Khrihfami Hna Lungrualnak

Lungrualnak cu kan thazang nganbik a si. Zei bantuk bu paoh nih lungrualnak cu a herh.  A bik in, khrihfabu le biaknak bu ahhin lungrualnak cu a herh khun.  Hi lungrualnak cu a kan khamhtu Khrih Jesuh ah kan bunh lawng ah a par aa dawh. A pang a ttha.

[cung] Green Lake, Wisconsin

A cunglei bantuk in kut sih kan hau.  Kutsih hnu zong ah kan thinlung le thlarau in Khrih kut kan tlaih a hau rih. Mit hmuh in kut sih ttung i thinlung in kut sih lo hi Satan rianttuannak ttihnung bik mi a si.  A hman duh ngai mi a si. Hmuh khawh a si lo caah ttih a nung khun. Pathian nih cun fiangte in a hmuh dih.  Khrih thisen in hloh aa zuam.  Khrihfami kan caah kan thinlung hi Satan nih a hman peng sual lai kha phan bik ding a si.  Cu caah, thinlung hngaltu Pathian kha he i chawnh zungzal kan hau.