Dear EM le  CBC-USA Chungtel hna,

Senthang Chin Baptist Khrihfabu ah kan hnulei May 25, 2014 zarhpi ah ICBM Programram inning in kan sin ah  Rev. Dr. Ceu Lian Thang, Christopher Sang Maung le an mino sawmli (40) he caan an kan hmanpi khawh caah an dihlak, Khrihfabu le CBCUSA nu le pa cungah lunglawmhnak bia chim kan duh.

Ahleice in Rev. Dr. Ceu Lian Thang nih nauthar chuak thlacam piaknak le Bawipazan riah zong a kan pek caah kan lung a hmuituk hringhran. Pathian nih CBCUSA kan nu ka pa le hna thluah chuah in pechin ko hna she tiah thla kan cam.

Kan lung a hmuih khun nak cu aipum mi zong kan tam, thawhlawm le cheuhra cheukhat zong a karh, thawngthabia in le thazaangthar kan hmu. Mah ni ah ICBM caah kan thawhlawmte zong mitlawmte kan si ko nain $200 tiang kan hmuh khawh caah Pathian min kan thangthat.

Cun nan kan tlawn thawng in thawhlawm $200 kan hmuhmi le minung pakhat $25 thawhvo timi zong kha hmaizarh chungah kuat colh dingin  BD hna thlaknak a si cang caah a kuatnak Treasurer Bank Account zong kan fian deuh lo caah nan kan kuat khawh ahcun kan in lawm ko hnga.

Nan rian tuanhawi,

(Rokim Cinzah) Upa

Chairman

SCBC, Dallas, TX

***********************************

Dear CBCUSA Hruaitu hna,

Kan Bawipa Jesuh Khrih min in nan kut kan tlaih hna.

Hruaitu hna nih rian nan kan fial bantuk in May 23-25 tiang_ Kan mino hruaitu TvTluangHnin kan  he  Rochester  Chin Christian Church ah kan va tlawng hna. Bawipa lamhruainak thawngin damte le lunglawm te in Zarhteni le Zarhpini kan va caam I can  kan hmangti hna. An Khrihfabu zong an I nuam ngai. Zumhnak lei zongah zohchunh awktlaak te an si. Pekchanhnak lei zongah an thawng ngaingai. Khualtlungl mileng zohkhenh le dawt zong an thiam .

Atutan  ICBM caah an pek mi $500/- a si ti kha ka vun in theihter hna I ka vun in kuat colh hna. ICBM rianttuannak tthawng chinlengmang  ko seh tiah tlacamnak he,

Nan ttuan hawi,

Vanham mualcin.

Chin Christian Church

Salt Lake City, Utah

Hringtu Nu Upatnak

HRINGTU NU UPAT CONGLAWMHNAK

Mother's Day (May 11, 2014)

Nunnak a liam cang mi nu le cu ngaih an um taktak.  Ni le kum caan tampi liam cang ko hmanh sehlaw nu le dawtnak tu cu liampi khawh a si hlei lo.  An run inn le chumtual ah an zun a cam tuk rih.  Kan nu le cu kan thinlung ah an cam peng.  An dawtnak mithmai philh khawh a si lo.  An aw thlum cu kan hnathlam ah a leeng peng.  An kan dawtnak muihmai panh te he vanram nuam ah ton thannak a um lai.  Vancung inn tha dawtnak ram cu mi thiang mi hna lennak a si.  Tlei cia nu le lennak.

Khrih dawtnak a fah khunnak cu thisen le tuar-in khawh lo mi harnak in kan sualnak chung in A kan khamh caah a si.  Hi Khrih dawtnak nih Kalvary le Luhruh hmun Golgotha mui a dawh ter.  Hermon tlang dap, Zion tlang cung i a tlami bantuk a si.   Zungzal nunnak!!!

Nung lio kan nu le nih chim ding tampi an kan ngei lai.   Thisen he nau nganfah tuar in a kan hrin fahnak cu.  Hnuk thlum a kan dinh pah in kan cal sam te a kan muai pah.  A lum ahcun an ka in thli kik nem te, a kih ahcun lum hlit hlet tein an kan tuam.  Hi hi tu chan mi caah.  Hlan ahcun kan nu le nih an hni chia te he mei kam ah an kan ih pi.  Maw nunnak, sunghno nu dawtnak hi!  Hringtu nu dawtnak cu bia nih a tlinh kho lo.  Chim thlu khawh a si lo.  Thinlung lawng nih a tem in a tem khawh.

Hringtu nu vialte upat le thangthatnak kan in pek hna.  Bawipa lawmhnak he khat hram ko u!