ICBM RIANTUANNAK

ICBM cu Khrih Khamhnak Thawngtha a thei rih lo mi Thlang Lairam khuasa kan Chin miphun hawi hna sin ah aupinak mission a si.  Hi Khrih Thawngtha chimnak program ah CBCUSA lawng nih si lo in, Europe, Australia, New Zealand, Malaysia le India in Laitlai Chin churches hna nih an kut an kan samhpi.  Khrih Vailamtah cu kan tlai tti hna.  A sunglawi tuk!

Khrih zumtu hna a rak hremtu Paul nih Khrih Thawngtha a thawtnak a tem hnu ahcun "Thawngtha hi ka zahpi lo, zeicatiah a zummi vialte hna caah Pathian khamhnak hmual a si (For I am not ashamed of the gospel, because it is the power of God that brings salvation to everyone who believes)" a ti (Rom 1:16).

Thawngtha chimnak mission caah na pek mi hi Pathian sin ah zumhnak thlaici na tuhmi a si.  Pathian a um.  Kan tuh bantuk in kan zun ko lai.  "Tlawmte a tuhmi nih tlawmte, tampi a tuhmi nih tampi kan zun lai" (2 Korin 9:6).

Mission a tuanmi khrihfabu cu a thangcho lai, a tuan lo mi cu hawi a tluk lai lo. Thlarau a tlaumi hna zawnruahnak thlarau thinlung in peknak thlarau a ngei mi khrihfabu le zumtu hna cu an thangcho lai. Tluk lo mi ah an cang te ko lai. Kan khrihfabu cio hi kan dawt ahcun Khrih ramkauhnak ah kan i pek cio awk a si.

Paul nih "Thawngtha ka chim ruang menmen ahhin kaa phorhlawt awk a si lo.  A ngaite ti ahcun "Va chim," tiah fial pei ka si cu, Thawngtha cu chim lo in rak um ning law zei tluk in dek ka caah a poi hnga!" a ti (1 Korin 9:16).

Thlang Lairam ah mission riantuannak kong cu ICBM Myanmar Director 
Rev. M Thawng Kam nih report a pekmi cu a tang youtube in zoh khawh a si.  Lai zong a um lo nak hmun ah kal in chim a hau.  A awl lo, a awl lo, Khrih caah rak si hlah seh law cu!

ICBM mission field report video tawi cu a tang hi a si:

Mission Field Director Report

[tang] Thlang Lairam ah ICBM riantuannak.

Kan missionaries hna le an umnak inn le biakinn an si.

[cung] Missionary nu a si.  A biatak.  Zumtu thar 17 a hmuh hna 2015 chung ah. Mino a si nain, a kal pakhat a tha lo.  Kan nunnak cu Khrih caah ka hman lawlaw lai a timi nu a si. 

[cung] ICBM Myanmar Director Rev. M Thawng Kam cu Indiana Lautu Evangelical Church, Indianapolis, Indiana ah an mission riantuannak kong phungchim pah in a chim. 

Theih taktak ahcun ka kal ko lai ti ding in a um.

Upatmi CBCUSA ram chung zumtu hna le 

leikhuaza miphun hawi dawt vialte hna,

Pathian lamhruainak le nan thlacampiaknak thawng in 5nk CBCUSA Civui pi cu tluang ngai tein kan hmang kho hna.  Bawipa Pathian min kan thangthat.

Civui zawhmi vialte zong dam tein nan khua le khrihfabu cio nan phan cio theu lai tiah Pathian kan bochan.  

Civui Pathian thangthatnak ah aa tel kho mi: 4000 reng lo

US state dangdang in civui a zawhmi: 1200 hrawng

Live internet (CBCUSA website) in a kan leengmi: 20,000 reng lo.

Website dangdang in a rak leeng mi he cun kan tam deuh rih lai.

USA Chin khuapi Chindianapolis, Indiana cu ni hnih chung bak Laitlai Chin kan khat hna.  Khuaruahhar taktak a si.  Pathian a thatning hi!

LUNGLAWMHNAK:

1) Civui a kan donpiaktu Zophei Christian Church zumtu dihlak cung ah,

2) Indianapolis, India zumtu vial te cung ah,

3) USA le Canada (North America) in civui a kan zawh mi vialte cung ah,

4) Europe in civui a kan zawhmi cung ah,

5) Australia le New Zealand in civui a kan zawh mi cung ah,

6) Lawngtlai, Mizoram, India in civui a kan zawhmi cung ah,

7) Lairam (Kawlram) le Asia in civui a kan zawhmi cung ah,

8) Live in a kan leeng mi hawi dawt nan cung ah,

9) Civui caah zaanghlei cawimi fanau vialte nan dihlak cung ah,

lunglawmhnak tampi kan ngei.

Tu tan kan civui cu vawlei pi cung Laitlai Chin hna Pathian thangthat ttinak civui a si.  Vawlei kil li ah a leeng mi Laitlai Chin hna nih pumsa temtuarnak chung in a kan chuahtu le thlarau khamhnak a kan petu Pathian min kan thangthat ti kho hna.  Hi vialte hi Pathian khanpiakmi le tuahmi lawng te an si.  Bawipa Pathian nih sunparnak co ko seh!

 Chin Christian University, Hakha

an sak lio mi an lim tik ah hi bantuk in a si lai.

Hi sianginn in minung 1000 reng lo cathiam a chuahpi cang.

Fimnak hi miphun man sungbik a si.  Hi fim cawnnak CCU man hi 

phaisa intuak awk a tha lo.  A chung ah a cawng mi 

mifim thiam hna man tuak chih a hau.  A tam tuk lai.