CHINLAND AND CHIN CAPITAL HAKHA
[Chinram le Chin Khualipi Hakha]

[April 2016]

"Ka unau pakhat khat cung ah, zeitluk hmanh in sifak le nauta si sehlaw, 

nan tuahmi thil paoh hi ka cungah nan tuah a si ko" tiah Khrih Jesuh nih a ti.

(Matthai 25:40)

Rungtlang in Ralkap Tili ah a minmi vawlei le ti nih Dawr Hlun le Khua Hlun 
a hrawh dih.

A tang hi Rungtlang le Ralkap Tili

Ralkap Tili hi tiluannak an ser rih lo.  Fur ah tih a nung ngai than khomi a si.

Fur tlak hlan ah timhlamhnak cu an ngei.

Khua Hlun Biakinn

[cung] Khua Hlun ah a rak chuakmi Khua a helmi lampi

[cung] Inn rawk mi thing an thiar

Khua Hlun chungkhar hna an inn an rak thianhlim.  An inn cu dum tuahnak caah 

kan hman ko lai an ti.  Hmun Thar ah inn an ngei lai nain, dum cu Khua Hlun ah

an rak tuah lai.  Nunnak dang riantuan ding a um lo.

[tang] Camps ah a ummi hna.

Hakha inn 732 a rawkmi a si. Minung thong 7 hrawng kha camps ah an rak um.

Nikhua a that deuh tikah a cheu an inn ah an um ter hna.  Fur ahcun um ngam ding

a si lo.  Thal chung ah minung 4000 hrawng hi camps ah an um hna.

Inn khaan pakhat ah chungkhar 2 hna an um ti.

Camp inn chung ah rawl an chuang, an it.

Camp chung Pathian thangthatnak inn

Chun ah ngakchia zohkhenhnak [Day care] an tuah.

[cung] Day Care Sayama

Khaikam Camp ah

[tang] Siangbawi te thlan an kuaikak dih.  Remh le sak than a hau.

Kan siangbawi te hi Khrih Thawngtha a rak kan chimtu an si.

An rak phurhmi Khrih Thawngtha nih kan Chin miphun hi 

hi dirhmun ah a cawisan.  Thawngtha nih a phak ve lo mi minung cu

nihin hmanh ah an tlaniam ngai in khua an sa rih.  Thlarau le pumsa nunnak

a kan petu hna upat hi Pathian sin in thluachuah kan hmuhnak a si lai.

[cung] Thlan hi a thlang in lungrual tuah in feh ter hmasat hnu ah

a dihlak in sak a hau.  Ks. ting 400 hrawng a dih lai.

Hakha Baptist Association [HBA] nih tuanvo an lak.  Ramdang Laitlai Chin

khrihfabu hna bochan in sak than an timh mi a si.

[tang] ICBM office caah kan hmanmi Agape Clinic zong a kakkuai ve.

[tang] Hakha General Hospital ah CBCUSA nih chapel a sakmi cu a kekkuai ve.  

Remh than a hau.  Ting 20 nih cun a remh khawh lai.

[tang] Hakha Hmun Thar ah

Ti peknak ding an tuah lio.  Mei cu an tuah khawh pah deng cang.

[tang] Sipin Director Pu Thla Hre hruainak in sak lio mi ti-inn

[cung] Hmun Thar i Khua Hlun biakinn hmun ah thlacamnak kan ngei.

[tang] Rungtlang Khuacuanhnak Hmun

Hakha khualipi Golden Jubilee lungphunnak a si.

Rit donhnak sakhuang zong tum khawh a si.

[tang] Tuikhing [Kakhalay] ah hartuarmi hna lennak

Chin Funtomnak Bu Chairman Pu Tha Bik ho in kan leeng

Inn an ngei rih hna lo.  Daw Khin Kyi Foundation nih an sak piak hna lai.

Nain, bawmh herhmi tamtuk a um rih. 

[tang] Kantaza khua chak le thlang ah Komen tilian ruang ah hartuarmi Kawlmi kha

inn an sak piak hna i an umter hna.  Sianginn tha ngaimi zong an sak piak hna.

Kantaza hi Lai khua inn 90 a ummi khua a si. Kawl nih a rialdip ngai cang hna.

[tang] Tanbo Khua

Mindat ah missionary a tuanmi Rev. Lung Tum khua a si.

Tilian nih a hrawh ve mi khua a si.  An khua ti a har tuk.

Tikhur hi pe 40 hrawng an cawh.  Tikhur pakhat hi chungkhar 15

an i hrawm.  Bawmh an herh ngai.  Khur khat hi $ 800 nih a ser khawh.

[tang] CBA GS Rev. Cung Hup le staffs hna he

Tanbo khua le Cia-in khua ah kan leeng.

[tang] Cia-in Baptist Church pastors hna he

An khua le a cheh vel vialte ti nih a phum dih tikah an vok rawlpeknak kuang kha

an i cit i tlang lei ah an zah.  Pathian nih himnak a pek hna.  An biakinn le office hna cu 

ti nih mi can in a khuh dih.  An rawl vialte cu a cin dih i an rawk dih.

Fak tuk in sunghbaunak an tuar hna.

[cung] Cia-in Baptist Church

 Chinram le Chin khualipi Hakha khua chung ah bawmh a herhmi chungkhar tamtuk an um.  Nifatin an nunnak ti le rawl bawh chom in an um.  Umnak inn lo a ngei kho lo tampi an um rih.  Innhlang in a ummi hna chungkhar cu an innhlanmi a rawh tikah camps ah an um ve.  Nain, innhmun lawng an pek hna.  Inn sakho ding an si lo.  Hartuarmi umnak inn thar zong remh le sak lengmang an hau rih.  Chinram hmun tampi ah ti rawl paamnak an tong.  

Kan miphun hawi hna nih ti le rawl ei awk an ngeih lo lio ah Bawipa thluachuah kan donmi hna ei le din hi kan kaa a thaw kho ngaingai hnga maw?  Kan zoh sawhsawh ko hna lai maw?