CHINRAM HARTUARMI MIPHUN HAWI SIN LENNAK

Kalaymyo, Sagaing Division/September 16, 2015 

Chin miphun hi Chinram (Lairam) lawng ah si lo in, Kawlrawn ah tampi kan um.  Kalay le Kabaw le Gangaw peng ah thong tampi an um.  Kalay Valley, Sagaing Division ah a ummi Chinmi cu Kawlmi he an i zat cang.  Hi Kawlrawn ah khua a sa mi miphun hawi tampi nih tilian ruang ah harnak fakpi in an tuar hna.  An leilet a rawk tam.  Ti nih an inn lo tampi a phum hna.  An sunghbaumi a tam taktak.

CBCUSA nih President Rev. Thawngling Mualhlun, Assistant Executive Minister Rev. Dr. Thlaawr Bawihrin le CRRC Member Rev. Zammang Mualcin cu hartuarmi hna va leeng ding in kan thlah hna. Bawipa lamhruainak thawng in nihin ah Kalaymyo, Sagaing Division ah dam tein an phan.  Kawlrawn Lai khua Kyainn khua ah Kalaymyo an phak cang ka in an leeng colh.  Kyainn cu ti lian nih fak tuk in a rawk mi khua a si.

CBCUSA kan pu le cu Chin Funtomnak Buu (CFB) le Chin Baptist Association (CBA) nih sunglawi ngai in an rak don hna ti thawng kan theih i kan i lawm.  Bawipa min kan thangthat.  

CHIN FUNTOMNAK BUU (CFB):

CFB cu Kawlrawn Kalay - Kabaw - Gangaw ah miphun sinak in a tlau pah mi Laimi pawl kha a kawltu buu an si. Laica, Laiholh le Lai nunphung thiam ding in a cawnpiak hna.  Chin National Day an tuahpiak hna. CBCUSA nih 2013 kum in bawmhnak a tuah ve hna.

CHIN BAPTIST ASSOCIATION (CBC):

CBA cu Kalay Valley, Sagaing ah Laiholh a hmangmi Baptist Association a si.  Chin Baptist Convention le CACC ah pehtlaihnak a ngeimi Association a si.  Kawlrawn cu Lairawn ah an can ter cang.  

KALAY VALLEY CHUNG UM CHINMI/LAIMI

Hi Kawlrawn Kalay Valley ah Chin miphun tling an um.  CBCUSA nih a tanglei hna sin ah bawmhnak a pek hna lai:

1) Kalay Valley chung hartuarmi hna sin ah

2) Tuikhing khua

3) Kyainn khua

4) CBA

5) Lairawn Baptist Association

LAWMHNAK:

Furpi ngaidaw ah Chinram tlawn cu a awl lo.  Lam le sul a rawk lio caan hi a har khun.  Chinram ah retheih tuar in a kan tlawnpiaktu kan pu le cung ah lawmhnak tampi kan ngei.  Pathian nih lam hruai hna seh!  Thlacamnak in bawm cio hna usih.

Thawngthanhnak kan tuah chom lengmang lai.  

C Duh Kam

Indianapolis, Indiana