CBCUSA NEWS 

Rev. Phun Ceu, Pastor of Des Moines, Iowa ih missionary rianttuannak kong 
[November 02, 2013]

A donghnak lei aa telh thlu kho lo.  A donghnak hi biapi bik cu a si.  Khuachia cu minung ah i langh in Pu Tin Myint zumtu thar sin ah an rianttuannak hmun ah zing ah a ra than.  Zeicadah thawinak phaisa cu na ka pek bal lo, na ka pek lo ahcun naa hmuh lai tiin a rak ti.  Pu Tin Myint nih cun phaisa ka hmuhmi cheuhra cheukhat cu Pathian sin ah ka pek tiah kan chimh cang ko cu a ti.  Cu bak ahcun aw pakhat a ring i khuachia cu a van sik.  Khuachia cu a thir thluah mah.  Cu hnu ah rian rang in a zam i a tli diam.  Pu Tin Myint nih ka hnu lei ka zoh i a ho hmanh ka hmu hna lo.  Cu aw cu Pathian aw a si lai.  Pathian cu a um hrimhrim tiah tehte a khan tawn tiah a chim.  Hi tehtekhannak nih Pathian cu khuachia le khuavang nih an tih tuk tinak le Pathian nih zumtu hna A kan umpi ko tinak a langhter.

***********************************************
CBCUSA OFFICE in Thawngzamhnak kong

CBCUSA riantuannak kong hi kan theih khawh nak ding in thawng zamhnak hi kan tuah.  Awl deuh in thawng kan i thanh khawh nak ding ah a herh deuh in kan ruah can ahcun hi bantuk mui lang le aw theih mi video thawngzamhnak hi  kan tuah pah tawn lai.  Halleluia Chorus a dih ah CBCUSA NEWS cu ngaih khawh a si.

Halleluijah Chorus hi CBCUSA mino 200 nih July 4-6, 2010 CBCUSA Civui, Washington, DC ah an sakmi a si.  DC inn raang President umnak in a hlat tuk lem lo mi hmun ah Bible College Stadium ah civui cu kan tuah i minung kan khat.  A nuam kho tuk. Hi hi record tha kan ngeihmi/hmuh khawh mi a si caah kan cuan ter zungzal.  Lairam hmanh ah hi hlapi hi awl tein an sa kho lo.  USA ram hna ah Lai mino nih hi tluk tha in an kan sakpiak khawh mi cu Pathian cu lawmh lo awk kan tha lo. Thangthat usih, a zungzal in. Sunpar lianngannak cu hlorh in um ko seh!

CBC USA PROGRAMS [OCTOBER 29 Tuesday- NOVEMBER 1, 2013 Friday]

***Thla kan campiak cio u.  Bawi Khrih min in kan sawm hna.***

(1) ICBM CC Meeting

October 29 Tuesday @ 8:00 - 11:00 pm:

(2) CBCUSA Officers Council Meeting

October 30, 2013 Wednesday @ 10:00 am - 12:00 pm

(3) CBCUSA Ordination Council Interview

October 31 & November 1, 2013 @ 5:00 pm - 6:00 pm

(4) CBCUSA Ministers’ Retreat  

Dallas, Texas
October 30 - November 2, 2013

Nan thlacampiaknak thawng in tlamtling tein kan tuah kho.
Pastor tam ngai kan kai kho.  Thla a kan campiaktu nan dihlak cung ah kan i lawm.

**********************************************************

CBCUSA upa le CYO upa tonnak (October 26, 2013)

CBCUSA Civui le CYO conference tuah ding ni le thla le kum kong ah ceihhmai ttinak kan ngei.  Kan i nuam ngai.  Fiangfai deuh in thinlung kan i hngal kho.  Dawtnak kan i hngalh piak.  A tha lei mi lam ah kan panh ko lai ti hi kan zumh.  Kan tha a nuam.  Chuncaw zong CBCUSA nih a kan timhtuah piak.  Kan i lam tti.  Lam a kan hruaitu Bawipa Pathian min kan thangthat.

Chin mino hna cu hmailei miphun hruaitu nan si.  Nihin upa nih kan tuanmi rian a kan changtu ding nan si.  Kan tuan cio mi hi aa then kho lo mi an si.  Kan miphun lak ah Khrih ram kauhnak le kan miphun thanchonak an si dih. 



C Duh Kam
Executive Minister
CBCUSA