Laimi le Vailam Then Kho Lo

 (Hniang Hniang, Tlemtlem, le Jenny sakmi hla)
 

Chin mino nih Pathian hi kaltaak hna sehlaw biakinn an phan ti hnga lo. Kan miphun zong hi Nitlak lei ram ah kan vui sual ko lai. Khrihfabu hi a ngan paoh ah a fim.  A thawng. Nain, local church level in kan thawn ngai ko zong ah bu (organization) a thawn lo ahcun miphun huap in thawnnak a ngei kho lo.  A thathnem khawh nak a tlawm. Miphun huap in biaknak bu hi a thawn i rian a ttuan  khawh  lawng ah ram pakhat ah democracy dik le tha mi a chuak kho.  Ram aa thlen lio ah biaknak hi a thlentertu a si lengmang.  Biaknak bu a thawn ve lo i uknak bu lawng a thawn ahcun ningcang lo in ram le miphun hruai a awl te. Cu caah biaknak bu thawnnak (power) le uknak (political) thawnnak (power) hi aa tluk a hau. Lai mino tampi nih Pathian an duh caah Pathian ram a dir kho lai.  Kan miphun hi a him lai.  Ram dang ah Laimi kan tlau lai lo tiah kan ti ngamnak a si.  Pathian an zamtaak ahcun kan him hlei fawn lai lo.  Biaknak hi thlarau le pumsa khamhnak caah hmual a ngei.

 

ABCUSA Judson 200 Jubilee ah Tv. Jonah Inhmai nih Halleluiah Chorus

a hruai hna lai.  4nk CBCUSA civui lio i a hlahruai hi ABCUSA civui

komiti nih an uar tuk i an thim tthan.

 

[tang] Hniang Hniang, Tlemtlem, le Jenny nih "Laimi le Vailam then kho lo" tiah

an sakmi hla hi ruah setmat ahcun kan miphun biaknak thlarau a thawnter taktak.

 

 

[tang] CBCUSA Office
Kan thoknak cu a fa ko rih.  Nain, a lianhngan can a um te lai.

 

 

[tang] Lairam biakinn vialte cu Khrih caah nunnak petu siangbawi hna

thlan hmun in aa thok kan ti ko lai.

 [cung] Baptist siangbawi te thlan a si.

 

 

Pathian nih hmai A kan chit ko hna.

 



4nk CBCUSA civui ah Praise & Worship a kan hruaitu Pastor Chan Hnin Thui le Lg. Monica Uk nih ABCUSA Judson 200 Jubilee zong ah an kan hruai rih lai.  Kan fa le hna thiamnak hi an rak za tuk.  ABCUSA civui bantuk ah can ngeih khawh hi a har ngaimi a si.  Pathian nih thluachuah pe ko hna seh.