Kan kal kho hnga maw hi rianttuan ding in?
2012 Leikhuaza Chin Churches Mission Fields

Khrih nih A Khamhnak Thawngttha chim ding ah leikhuaza Chin khrihfabu vialte hi a kan fial.  2012 chung ahhin a tanglei kan lopil hna ahhin Thawngttha thlaici vorh hna usih.  Facang phal i put in lunglawm tein Khrih thangtthatnak hla kan sak khawh caan tiang in kan lo hma chungah dir a cu cang!  A thuh deuhnak hmun ah kan sur chep hna usih.  Bible an rel khawh nak ding ah an duh ahcun Laica zong kan chimh hna lai.  Bible le hla cauk le Sunday School cawn ding mi cauk vialte zong a lak tein an ngeih khawh nak ding ah kan ngeihchun chaw hna zong i ken in kan kal a herh ko cang lai maw?  Bawipa aw cu "Ahodah ka fial lai? Ahodah ka lamkaltu a si lai?" (Is. 6:8) hi a si.  Khrih nih "Khuazakip ah va kal ulaw miphun vialte kha ka zultu ah va ser hna u" tiah kal lo awk ttha lo in a kan fial fawn.  Kan tthu sawhsawh ko lai maw?
Kawlram ah zalawnnak a um ahcun Thlang Lairam cu Khrih vailamtah tung put in leikhuaza Chin zumtu hna kan lennak si ding in thla cam tti hna usih.

Mindat le Kanpalet Peng (Kanpalet hi khuadawm nih a khuh).  Kanpalet khua ahhin

CBCUSA le Melbourn Chin Church nih CACC tawlrelnak in Boarding inn lianpi kan sak. 

Khuate siangngakchia an um ter hna.  Laica cawnnak zong an tuah.  Pathian bia zong

an chimh pah hna lai. Kanpalet peng chung ah khrihfa a si cia mi hna caah

biakinn sak zong a herh cang.

Matupi le Mindat karlak.  CBCUSA nih Matupi khua um Union Theological College cu

2007 in bawmhnak a tuah.  UTC ahhin Laica zong an cawn chih.  ICBC, Indy nih

Rev. That Dun philhlonak Caruuk zong an sakpiak hna. 

Sami khua in Matupi Peng.  Pathian Thawngttha chim a herhnak hmun an si.

Paletwa Peng.  Khrih Thawnttha chim a herhnak hmun a si.  Buddhist biaknak in

a ummi an tam. Chin miphun dang he pehtlaihnak a tthat lo caah Kawl le Rakhine nih

an chilh ngai hna.  Biakinn sakpiak a herhmi an um.  Dollar thawng khat nih cun

anmah thazang hmang in canphio inn fa nawnte cu a sak khawh.  Biakinn dawh te

ngei kho hna sehlaw hmailei ah thlarau lawng si lo in, an khuasaknak inn le lo

hna zong ttha chinchin in an remh khawh lai.  An thangcho lai.

Paletwa khua
CBCUSA nih 2007 in ngakttah umnak inn kha kan sak.  Paletwa Baptist Association nih
an zohkhenhmi hna ngakttah cu kan bawmh hna.  Khrih Thawngttha chim hi
biapi bik in tinhmi a si.  Cu Thawngttha nih cun an nunnak zong a cawisan khawh lai.

Hi Kaladan Tipi hi Mizoram Lawngtlai khua thlang tiang tilawng kal kho ding in India cozah nih a ser lio mi cu a si.  Tlang in International Highway cawh an thok cang an ti.  Hi kha hmun ah International Chin Mission Center zong ngei kho usihlaw khuate kip ah missionary kan thlahmi hna kha kan zohkhenh khawh hna lai.  Ram kip Laitlai Chin khrihfabu hna nih Thlang Lairam ah kan thlahmi missionaries vialte hi a herhning in kan bawmh khawh hna lai. 
Ruahnak kan pek khawh hna lai.  Kan tthithruai khawh hna lai. 
Pathian nih thluachuah a kan pek ko lai.