CBCUSA Board of Trustees Meeting Kaimi hna

Dallas Chin Baptist Church, Dallas, Texas

October 15-16, 2011

GLOBAL CHIN ASSOCIATION FOR CHRISTIAN COMMUNICATION 

(GCACC)

General Secretary Rev. Dr. Lai Ram Lian

Hakha, Chin State

Burma

 |

 |

_________________________________________________________________________________               ______

|                     |                         |                |--------|------------------|--------------|------------|                          |                             |

|                     |                         |                 |             |                           |                        |               |           |                             |

[1]               [2]                       [3]              |          [4]                         [5]                   [6]             |          [7]                         [8]

Europe   Canada            Australia          |        CACC                 CBCUSA        Lairam         |     Malaysia           New Zealand
CACC   CACC                 CACC            |       Hakha                    Indiana           JCBC         |        CACC                    CACC

                                                                 |                                                                                 |

                                                                 |                                                                                 |

                              CHIN CHRISTIAN COLLEGE [CCC]            UNION THEOLOGICAL COLLEGE [UTC]

                                     Hakha, Chin State                                    Matupi, Chin State

Ttuan Ding Mi Saduhthah

1.       Laica, Laiholh le Lai nunphung tthanchonak

2.       Lai Bible Hrilhfiah Ttialnak (by Lai Khrihfa Cattialtu Phu)

3.       Lai Bible Cauk Namnak le Tialnak (Aizawl & CACC, Hakha)

4.      Lai Hla Cauk Namnak

5.       Sunday School Cawnmi Cauk ttialnak

6.      Laica cawnnak (Ramchung le Ramleeng)

7.       Laica sianginn cawn ding

8.      Lai Mekazin tialnak (Muko tbt)

9.      Lai Daily/Weekly News (One Star Journal/Faiceu/Seihnam)

10. Printing Service (Sang Awi Printing, Hakha, Lawngtlai, Yangon)

11. Lai Video/Music/Calendar

12. Lai Radio/Media Program

Note: Ramkip huap Laitlai Chin khrihfabu /CACC cu tuah cio ding a si lai. Mi an tlawm deuh rih caah Europe hna hi kan komh hna nain, anmah le an siaremning in ram kip zong in an dir kho hnga.Singapore, Korea le Thailand ti bantuk in a um hnga.  Laica, Laiholh le Lai nunphung tthanchonak rian hi ttuan cawk lo ding tluk in a tam.  Ka ttuan ahcun kan hlawk bik ding mi a si.  Pathian ramkauhnak caah mission rian kan ttuan hna lio ah, kanmah a kan sertu ding thil hi kan ttuan chih lo ahcun, hram ngei lo mi thingkung bantuk kan si lai.  Kan hnah a hring sur ko kan ti lio ah a tlu ding kan si.  Bible bia in tahchunh ahcun thei a tlai lo, a hnah lawng a hringdutmi theipi kung bantuk si a awl te.Mission rian kan ttuan tikah Ca le Thawngttha chim (Literature & Evangelism) hi an kal tti a herh. Ca rel khawh lo ahcun Bible rel khawh a si lo.  Hla sak khawh a si lo.  Khrihfabu a tthan a har.  Biaknak hi loh tthan awl te a si.

Fianternak:                                                                                                                                        

1)       A buu min cu GCACC maw, a dang pakhat paoh maw, hman khawh a si ko lai.

2)      GCACC Office cu Hakha, Chin State, Burma ah a um kho hnga. 

3)      Caantling General Secretary a um lai.  Ramkip pehtlaihnak a tuah lai.

4)     CACC, Hakha nih ca, holh le nunphung rianttuannak vialte cu a ttuan tawnning in a ttuan peh lai.

5)      Rianttuannak caah a herhmi cu phaisa a si.  Ramkip Laitlai zumtu dihlak nih tum khawh kan i zuam lai.

6)      Lai Daily /Weekly News Letters cu a thar in ttial a hau hnga lo.  Malaysia in ttialmi One Star Journal, Faiceu le Seihnam nih an ttialmi hna hi Hakha ah Sang Awi Printing Komiti nih, Lawngtlai, Mizoram ah Lairam Jesus Christ Baptist Church nih, le Yangon ah Muko Mekazin Komiti nih copy an siam lai i Laimi sin ah phawt khawh a si lai.

7)       Hi News Letters hna cu Matupi, Kanpalet, Mindat, Paletwa le Bawmram tiang in rel khawh ding in kan kuat hna lai.

8)     Lai Bible hi Laimi dihlak nih ngeih khawh ding in Aizawl Lai Bible Namnak Komiti le GCACC, Hakha nih a kan nampiak lai.

9)     Laimi dihlak caah Pathian thangtthatnak hla cauk tampi in nam ding.

10)   Sunday Cawnpiaknak cauk hi tampi in nam ding.

11)    Laica cawnnak cauk a phunphun ttial le chuah ding

12)   Lai Mekazin (Muko tbt) hi chuah lengmang ding.  Cauk dangdang a ttialtu an um ahcun nam piak ding.

13)   Lai Media tthanchoter ding.  Radio le You Tube in Thawngthanhnak Tawi program hna zong tuah ding.

14)   Mizoram in Lairam Jesus Christ Baptist Church (LJCBC) hruainak in Mara le Bawm Laimi le Aizawl Laimi hna kha rianttuan tti ding.

15)   CCC cu Chin Christian University ah canter khawh a si lai.  GCACC hruainak chungah a um lai.  Ramdang Lai fanau le nih tthal caan ah ca an rak chim tawn lai.

16)   UTC, Matupi cu GCACC nih bawmhnak tuah in a ttanpi lai. Ramdang Lai ngakchia pawl nih ca an chimh khawh caan a um lai.

17)   Laica cawnnak cu Kanpalet, Mindat, Paletwa le Matupi peng ah a cawn duh caah  tuah ding.

18)   Khrih Thawngttha chim hi biapibik in kan ruah lai.

19)   Bible le khrihfa cauk hna rel khawh nak ding ah Laica rel le ttial cawn a herhnak a si.

20)  Ca le Thawngttha chim cu an kal tti kho bik, mission rianttuannak ah hmual a ngei bik fawn.

21)   Hi bantuk in rian kan ttuan ahcun kan miphun lakah Pathian ram a kau lai.  Kan miphun a tthangcho hrimhrim lai. Hmailei ahcun carel kho miphun ah kan cang ko lai.

Theihternak

Chin Baptist Churches USA le Lairam Jesus Christ Baptist Church, Lawngtlai, Mizoram le CACC, Hakha cu rianttuan tti ding in phung ning tein an i sawm cang. CBCUSA le CACC nih Kanpalet khua ah Laica cawnnak an tuah tti. 

CBCUSA le Melbourn Chin Church, Australia nih inn lianpi an sak.

Paletwa khuate sianghngakchia cu hi inn ah an umter hna lai.  

Pathian bia le Laica an chimh hna lai.  Pathian bia cu ca 

le holh aa chirhchan.  Thawngttha kan chimhmi hna nih 

Bible an rel khawh a hau.  Hla an sak khawh an hau.  

Hi lawng ah khrihfabu an hmun kho lai.

CBCUSA nih Thlang Lairam ah Thawngttha chim rian ttuan 

duhnak nganpi a ngei.  Ram kip in Chinmi zumtu vialte nih 

Thawngttha chim ding in Lairam ah zuang tti hna usih.

Jesuh nih nangmah theng an herh!