein dangh na si hlei ah Thiang Thlarau tthanghnak ah naa paih lai i Indianapolis ah tan beh dingin hmun na khuar kho men.

Thlarau tirawl long hlah, lai dawr ah Lai thil, lai rawl, na duh mi poh naa hmuh khawh lai i na thlarau he na taksa hlawhtlinnak na ngei fawn lai. Kumsau tuk aa hmu ti lo mi na hawi nu na hawi pa he zong hmunkhat te ah ihti le eiti le thuttinak can na ngei fawn lai i naa hlawk pi lai ning !!!! Hotel khan tamtuk kan booking cang nain kumsau tuk aa tong ti lo mi hawikom hna vun i ton ahcun inn chiahru te, apartment hna ah umti khi a nuam kan ti cio, hotel ngeitu pawl an i sungh ngai fawn lai.

Kha, America um lo mi hna zong nan i sungh dih lo hih !!! "Live" in nan rak kan zawh cio ve nak lai Bawikhrih min in kan in sawm hna. Kan Civui can thengte ah khin nan can sungluai rak pek in civui nan kan zawh ve i Thlarau rirawl nan rak i hrawm cio ve nak lai kan in sawm hna. Live in zohnak cu tuanvo ngeitu hna nih an kan thanh chawm te lai. Australia um siseh, Lawngtlai um siseh, kan ram um mi kan pa le tampi sawm an si i kan i ngaih tuk ko hih !!!!

Civui kong he pehtlaih in .....

1. Pu Hniar Cung (Civui committee lutlai).....317-397-9511; hniarcung@yahoo.com

2. Pu James Ngun Er Lian (Hotel lei lutlai )..317-620-7060; jamesngunerlian@gmail.com

3. Salai Thang Cin Mang (Public Information lutlai) ..317-607-3002; mangsuithang@gmail.com

hna sinah pehtlaih khawh an si lai i anmah nih thawngthanh nak an rak in tuah lengmang te hna lai. 

Bawipa nih CBCUSA thlauchuanak pe sehlaw kan Chin miphun hi a ningpi in thluachuahnak pe chin ko seh............

Nan u nau,

Peter Darkham Thangngan

Associate Pastor

Zophei Christian Church(ZCC)

Indianapolis, IN

317-508-3266

lawngtlang@yahoo.com