Lai Ca Cawnnak:

Lai ca cawnnak cu August 2, 2010 ni thok in Chin Baptist Mission Church le Chin Bethel Church in fanau le caah CBMC Sunday School saya te hna hruainak in kan tuah. Zarh khat chung cawn a si lai.

Lai ca cawn hi kan herh tuk. Zeicahtiah, holh thiam lo hi hruhnak phunkhat a si. Lai holh le ca thiam lo ahcun mi fim si ko zong ah mah miphun hawi sin zong ah mihrut dengmang in ruah a awl te. Midang chimmi bia theih lo ahcun mit nih a hmu fiang lo i mitcaw bantuk, kaa nih a chim thiam lo i holh-aa bantuk, le hna nih a theih khawh lo caah hnachet bantuk ah can khawh a si. Mah miphun hawi lak ah dotla kho ngai ding in holh thiam cu a biapi taktak.

Lai holh ttha tein thiam lo ahcun Mirang holh a thiam ve lo mi nu le pa dawtnak aw nem theih khawh ding a si lo. Pathian dawtnak chinchin cu theih khawh ding a har ko lai. Zumlomi ah can khawh ding a si. Lai holh thiam ahcun kan miphun lakah mifim ah cohlang khawh an si hna.