Ngakttah Hna Aunak Aw
Yangon ah tuahmi ngakttah zohkhenhnak inn vialte cu cozah nih an hrawk dih. Cozah sin i min a pe mi pali lawng an taang. Ngakttah vialte cu umnak an ngei lo i inn kip ah an chiah hna. A bik in, Kanpalet ah ngakttah cawmnak hi tuah a si i 50 reng lo an si. CBFA nih $2000 per year in kan bawmh hna. An i za naisai lo. Yangon ngakttah inn vialte a rawk tikah Yangon ah a ummi Kanpalet peng ngakttah kha Kanpalet ngakttah inn ah an chiah hna. An har taktak. Bawmtu an herh. Minung pakhat cawmnak caah kum khat ah $100 a hau. Ngakttah cawm a duhmi nih kan sinah cduhkam@yahoo.com le cell: 240-626-7389 in kan thanh kho ulaw kan i lawm tuk ko hnga. Ngakttah hna authawng a thang chin lengmang. Kan ram sining an tuar kho ti lo.
Thursday, March 26, 2009
Wednesday, March 25, 2009
Tuumkau Zarhpini (Palm Sunday)
Kan Bawipa Khrih Jesuh cu lianhngannak he Jerusalem ah a lut dengmang cang. Hosanna "Bawipa min in a ra mi cu Pathian nih thluachuah pe ko seh, Pathian nih Israel siangpahrang cu thluachuah pe ko seh" tiin mipi an au cang lai. Khrih nih cun a thihnak ding kong a cawnpiak hna: "Vawlei in thlir ka si tikah mi vialte cu ka sin ah ka hnuh dih hna lai" (John 12:32) a ti. A taktak in kannih zong a kan hnuh ve.
Kan Bawipa Khrih Jesuh cu lianhngannak he Jerusalem ah a lut dengmang cang. Hosanna "Bawipa min in a ra mi cu Pathian nih thluachuah pe ko seh, Pathian nih Israel siangpahrang cu thluachuah pe ko seh" tiin mipi an au cang lai. Khrih nih cun a thihnak ding kong a cawnpiak hna: "Vawlei in thlir ka si tikah mi vialte cu ka sin ah ka hnuh dih hna lai" (John 12:32) a ti. A taktak in kannih zong a kan hnuh ve.
Monday, March 16, 2009
Malaysia Laimi Ka Tlawnnak
Pathian sin ah thla nan ka campiaknak thawng in February 5-25, 2009 chung hi Malaysia ah a ummi kan miphun hawi hna sin ah ka va tlawng kho hna. Ka khualtlawnnak caah a ka bawmtu le thla a ka campiaktu CBFA upa, Laimi phunhawi zumtu hna le ka khrihfabu Chin Baptist Mission Church (CBMC) cungah lunglawmhnak tampi ka ngei.
February 5 - 7, 2009 Thursday:
Reagan National Airport, DC in kaa thawh i O’Hare International Airport, Chicago ah ka zuang. Chicago in Narita Airport, Japan ah February 6, 09 ni ah ka phan. Zan ah Narita Airport Transit ah ka um. February 7, 09 ni ah Kuala Lumpur, Malaysia ah ka va zuang i 6:10 pm ah ka phan. Chin Christian Fellowship (CCF) pastor Rev. Lal Pek Lian le a hawi le nih an rak ka don i Chin Christian Fellowship Center ah kaa tthum. Ka tthutdirnak caah a herhning in CCF pastor le upa hna nih an ka zohkhenh caah an cung ah lunglawmhnak tampi ka ngei.
February 8, 2009 Sunday:
Chin Christian Fellowship, Imbi ah phung ka chim. Aa pummi hi 700 hrawng si dawh in an chim. Biakinn nih a tlum hna lo i leeng ah a tthu mi zong an tam. Inn chung le leng ummi hna nih dai tein Pathian bia an ngaih mi ka hmuh tikah Laimi hi Pathian bia ah kan rak thaw hrim ko ti a lang. Malaysia ka phak hlan ahcun biakinn kam hrawng cu a tlusawn mi tam ngai ding phun in ka theih. Ka kal tikah hnahnawh buaibainak ka hmuh lo caah kaa lawm ngai. Laimi zohkhenhnak komiti upa hna rianttuan fel ruangah a si an ti.
February 9 – 11, 2009 Monday – Wednesday:
Nikhatni ah CCF pastor le upa le CHRO rianbawmtu Amy Alexander Cer Chin te he meeting kan tuah. ABC USA upa hna he umkal le lennak ding kong kha kan i caih. Program kha kan suai. Nihnihni le Nithumni cu Laimi sin ah ka leeng.
February 12, 2009 Thursday:
ABC USA upa hna cu Kuala Lumpur International Airport ah kan don hna. ABC USA in a ra mi hna cu: Rev. Dr. Roy Medley, GS of ABC USA, Rev. Florence Li, National Ministries, Rev. Dr. Jeffrey Haggray, Executive Director of DC Baptist Convention, Rev. Dr. Steve VanOstran, Executive Director of Rocky Mountain Baptist Convention, le Mr. Edwin Hobart, Massachusetts an si. Dr. Roy Medley hi an sin ah ra lo in, Nagaland, India in Ningani ah a rak phan.
An tlunnak hotel ah an thil an chiah i kan prokrem ning in kan leeng colh. Chin Refugee Committee (CRC) upa le Alliance of Chin Refugee (ACR) upa hna kha kan ton hna. Laimi nih kan herhmi kong kha kan i ruah. Cu hnu ah Laimi umnak hmun kip ah kan leng. Kei le Dr. Steve VanOstran cu Hriphi Center ah kan leeng. An inn lo cu a chia taktak. USA ka phak hnu tlawmpal ah an umnak cu ti nih a phum i an biakinn zong a rawk an ti.
Laimi tampi an umnak hmun hi a ttha mi a um ve bu ah, a chia mi a tam. Inn a chiat lawng si lo in, innkhan pakhat ah minung 20 hrawng an tthutdir tti hna caah zunput le tikholhnak ah a har deuh. Kuala Lumpur khualai Imbi khua ah a um mi an tam. Nain, inn lo a tthing deuh cang i a leng zoh in cun a chia pah. Malaysia ah minung umnak inn a tang dot vawlei hril paoh cu business tuahnak, rawl le lakphak dawr tuahnak ah hman an si. Kan umnak inn in van ttum bak ah lakphak din le rawl ei khawh a si. A cheu cu an umnak inn tang ah an rianttuannak a si colh. Minung umnak le rianttuannak hmun hi aa tlaih caah umkalnak ah cun a awl. Hi hi USA he kan i dannak a si. Laimi rian ngei lo an tam caah le rianttuan zalawngmi an tam caah minung tampi kha lakphak dawr ah i ton khawh lengmang a si. Lakphak dawr ah tthing lo in minung an um. Biaphawng den khawh a si. Hi hi Malaysia in a ra mi nih an ngaih bik mi a si ttheu lai. Ngaih awk a si hrim ko. Lai lei nun in nun khawh asi caah tlaih khih um lo ahcun a nuam ngai ding cu a si.
February 13, 2009 Friday:
ABC USA upa he UNHCR an lubik Mr. Alan Vernon kan ton. Kan siaherhnak vialte cu kan hal. Amah nih bia tampi a kan ruah. Kei nih Chin Baptist Fellowship of America min in lawmhnak le Chin Baptist Churches hna nih kan rianttuannak le kan thlacamnak vialte kha ca in ka ttial i ka pek. Hman kan i thla tti hna i lunglawm tein kan ttian.
Chun hnu ah Laimi sin ah kan leng tthan. Kei le Dr. Steve Van Ostran cu ARC zunghmun le sianginn ah kan leeng. Sianginn cu class pahnih in an tthen. Siangngakchia cu khan nih khat veve an si. An tam tuk lo. Kan hawi dang cu Chin Student Organization nih tuahmi sianginn ah an leeng. Siangngakchia 400 hrawng an si. Cu hlan ahcun inn hlannak le siangcachim lahkhah hi UNHCR nih an bawmh hna nain, 2009 kum in an bawmh khawh ti hna lo caah phaisa in harnak an tong colh. UNHCR nih siangcachim 16 caah bawmhnak hlawh in siangcachim 30 kha hlawh an pek hna.
Zan ah miphun Karen, Shan, Kachin, Mon le Karen Ni Refugee Organization komiti hna sinah kan leng. Karen Refugee le Kachin Refugee komiti hna nih a komh in zanriah an kan dangh. Zan ah miphun dihlak kawmh in biaruahnak kan ngei.
February 14, 2009 Saturday:
ABC USA team, Rev. Lal Pek Lian, CRD hruaitu pakhat le ACR hruaitu pakhat he Kepong Camp ah kan leng. Lam hla ngai a si caah chun ni kan tla. Matu pawl an umnak a si. Plastic in inn le biakinn fate an sak. Minung 50 hrawng cu thlam fa tete chungah an um. An riahbuk kam ah a ummi ti kha din ti caah an hman. Ram lak pi ah a si. Rela le palik nih an dawi hna caah thing lak deuh ah an i thup. Minung 50 lak ah minung paruk lawng rian an ttuan. An hlawh mi kha an ei ding tti.
Plastic in biakinn fate an sak. Zion Church tiah an ti. Pulpit a hnu lei ah Jesuh hmanthlak pahnih an tar. Innka luhnak cungah Jesuh hmanthlak lianpi an tar. Hi biakinn nih ABC USA upa pawl cu an lung a phur ngai hna. Kei zong nih “Laimi kan caah Jesuh cu Bawi a si” ka ti ve. Hi hna pawl tthutdirning hmuh ah khuaruah an tam ngai. Nu le ngakchia an tam. Zoh ah duhnung te an si. An i dawh ngai in ka hmuh hna. Laimi ka si caah a si hnga dek maw! An sin ah bia kan chim. Laimi sin paoh ahcun Dr. Roy Medley nih biachim a ka fial tawn. “Nan harnak cu Lairam ah ka tem cia mi a si, nan tuarnak hi kan tempi ve ko hna” tiah ka tit awn hna. ABC USA upa dang nih Laimi harnak an hmuh tikah keimah tu kha an zang ka fak rua tiin ka hmuh hna. An lung cu a ttha lo ngai. An kut chung ah bawmh khawhnak ngei hna sehlaw zeipaoh an sian ko hnga.
Hi zan hi Chin Christian Fellowship nih rawldawr ttha ngai mi ah zanriah an kan dangh. Zaan ah Laimi pastor vialte kha an sawm hna. Matu, Zotung, Mara, Lautu, Zophei le Hakha lei pastor an tling. Lairam in van thlah mi pastor, theihhngalh cia hawikom an tam. Zan ah biaruahnak le thlacam ttinak kan ngei. Kan i nuam ngai hna. Kei zong nih kan miphun caah fel deuh in rianttuan khawh nak caah Fellowship kha tuah in i zohkhenh kan hau hna. A dang in kan i pumh ruangah kan i tthen a si lo. Van i daw u, zawn van i ruat u tiah ka cah ve hna.
Malaysia ah Chin Fellowship tampi a um. Pathian thangtthat ttinak hawikomhnak zong an rak tuah bal. Lai lei civui a si ko an ti. Bawlung chuih zuamnak ti bantuk in, a phunphun in hawikomhnak cu an tuah. Ka caam chung ah Chin National Day zong an tuah. Minung zong kan tam ngai an ti. Kei tu cu Kajang ah phungchim an ka sawm caah kaa tel kho lo. Thihnak an ton tikah an i bawmhning a ttha tuk. Thlanmual ah bulhnak kha an i ken cio. Ni khat ah minung pahnih an vui tti hna ahcun bulhnak a chuak mi kha an tthenh hna. A kalmi vialte nih khrihfabu fellowship dannak um lo in, bulhnak an tuah tti mi nih “Ngaihchiat Ni ah Laimi kan sinak a lang” an ti tawn mi kha a langhter.
February 15, 2009 Sunday:
ABC upa panga cu khrihfabu panga ah phung an chim. Kei cu zing ah Bualpeng hawikomhnak le chun ah Hriphi Center ah phung ka chim. Fellowship dihlak sinah mui va langh cu ka duh ngai nain, zarh caan a tlawm. Sawm hmasa mi sin ah phung ka chim kho. Kan hruaitu Rev. Dr. Roy Medley, GS of ABC USA cu Chin Christian Fellowship, Imbi ah a chim i Baptist World Alliance le State Department zong ah a herhning in ca kan ttial lai tiah a chim an ti. Kan tuah khawh mi zawn in bawmh khawh kan in zuam ve hna lai tiah a ti hna. Rianrang in bawmhnak an tuah khawh lo hmanh ah, hmailei ah pakhat khat in US Immigration lei hna in harnak ton sual ahcun kan i sawm khawh ding mi an si cang. Report cu an pek cio lai i an ruah khawh mi hna a um te hnga maw, thlacam piak cio ko hna usih.
ABC upa dang vialte cu zanlei pumh dih in Thailand ah an kal. Mela Camp (Karen refugee) ah leeng ding in. Cu hnu ah Burma ram ah an kal. Dr. Roy Medley cu February 22, 09 Sunday ah Lai Baptist Church ah phung a chim an ti. February 26, 09 ni ah USA an phan tthan.
Pathian sin ah thla nan ka campiaknak thawng in February 5-25, 2009 chung hi Malaysia ah a ummi kan miphun hawi hna sin ah ka va tlawng kho hna. Ka khualtlawnnak caah a ka bawmtu le thla a ka campiaktu CBFA upa, Laimi phunhawi zumtu hna le ka khrihfabu Chin Baptist Mission Church (CBMC) cungah lunglawmhnak tampi ka ngei.
February 5 - 7, 2009 Thursday:
Reagan National Airport, DC in kaa thawh i O’Hare International Airport, Chicago ah ka zuang. Chicago in Narita Airport, Japan ah February 6, 09 ni ah ka phan. Zan ah Narita Airport Transit ah ka um. February 7, 09 ni ah Kuala Lumpur, Malaysia ah ka va zuang i 6:10 pm ah ka phan. Chin Christian Fellowship (CCF) pastor Rev. Lal Pek Lian le a hawi le nih an rak ka don i Chin Christian Fellowship Center ah kaa tthum. Ka tthutdirnak caah a herhning in CCF pastor le upa hna nih an ka zohkhenh caah an cung ah lunglawmhnak tampi ka ngei.
February 8, 2009 Sunday:
Chin Christian Fellowship, Imbi ah phung ka chim. Aa pummi hi 700 hrawng si dawh in an chim. Biakinn nih a tlum hna lo i leeng ah a tthu mi zong an tam. Inn chung le leng ummi hna nih dai tein Pathian bia an ngaih mi ka hmuh tikah Laimi hi Pathian bia ah kan rak thaw hrim ko ti a lang. Malaysia ka phak hlan ahcun biakinn kam hrawng cu a tlusawn mi tam ngai ding phun in ka theih. Ka kal tikah hnahnawh buaibainak ka hmuh lo caah kaa lawm ngai. Laimi zohkhenhnak komiti upa hna rianttuan fel ruangah a si an ti.
February 9 – 11, 2009 Monday – Wednesday:
Nikhatni ah CCF pastor le upa le CHRO rianbawmtu Amy Alexander Cer Chin te he meeting kan tuah. ABC USA upa hna he umkal le lennak ding kong kha kan i caih. Program kha kan suai. Nihnihni le Nithumni cu Laimi sin ah ka leeng.
February 12, 2009 Thursday:
ABC USA upa hna cu Kuala Lumpur International Airport ah kan don hna. ABC USA in a ra mi hna cu: Rev. Dr. Roy Medley, GS of ABC USA, Rev. Florence Li, National Ministries, Rev. Dr. Jeffrey Haggray, Executive Director of DC Baptist Convention, Rev. Dr. Steve VanOstran, Executive Director of Rocky Mountain Baptist Convention, le Mr. Edwin Hobart, Massachusetts an si. Dr. Roy Medley hi an sin ah ra lo in, Nagaland, India in Ningani ah a rak phan.
An tlunnak hotel ah an thil an chiah i kan prokrem ning in kan leeng colh. Chin Refugee Committee (CRC) upa le Alliance of Chin Refugee (ACR) upa hna kha kan ton hna. Laimi nih kan herhmi kong kha kan i ruah. Cu hnu ah Laimi umnak hmun kip ah kan leng. Kei le Dr. Steve VanOstran cu Hriphi Center ah kan leeng. An inn lo cu a chia taktak. USA ka phak hnu tlawmpal ah an umnak cu ti nih a phum i an biakinn zong a rawk an ti.
Laimi tampi an umnak hmun hi a ttha mi a um ve bu ah, a chia mi a tam. Inn a chiat lawng si lo in, innkhan pakhat ah minung 20 hrawng an tthutdir tti hna caah zunput le tikholhnak ah a har deuh. Kuala Lumpur khualai Imbi khua ah a um mi an tam. Nain, inn lo a tthing deuh cang i a leng zoh in cun a chia pah. Malaysia ah minung umnak inn a tang dot vawlei hril paoh cu business tuahnak, rawl le lakphak dawr tuahnak ah hman an si. Kan umnak inn in van ttum bak ah lakphak din le rawl ei khawh a si. A cheu cu an umnak inn tang ah an rianttuannak a si colh. Minung umnak le rianttuannak hmun hi aa tlaih caah umkalnak ah cun a awl. Hi hi USA he kan i dannak a si. Laimi rian ngei lo an tam caah le rianttuan zalawngmi an tam caah minung tampi kha lakphak dawr ah i ton khawh lengmang a si. Lakphak dawr ah tthing lo in minung an um. Biaphawng den khawh a si. Hi hi Malaysia in a ra mi nih an ngaih bik mi a si ttheu lai. Ngaih awk a si hrim ko. Lai lei nun in nun khawh asi caah tlaih khih um lo ahcun a nuam ngai ding cu a si.
February 13, 2009 Friday:
ABC USA upa he UNHCR an lubik Mr. Alan Vernon kan ton. Kan siaherhnak vialte cu kan hal. Amah nih bia tampi a kan ruah. Kei nih Chin Baptist Fellowship of America min in lawmhnak le Chin Baptist Churches hna nih kan rianttuannak le kan thlacamnak vialte kha ca in ka ttial i ka pek. Hman kan i thla tti hna i lunglawm tein kan ttian.
Chun hnu ah Laimi sin ah kan leng tthan. Kei le Dr. Steve Van Ostran cu ARC zunghmun le sianginn ah kan leeng. Sianginn cu class pahnih in an tthen. Siangngakchia cu khan nih khat veve an si. An tam tuk lo. Kan hawi dang cu Chin Student Organization nih tuahmi sianginn ah an leeng. Siangngakchia 400 hrawng an si. Cu hlan ahcun inn hlannak le siangcachim lahkhah hi UNHCR nih an bawmh hna nain, 2009 kum in an bawmh khawh ti hna lo caah phaisa in harnak an tong colh. UNHCR nih siangcachim 16 caah bawmhnak hlawh in siangcachim 30 kha hlawh an pek hna.
Zan ah miphun Karen, Shan, Kachin, Mon le Karen Ni Refugee Organization komiti hna sinah kan leng. Karen Refugee le Kachin Refugee komiti hna nih a komh in zanriah an kan dangh. Zan ah miphun dihlak kawmh in biaruahnak kan ngei.
February 14, 2009 Saturday:
ABC USA team, Rev. Lal Pek Lian, CRD hruaitu pakhat le ACR hruaitu pakhat he Kepong Camp ah kan leng. Lam hla ngai a si caah chun ni kan tla. Matu pawl an umnak a si. Plastic in inn le biakinn fate an sak. Minung 50 hrawng cu thlam fa tete chungah an um. An riahbuk kam ah a ummi ti kha din ti caah an hman. Ram lak pi ah a si. Rela le palik nih an dawi hna caah thing lak deuh ah an i thup. Minung 50 lak ah minung paruk lawng rian an ttuan. An hlawh mi kha an ei ding tti.
Plastic in biakinn fate an sak. Zion Church tiah an ti. Pulpit a hnu lei ah Jesuh hmanthlak pahnih an tar. Innka luhnak cungah Jesuh hmanthlak lianpi an tar. Hi biakinn nih ABC USA upa pawl cu an lung a phur ngai hna. Kei zong nih “Laimi kan caah Jesuh cu Bawi a si” ka ti ve. Hi hna pawl tthutdirning hmuh ah khuaruah an tam ngai. Nu le ngakchia an tam. Zoh ah duhnung te an si. An i dawh ngai in ka hmuh hna. Laimi ka si caah a si hnga dek maw! An sin ah bia kan chim. Laimi sin paoh ahcun Dr. Roy Medley nih biachim a ka fial tawn. “Nan harnak cu Lairam ah ka tem cia mi a si, nan tuarnak hi kan tempi ve ko hna” tiah ka tit awn hna. ABC USA upa dang nih Laimi harnak an hmuh tikah keimah tu kha an zang ka fak rua tiin ka hmuh hna. An lung cu a ttha lo ngai. An kut chung ah bawmh khawhnak ngei hna sehlaw zeipaoh an sian ko hnga.
Hi zan hi Chin Christian Fellowship nih rawldawr ttha ngai mi ah zanriah an kan dangh. Zaan ah Laimi pastor vialte kha an sawm hna. Matu, Zotung, Mara, Lautu, Zophei le Hakha lei pastor an tling. Lairam in van thlah mi pastor, theihhngalh cia hawikom an tam. Zan ah biaruahnak le thlacam ttinak kan ngei. Kan i nuam ngai hna. Kei zong nih kan miphun caah fel deuh in rianttuan khawh nak caah Fellowship kha tuah in i zohkhenh kan hau hna. A dang in kan i pumh ruangah kan i tthen a si lo. Van i daw u, zawn van i ruat u tiah ka cah ve hna.
Malaysia ah Chin Fellowship tampi a um. Pathian thangtthat ttinak hawikomhnak zong an rak tuah bal. Lai lei civui a si ko an ti. Bawlung chuih zuamnak ti bantuk in, a phunphun in hawikomhnak cu an tuah. Ka caam chung ah Chin National Day zong an tuah. Minung zong kan tam ngai an ti. Kei tu cu Kajang ah phungchim an ka sawm caah kaa tel kho lo. Thihnak an ton tikah an i bawmhning a ttha tuk. Thlanmual ah bulhnak kha an i ken cio. Ni khat ah minung pahnih an vui tti hna ahcun bulhnak a chuak mi kha an tthenh hna. A kalmi vialte nih khrihfabu fellowship dannak um lo in, bulhnak an tuah tti mi nih “Ngaihchiat Ni ah Laimi kan sinak a lang” an ti tawn mi kha a langhter.
February 15, 2009 Sunday:
ABC upa panga cu khrihfabu panga ah phung an chim. Kei cu zing ah Bualpeng hawikomhnak le chun ah Hriphi Center ah phung ka chim. Fellowship dihlak sinah mui va langh cu ka duh ngai nain, zarh caan a tlawm. Sawm hmasa mi sin ah phung ka chim kho. Kan hruaitu Rev. Dr. Roy Medley, GS of ABC USA cu Chin Christian Fellowship, Imbi ah a chim i Baptist World Alliance le State Department zong ah a herhning in ca kan ttial lai tiah a chim an ti. Kan tuah khawh mi zawn in bawmh khawh kan in zuam ve hna lai tiah a ti hna. Rianrang in bawmhnak an tuah khawh lo hmanh ah, hmailei ah pakhat khat in US Immigration lei hna in harnak ton sual ahcun kan i sawm khawh ding mi an si cang. Report cu an pek cio lai i an ruah khawh mi hna a um te hnga maw, thlacam piak cio ko hna usih.
ABC upa dang vialte cu zanlei pumh dih in Thailand ah an kal. Mela Camp (Karen refugee) ah leeng ding in. Cu hnu ah Burma ram ah an kal. Dr. Roy Medley cu February 22, 09 Sunday ah Lai Baptist Church ah phung a chim an ti. February 26, 09 ni ah USA an phan tthan.
Tuesday, March 3, 2009
Ka thinlung ah a taap ngaimi Malaysia Laimi biahalnak:
Thinlung rethei ngai in bia an ka hal "Ramdang kal duh ruah ah kan si lo ning pi in lih bia kan chimmi vialte ruangah Laimi nih Pathian dantatnak faktuk in kan tawng te ko lai lo maw?" Lungrethei ngai in a ruatmi hna biahalnak a si. A dang nih kan ruat bal cio dek maw? Biahalnak ttha taktak a si. Sau deuh in kan ruah cio hnu ah, bialehnak cu kan tuah te lai.
Thinlung rethei ngai in bia an ka hal "Ramdang kal duh ruah ah kan si lo ning pi in lih bia kan chimmi vialte ruangah Laimi nih Pathian dantatnak faktuk in kan tawng te ko lai lo maw?" Lungrethei ngai in a ruatmi hna biahalnak a si. A dang nih kan ruat bal cio dek maw? Biahalnak ttha taktak a si. Sau deuh in kan ruah cio hnu ah, bialehnak cu kan tuah te lai.
Subscribe to:
Posts (Atom)