KUM THAR 2014 DONNAK

"Ka caan cu Na kut chung ah a um; ka ral hna kut chung in 

ka khamh law a ka hremtu hna kut chung in ka khamh tuah" 

[Salm 31:15]

Kum 2013 cu a liam cang lai.  Hi kum chung ah Bawipa Pathian nih thil tha thluachuah tampi A kan pekmi a um.  Lawmhnak chim ding tampi a ngeimi kan um lai.  Mi then khat cu ngaihchia zunngaimi le lungretheihnak le vanchiatnak a tongmi um a si.  Vawlei cu duh tlin lo nak ram a si. Vawlei nunnak cu duh a tling kho taktak bal lai lo, Khrih tel lo in cun.

Kum Thar 2014 cu Bawipa sin ah Biakamnak Thar he lut hna usih.  Kan biakamnak cu a taktak in tuah khawh ding in i zuam hna usih.  Pathian nih Thlarau Thiang in lam kan hruai ko seh! "Khrih vailamtah cu kan thawnnak si hram ko seh" (I Kor. 1:18)

Kum Thar lawmhnak nan dihlak cung ah tlung ko seh! 

C Duh Kam

Executive Minister

Chin Baptist Churches USA

Tu Kum Christmas cu!

Debember 26, 2013

USA ah a tambik riantuannak hmun paoh ah Christmas Ni cu zung an khar.  Rianttuanmi vialte biakinn kan phan kho dih.  Khrihfabu kip nih biakinn tlum lo in mi kan tam tuk ti cio a si.  Bawipa cu a lianngan tuk hringhran!

CBCUSA nih Thlang Lairam le Kankaw peng mission rianttuannak ICBM caah chungkhar kip nih minung pakhat ah $25 nak tlawm lo in Bawipa ram kauhnak caah zumhnak in thawh cio ding in tlang a aupi.  Ngakchia pakhat hi a chuah bak ah chuah man Christmas leiba $25 a ngei.  Tu kum Christmas cu hi leiba ngeimi ngakchia vialte zong biakinn thiang an phan kho hna.  Merry Christmas ti an tong dih.  Nu le pa lawng si lo in, zumtu dihlak kan i lawm.

Bawi Khrih hi Christmas ni ah lei cung mi dihlak kan sualnak leiba he a chuah ve. A liam cia kum 2000 hrawng, Jesuh Khrih a chuah lio ah vawlei cung milu hi million 200 hrawng kan si lai tiah an tuak.  Bethlehem cawinn ah a ih bak ahhin minung million 200 khamhnak leiba a ngei colh.  December 25, 2013 ni vawlei pi milu cu billion 7.2 kan si caah nizan Christmas ahcun billion 7.2 khamhnak caah a leiba a karh tuk.

Khrih leiba le Chin zumtu semmawng pakhat leiba $25.00 hi tahchunh usih.  Lai ngakchia pakhat a chuah bak ah leiba $25 a ngei kan ti mi hi Khrih leiba $ billion 7.2 x 25 caah kum khat ah $ 25 hi a cham piak tinak a si.  Pathian nih A kan dawt tuk.  Khrih leiba a cham kho ding miphun kan si hi!  Tu kum Christmas cu a nuam taktak ko!

Pathian nih kum thar 2014 chung ah thluachuahnak thar he kan luh pi hram ko seh!
***************************************

Khrih Authawng

A tang biakinn hna hi Thlang Lairam ah an i pumhnak biakinn an si.

Tu tan Christmas pumhnak ah CBCUSA ah khrihfabu nganbik member 1800 a ngeimi

Indiana Chin Baptist Church cu biakinn tlum lo in kan i khawm, thutdan ting lo kan tam tuk

tiah Pu Thlasui Tluangneh nih Face Book ah a ttial.  ICBC zumtu hna hi a tang biakinn ah

Christmas nan hmang lai ti hna usih law an lung a rawk tuk hnga!

Khrih cu kan sin ah a um bantuk in hi biakinn chia tete chung zong ah a um ve.

Hi ka hmun in leiba cham ka bawm u tiah A kan auh.

 [Tang] Philadelphia, PA khua zan riak va te run.

Cenghngia le va te nih umnak kha an ngei cio, nain

Khrih cu lu chiahnak a ngei lo.

Khrih nih kan sualnak leiba a cham lio

 [tang] Khrih leiba cham tu Lai Siangbawi te thlan

Hakha, Chin State

Khrih caah dir ti hna usih

Unau rual lungrual tein um cu zeitluk in dah a nuamh!

[Ps 133:1]

MBC Judson 200 Jubilee Celebration

Myanmar Baptist Convention Judson 200 Jubilee Celebration

Yangon, Myanmar

December 5-8, 2013

 American Baptist siangbawi Rev. Adoniram Judson & Ann Judson nih Khrih Thawngttha he July 13, 1813 ni in Myanmar Buddhist tupi ah hmawng tthiam an thok.  July 13, 2013 ni ah kum 200 a tling.  An hrinsor zumtu hna cu millions an tling.  Judson te nupa nih Khrih caah an nunnak an pek caah  Kawlram zumtu tampi kan um khawh nak a si.

Kum 200 a tlinnak puai cu sunglawi ngai in tuah a si.

Karen Home Mission Society nih $ 4 million man hall lianpi an sakmi chung ah Pathian thangthatnak ngeih a si.  Khual hi 30,000 cuang kan si.  Aa khawmmi cu thong 45-50 kan si lai an ti.  Ram dang in khual lian tam ngai an ra hna.  Kachin Baptists 14,000 an ra.  A tu bantuk in kan ram aa thlen cuahmah lio ah biaknak lei in tlang cung miphun kip zumtu hna nih Pathian thangthat tti hi biaknak lawng si lo in, uknak lei in thil ttha a chuahpi ttheu lai.

Video a donghnak bik Chin mino tampi an cuannak hi Kansas City ABCUSA Judson 200 Jubilee lio ah Chin Mino 200 Choir satu an si. Tuanbia nih a kan kaltaak caan a um bantuk in a kan fuh tthan can a um ve.  Cu caah, a zungzal in timhlamh cia tein um hi a herh tawn.

[tang] Jubilee onnak caah mipi nih hmunhma an la. 

[tang] Dr. Si Thar, Dr. C Duh Kam, Dr. Lal Uk

[tang] Dr. Roy Medley, GS of ABCUSA le Dr. Neville G. Callam, GS of BWA

[tang] Dr. Reid, Executive Director of ABCUSA International Ministries he

 

CBCUSA REGION 4 YOUTH CAMP

 

NOVEMBER 28-30, 2013

MONMOUTH CHIN CHRISTIAN CHURCH,

MONMOUTH, IL

Pathian lamhruainak thawng in tlamtling tein kan tuah khawh.  Region 4 chung CBCUSA pastors hna le Monmouth naih niam khua pastors hawikom dang hna nih an kan telpi.  Zan ah thawngtha chimnak le chun ah cawnpiaknak ngeih cio a si.  Cawnpiaktu in telpitu cu Rev. Dr. C Duh Kam, EM of CBCUSA a si.  MCCC zumtu hna nih an biaknak ah nuam tein an kan zohkhenh.  An cung ah kan i lawm.

A kaimi mino hna cu sianginn kai lio mi an si hna.  Rianttuanmi mino hna cu khuanh an ngah khawh lo caah rian an ttuan hna.  Thanksgiving Ni tu ahcun minung kan tam.  Hi ni ah Rev. Ni Ceu, Pastor of MCCC cu ordination pek a si.  A sunglawi ngaingai.  Amah zong Region 4 chung ah Bawipa Zanriah tu kum chung ah a hmang kho rih lo mi sin ah December 2013 chung ah leeng manh ding in timhtuah a si.  Pathian a tha tuk.  Lam a kan hruaining hmuh khawh a si chin lengmang.

Camp a kai mi kan fa le nih Pathian an duhnak kan hmuh tikah kan i lawm.  Kan camp a donghnak ahcun a cheu khat cu an khrihfabu cio ah Sweet December dong ding in an tlung.  A tangmi hna nih lunglawm tein hla kan saknak cu a cung hlasak hi a si.  Mino nih Pathian duhnak an ngeih lawng ah Chin miphun khrihfa chan hi aa peh kho lai.

 [tang] Youth Camp le Pastor Ni Ceu ordination ah aa telmi pastors

 [tang] Youth Camp Praise and Worship