INTERNATIONAL CHIN BATIST MISSION
[ICBM], CBCUSA 

PATHIAN SIN PEKCHANHNAK

 

CHIN EVANGELICAL BAPTIST CHURCH

INDIANAPOLIS, INDIANA

 

JULY 13, 2013 [ZARHTENI]

02:00 PM

 

 

"JESUH KHRIH CU BAWIPA A SI"

FILIPI 2:11

 

 

July 13, 1813 ni ah Rev. Adoniram Judson and Ann Judson cu Khrih thawngttha he Rangoon khua an phan.  Burma ram ahPathian niceu dawh cu tlan hram a thok. Kawlmi hna sin ah Thawngttha an chim. July 13, 2013 ni cu kum 200 a tling ve cang lai. Khrih ruangah hremnak le harnak le nuva ttangtthen ngaichiatnak tiang an tong.  Vailamtah Thawngttha cu nunnak le thisen in chimmi Thawngttha a si.  Hi Thawngttha nih kan ram a ceu ter cang. July 13, 2013 ni cu Kawlram mi kan caah philh khawh lo mi ni sunglawi a si.

 

March 15, 1899 ni cu Lairam ah tthal mangkha loduah lio can a si.  Rev. Arthur Carson le Laura Carson cu mah chuahkehnak khua le ram zong si ttung lo in, ner lengmang in Hakha khua cu an rak phan ve.  An ruahning bang si hlah kaw, Laura cu mitthli le hnap duk he a pasal Arthur nih hnemh hau in a um.  Nain, Kalvary tlang i Bawi Khrih mualphonak cu a tluk naisai rih lo.  A thaizing ah an thilphurtu Lai lengno Zing Biak Tha nih a hnemh khawh ko.  Cu ti cun, Khrih khamhnak thawngttha cu Lairam ah chim hram an thok.  Khrih niceu dawh cu a tlang ve.

 

Nihin ahcun, "Maw Lairam, na duh i thim cang tuah, Na Bawipa rianttuan maw na thim deuh lai?  Hlan pipu rianttuan kha dah na thim lai!  Nihin in i fiang cang tuah" tiin Khrih thangtthat hla kan sa kho cang.  Nain, kan miphun chung ah Khrih Thawngttha a thei lo mi tampi an um rih.  Thlarau in a tlaumi lawng si lo in, miphun sinak in a tlau ding mi tampi an um. 

 

Cu caah, leikhuaza Chin khrihfabu vialte hna sawm in kan Lairam ah mission rianttuan ko usih tiah CBCUSA nih biachahnak a tuahmi cu Pathian nih rem in A kan ruahpiak.  Khrihfabu le pumpak in missionaries thlah a duhmi an tam ngai cang.  Chin zumtu tampi nih rethei ngai in an hlawhmi chaw va hna zong Bawi Khrih caah cun a poi lo, kan thawh ko lai tiin raltthatnak thinlung thlarau kan ngei cang. 

 

July 13, 2013 @ 2:00 pm ah Chin Evangelical Baptist Church, Indianapolis, IN ah Lairam Mission cu Pathian sin ah pekchanhnak a um lai.  Indy Chin khuapi ah a ummi miphun hawi zumtu vialte hna tlolh lo tein rak chuak cio u.  Indiana lam naih ah a ummi Chin khrihfabu hna zong rak chuak cio u.  Lamhla um zong nih tenh hram van i zuam u.  Hi ni cu Siangbawi Adoniram le Ann Judson hna rianttuannak kum 200 tlinnak zong kan lawm chih hna lai.


CBCUSA Khrihfabu kip sin ah lennak cu a tanglei bantuk in a si lai.  Revivial Groups hna he an rak in leeng hna lai.  Khrih cu CBCUSA seino hna aw dawh thawng he A rak in leeng hna lai.  Lawmhnak nan langhtermi chaw hna nih Thawngttha thlaici te cu Lairam ah tuh a si lai.  Bawipa cu thang ttha ko seh.

 

Dallas Area: Group 7 in then si lai

1) ICBC (IN) – Rev. Dr. Ceu Lian Thang
2) CCC (IN) – Rev. Khen Sang
3) MCBC (Midland) – Rev. Dr. Chum Awi
4) MCIC (Midland) – Rev. Dr. Van Ni
5) OCBC (OK) – Pastor Chan Hnin Thui
6) HCCC (Houston) – Pastor Chan Mawng
7) CRC (Dallas) – Pastor Za Thawng Cin
8) CCCC (Cactus) – Rev. Tial Lian
9) ACCC (Amarillo) – Rev. Zammang Mual Cin
10) CEBC (Dallas) – Rev. Van Thawng Lian
11) MLBC (MO) – Pastor Lian Hram
12) LCCC (KC) – Rev. Khen Sang
13) AMCC (Austin) -  TCBC part time pastor

 

Amarillo & Cactus:  Group 1 an si lai

1) DCBC (Dallas) – Pastor Cung Bawi Hup

 

Midland (TX): Group 2 in then si lai

1) SCBC (Dallas) – MCBC Pastor
2) CBC (Dallas) – Pastor Bawi Uk

 

DC Area: Group 3 in then si lai

1) ZCC (IN) – Rev. Ngun Awi (July 14 ah Inidanapolis kal ding)
2) ILEC (IN) – Rev. Dr. C Duh Kam (July 14 ah Indianapolis kal ding)
3) PCBC (PA) – Rev. Rollin Vanbik
4) LCCF (PA) – Pastor Sui Hliang
5) ACCC (NY) – Rev. Phillip Hrengling
6) VBCCC (VA) – Rev. Rollin Vanbik
7) LBC (Buffalo NY) – Rev. Philip Hrengling  

 

Indiana:  Group 7 in then si lai

1) BGCC (KY) – Pastor Za Thleng
2) LBC (DC) – Rev. Thang Mang
3) CBC (DC) – Pastor Thawma
4) UCCC (IL) – Rev Dr Hre Kio
5) CBC (Columbus, IA) – Rev. Dr ThlaAwr Bawihrin
6) CEBC (IL) – Rev. Dar Kham
7) LCBC (MI) – Pastor Tluang Thang
8) TCBC (Dallas) – Pastor Thawma
9) MCBC (WI) – Rev. Thawngling Mualhlun
10) BCC (Battle Creek) – Rev. Edmond Zabik
11) CBC (Grand Rapid) – Dr. ThlaAwr Bawihrin
12) CCBC (WI) – Rev. Lal Cung Awi
13) ECBC – Pastor Hniang Cung

 

KANSAS CITY:  Group 2 in then si lai

1) GCCF (CO) – Pastor Phunsang Mang
2) DCBC (CO) – Pastor Dawt Peng
3) SCCC (MO) – Pastor Reuben Zabik
4) CEBC (NE) – Pastor Sang Vung

 

St. Joseph (MO): Group 1 an si lai

1) CCBC (NE) – Pastor Nawl Bik
2) ICCC (KS) – Pastor No Lian

 

Des Moines & Marshalltown (IA):  Group 1 an si lai

1. CCMC (KS)  - Rev. Phun Ceu
2. OCCC (NE) – Rev. Phun Ceu

 

Milwaukee (WI):   Group 1 in then an si lai

1) MCCC (IL) – Pastor Phun Tling
2) BBC (Dallas) – Pastor Ronald Charles

 

Springfield (MO):  Group 1 an si lai

1) MCBC (MO) – Rev Ngun Iap
2) ECBC (Dallas) – Rev. Ngun Iap

 

Denver (CO):  Group 1 an si lai

1) SCCC (UT) – Denver CBC Pastor

 

Monmouth (IL): Group 1 an si lai

1) WCCF (IA) – Pastor Ni Ceu
2) CBC (Des Moines) _ Pastor Ni Ceu

 

Omaha (NE): Group 2 in then si lai

1) SCBC (MO) – Pastor Van Nun Tluang
2) CBC (Marshalltown) – Pastor Ngun Lian Bawi
3) KCBC (KS) – Pastor Edward Moe Kyaw Thu

 

Grand Rapid (MI):  Group 2 in then si lai

1) LCC (IN) – Pastor Ngun Lian
2) CCBC (KY) – Pastor Bawi Lian

 

Battle Creek (MI):  Group 1 an si lai

1) CEBC (IN) – Rev. Dr. Cung Lian Hup

 

Columbus (OH): Group 1 an si lai

1) CBMC (DC) – Pastor Dr. Hai Vung Lian

 

Atlanta (GA):  Group 1 an si lai

1) CEBC (Fl) – Rev. Hrang Kam

 

Jacksonville (FL):  Group 1 an si lai

1) GCBC (GA) – Rev. Zo Bawi

 

Newbern (NC): Group 1 an si lai

1) JCBC (FL) – Pastor Van Bawi Hup

 

Cincinnati (KY):  Group 1 an si lai

1) FCBC (NC) – Rev. Hrang Kap

 

Buffalo (NY): Group 1 an si lai

1) SCCC (NY) – Rev. Dr. C Duh Kam

 

Syracuse (NY):  Group 1 an si lai

1) RCCF (NY) – Rev. Robin Bik

 

Oklahoma, OK:  Group 1 an si lai

1) CCMC (KS)- Rev. Chiah Zi

 

Lansing, MI: Group 1 an si lai

1) MCBC (MI)- Pastor Hrang Cung Hnin

 

 **************************************************************************

The Chin Baptist Churches USA with the Chin Baptist Churches in the globe are planning to launch mission to their fellow Chins who do not know Jesus Christ in Myanmar.  The grand opening of this Lairam Mission will be held at Chin Evangelical Baptist Church in Indianapolis, Indiana on July 13, 2013 by celebrating the Judson 200 Year Mission Work in Burma.  The Chin youth revival groups from all parts of the State will celebrate the blessings of God to the Chins.

 

You all are invited in the name of Jesus Christ to join us on this date at 2:00 pm.

"Jesus Christ is Lord" [Phil. 2:11]

 

 

ABCUSA Judson 200 Jubilee Puai Thawngthanhnak

ABCUSA Judson 200 Jubilee kong he pehtlai in nizan ah teleconference kan tuah tthan i thawngthanhnak kan van tuah tthan. CBCUSA chungtel khrihfabu dihlak cu a bu in May 31, 2013 hlan ah registration tuah a si lai. 

1) CBCUSA nih $200 in registration a tuah lai i Civui a kal duh mi paoh nih registration caah $35 lawng liam a si lai.  CBCUSA ah aa telmi khrihfabu paoh nih hi ti hin tuah khawh a si lai.  Pumpak in tuah ahcun $150 a dih.  A tu cu a bu in a si lai caah phaisa tlawm deuh a dih lai.

2) Hotel riahnak le eidinnak cu mah te in liam a si lai caah registration form kan in kuatmi hna kha zoh in hotel kha i thim ding a si ko lai. I tel duhnak hmun paoh ah rawl ei man liam in tel khawh a si lai.

3) CBCUSA ordained ministers paoh nih Ministers Grant kha sawk cio ulaw phaisa an ngeih tlin ahcun pek khawh cio kan si ko lai.  Application form cu a dang in kan kuat tthan hna la.

4) Asian American Baptist Caucus Convocation sin ah grant sawk khawh a si rih.  Membership fee pek a hau hmasa.  Minister caah $ 25, seminarian le youth caah $ 10 a si lai.  Membership a la rih lo mi nih lak colh khawh a si fawn ko.  Application form kan tuah hna lai.

5) Young Adult caah registration fee cu $50 a si.  Hotel le rawl cheukhat man aa tel cang.  Cu caah fa le a kal duhmi mino nih sawk ttha a si.  A form kan kuat chih hna lai.

6) Kansas City ah a ummi Chin Chuches vialte kha zeidah nan lawh?  Nan kai kho cio lai maw?  I tel kho ci ulaw a ttha tuk lai.  Biaknak rianttuanmi lawng si lo in, mi zeipaoh nih registration tuah in tel khawh a si.  A kai duhmi nih CBCUSA sin ah sawk dih ahcun $ 35 lawng a si lai.  Nannih umnak a ngeimi nan caah phaisa a dihnak a um lo i tel khawh cio ahcun a ttha tuk lai.  Hi bantuk Civui sunglawi hna nih an in fuhmi hna cu nan van a ttha tuk.  

7) Ronald Charles Nunuk le keimah sin ah thawng kan thanh ulaw registration kan in tuahpi hna lai.

8) Hlaremh ding Chin mino 200 min cu CBCUSA Choir tiin registration tuah a si.

Hi kong hi CBCUSA Blog www.lairambawiparam.blogspot.com ah rel khawh a si.

Thawng i thanh hna usih.

Bawi Khrih rian ah,

C Duh Kam, EM

Ph: 240-626-7389; Email: duh_kam@yahoo.com

Ronald Charles Nununk

Ph: 414-335-3536;  Email: ronaldmcbc@yahoo.com

CBCUSA Thawngthanhnak (May 07, 2013)

 

Pathian lamhruainak thawng in CBCUSA ram chung ah lunglawmhnak thawng ttha kan ngei pah lengmang i Bawipa Pathian min kan thangtthat.

 

1) Monmouth Chin Christian Church, Monmouth, IL nih nizan May 6, 2013 ni ah tthutdan 200 a ummi biakinn a kan cawkpiak.  Lunglawmhnak in kut bengh piak hna usih.  An biakinn cu basement ah fellowship hall a um.  Biakinn luh thlacamnak cu June 30, 2013 Sunday ah tuah a si lai. MCCC zumtu dihlak 140-150 an si.  An pastor cu Pastor Ni Ceu a si.  Pathian sin ah lawmhnak chim piak hna usih. 

 

2) American Baptist Churches USA Judson 200 kum tlinnak Jubilee cu Kansas City, Kansas ah June 21 - 23, 2013 ah tuah a si lai.  Burma ram ah a hmasabik American Baptist siangbawi Rev. Judson te nu le pa hna cu July 13, 1813 ni ah Khrih Thawngttha he Rangoon khua an phan.  Khrih Thawngttha an chim.  Harnak tampi an tuar.  A fakbikmi nuva ttang tthennak tiang an tong.  Siangbawinu Ann Judson cu Pathian rian an ttuannak kum 13nak October 24, 1827 ni ah siangbawipa khual a tlawn kar ah a thi.  Kum 37 lawng a si rih.  A fanu te Maria a rohtaak.  Siangbawi pa le a fanu Maria lawng lileng ngai in Ann nih a sakmi nan mau inn fate ahcun an um.  Maria zong April 24, 1927 ni ah a thi ve. Siangbawipa ngaihchiatnak nih chum bang in a zelh.  Khrih thawngttha caah an nunnak an pek bantuk in Burma ram cu Khrih thawngttha nih a ceuter. 

 

Adoniram le Ann hna an rianttuannak cu July 13, 2013 ni hi kum 200 a tlinnak a si.  December 13-15, 2013 ni ah Yangon ah sunglawi ngai in Pathian thangtthat an i tiim.  ABCUSA nih Kansas City, Kansas ah tuah an timh ve.  Hi ni sunglawi June 22, 2013 Saturday ni ah Burma ram in a rami zumtu hna chung in Chin Baptist Churches USA mino 200 le Karen Baptist Churches USA zumtu 200 nih hla dawh in Pathian an thangtthat lai.  Kawlram mi zumtu dihlak komh in minung 30 nih hlaremh an sak ve lai. Hi 30 chung ah kanmah Chinmi panga an i tel ve lai.  Hi ni sunglawi ah tel khawh zuam cio hna usih.  A tel ding paoh nih registration kan in kuat mi hna kha tlamtling tein tuah zuam hna usih. 

 

3) Hi ABCUSA civui hlan deuh June 18 -20, 2013 ah ABCUSA Board of General Ministries (BGM) zong meeting kan tthu ve lai.  Hi meeting ah kanmah response group ah cattial le bia in ABCUSA ah pehtlaihnak tuah ding in BT biakhiahnak kha ka chimh hna lai.  Pathian nih a ttha a tining in lam kan hruai ko seh.  Thlacam cio hna usih.

 

4) CCOC Follow-up Mission Council Meeting

Texas Chin Baptist Church, Dallas, Texas; May 17, 2013 Friday ah tuah a si lai.  Thla kan campiak cio u.

 

CBCUSA nih CCOC Follow-up Mission ttuan ding in aa timhmi cu Pathian nih thluachuah a pek ti a lang chin lengmang.  USA ah khuasa Chin zumtu hna lawng si lo in, Lairam le ramdang Chin khrihfabu le zumtu hna zong nih tel an duhnak a lang ko cang.  USA le ramdang ah CBCUSA chungtel khrihfabu hna le chungtel a si rih lo mi Chin khrihfabu dang hna zong nih tel an duh cio. CBCUSA nubu tam ngai nih missionary cawm cio ding in timhlamhnak an ngei cang.  Hakha khua ah CCOC Follow-up Mission zunginn caah a lak in hmunhma a sianhtu an um cang.  CCOC Follow-up Mission caah phaisa thawh khawh a si ko.  CBCUSA Ngunkeng Pu Kepling Khengmual sin ah kua cio hna usih.

 

5) CBCUSA Rianttuannak

 

Chak Lairam ah rian kan ttuannak vialte cu a theipar an lang cuahmah ve cang hna.  Chin Christian College le CACC le Lairam khrihfabu dangdang tampi hna nih an hnangamnak cu CBCUSA rianttuannak hi a si ve cang.  Matupi khua ah Union Theological College nih 2007 kum in bawmhnak kan tuah ruangah kan dawtnak hna cu an tem cang.  Hi nak tam deuh in dawt kan hau hna.  Lairam Jesus Christ Baptist Church, Lawngtlai zong nih leikhuaza Laimi tonnak kan ngeih tikah "Laimi cu Pathian dawtmi fa kan si. Laimi si hi kan i uang tuk" tiin hmurka an puah lengmang cang.  Cansau pi chung Tipi le Tio va nih a danmi hna Laimi cu hawikomhnak kan ngei kho cang.  Civui kan i hrawm kho cang. 

 

Lairam khuasa Lai hawi caah rianttuan ding a tam chin lengmang.  Kawl lak ah a tlaumi Laimi zong nih Pathian Thawngttha an theih i an miphun hawi hna sin ah tthutdir ve an hau.  Laimi dihlak caah Jesus Khrih cu Bawi a si khawh nak hnga caah rian lian tuk kan ngei.  Missionary a thlahtu kanmah lak ah Pathian hmual a langh khawh nak ding ah Khrih Thawngttha aupi hi a herh tuk.

 

6) CBCUSA chungtel khrihfabu hna nih program nan ngeihmi le nan herhmi cu kan chim ulaw tlamtlinh kan i zuam hna lai.  Kei zong May le June thla cu khrihfabu len le tlawn ding in ka program a khat ve cang.  July in a pin lei ah a herhmi khrihfabu sin paoh ah tlawng kho ding in duhnak ka ngei.  Bawipa rianttuan hawi tampi kan um hna.  Kan sawm ulaw tlawn khawh kan in zuam ko hna lai.

 

Pathian nih thluachuah in pe cio hna seh!

 

 

Bawi Khrih rian ah,

 

C Duh Kam, EM

CACC Silver Jubilee Pathian Thangthatnak

April 6-7, 2013

Mandat cu Hakha Baptist Church le Carson Hall karlak hmun rawn ah
lianpi in an sak. Minung kan tam tuk.  Pumh lio ah mandat nih a kan tlum lo.

 [cung] Chun hnu cu nunphung laam le biachimnak in hman a si.
Matupi in mino hna zong an thuamthil he an i tel kho.
Biachimtu upa Dr. Lianhmung Sakhong, Pu Sui Hinz le Pu Ni Kio
hna nih bia an chim.  Mipi an i lawm tuk hna.

 [cung] Lakphak le eidin zuarnak
Mandat kam ah zeitik paoh ah ei din khawh ding in a um.

[tang] Jubilee caan Pathian thangtthat lio

[cung] Lawngtlai in Lairam Jesus Christ Baptist Church hlaremhbu

An i biatak.  An aw a ttha.  Lai lam zong in an kan lampiak.

Hakha khua cu khuapi a si an ti.  Lairam cu khuate zong

an thianghlim an ti.  Kan pi le pu hna chuahnak ram phak cu

kan i uang ngai ko an ti.

[cung] C Duh Kam, Zarhpi zing phungchim lio

 [cung] A hring hi Bethsy, hlasakthiam

 [cung] Aizawl in Male Singer

[cung] Aizawl in Baptist Church of Mizoram hlaremhbu
Hla hi zoh lo in an sak caah an thiam.  An hla an tem khawh. Zohlo in 
sakmi hla 13 an ngeihmi chung in an sak.  An thiam taktak.

 

 [cung] Jubilee onnak hlaremh

 [cung] Jubilee on lio

Ramdang ah hlasakthiam an kal thlu rua kan si nain, a rak si lo.  Lairam hlum hlasakthiam

an rak tam ngai.  Khuapi ahcun hlaremh sa kho mino an ngei ko hna.  

Khuate ahcun mino an tlawm ngai cang. Mino um  lo nak ram cu

a nuam kho lo ti cu hngalh cio a si ko.  Cu caah, ramdang Lai mino nih

Lairam ah tlawn khawh cio i timh a herh ko.

 [tang] Agape Clinic, Hakha



[tang] Siangbawi te thlan a si.  Agape Clinic thlang te ah a um.

 CBCUSA nih kyats ting 22 in a remh bal.

 

 Lairam ti le ram le khulu kung

Kangaw van kai i Laitlang lei ah van phanh hrawng

[tang] Thantlang lei kalnak Hakha khua thar lonh hrawng

 [tang] Timit va kuang

[tang] CACC BM meeting tuah lio

Hakha Baptist Church

04/05/2013 

 

[tang] CACC Zunginn thar saknak ca tlakrawh chiahnak

 

 Lairam hi Laica, Laiholh le Lai Nunphung in ttha tein tthanpi khawh lawng ah

kan miphun hi aa hmun lai.  Thlang Lairam ah Thawngttha chim rian kan tuan lio ah

Chak Lairam ah kan ttuan tawnmi nak tam in rianttuan kan hau fawn.

CACC he thuk le kau deuh in rianttuan tti kan hau.  A nung tti mi si kan hau.

Pum khat bantuk si kan hau.  Tthanning aa rual a hau.

Biaknak cauk rel ding tampi ttial le chuah kan hau hna.

Lai Bible le Lai Hlabu hna kan chambau tuk rih.

Leikhuaza Laitlai Khrihfabu dihlak ih kan rian a si.

[tang] Chin Christian College ah Saya/ma te he

[tang] Dr. Cung Lian Hup nih bia a kan ruah lio

[tang] Dr. Henry Siang Kung nih bia a kan ruah lio 

[tang] Hakha Khuahlun Biakinn a kaangmi an sak lio mi.

CBCUSA nih $ 5000 tein bawmhnak a tuah ve.  A kangh ka ah.

Chairman, C Duh Kam le Rev. Ni Peng

 

Hakha General Hospital Chapel Onnak

Health Care Volunteer Group (HCVG) tawlrelnak in kan sakmi Hakha Sizung Chapel onnak cu

tuah a si.  A inn cu a lian.  A ttha.  Ruakvui pumhnak caah mi tampi a tlum kho ding a si.  

Mi tampi an i lawm cio hna.  CBCUSA nih $45,000 kan thawh. 

Hi inn saknak caah tawlreltu upa hna cungah lawmhnak a tam hringhran.

[tang] Bethel Clinic, Thantlang

CBCUSA nih Khrih damnak mission a ttuannak

[tang] Dr. AZing (L)
Lai doctor nih Laimi damlo a zohkhenh hna.
Operation a tuah hna.  Hi clinic ah.  Ringfonghlei a dam lo
nih an theih i appointments an tuah cuahmah.

[tang] Roling Lg. Ngai Za Siam Thlan
CCOC rianttuannak caah a nunnak a pemi

[tang] Chin Baptist Association le Chin Funtomnak Bu, Kalay he tonak

CBA compound cu a kau.  A ttha.  Man tamtuk man a si cang.

Pathian nih hmun tha tuk a kan pek caah lawmhnak a tam.

An hmun hi Laimi nih hman khawh tlak in a kau.

Chin Funtomnak Bu hi Kawlrawn ah a tlaumi Laimi hna an hawl hna.

Kalay, Kabaw le Kankaw peng chung um Kawl lak ah a tlaumi Laimi kha

an kawl hna.  Laica an chimh hna lai.  Chin Times khi anmah nih 

an chuah.  Phaisa lei in an harsa ve ngai caah CBCUSA nih $1000 

tein bawmhnak a tuah ve.

 [tang] Lai Baptist Church, Kalaymyo Pastor Rev. Bawi Lian Thawng chungkhar he
Hmun tha tuk an ngei hna.  Man tampi man Laimi nih kan ngeih cang.
Pathian dawtnak le khanpiakmi a si.

 [tang] Tahan Lai Dawr ah.  Lai thil a tling taktak.
Pastor Thla Hnem nih a kan lenpi i kan i nuam ngai.
Nungak a si.  Tlangval upa pawl nih helh ding a tha lai.

 

[tang] Lai Center, Mandalay

Dot thum tiang tlakrawh an rual.  Dot linak an kai kho ti lo.

A tang dot hi hman khawh ding in siam hmasa a hau an ti.

Mizaw le damlo hna caah hmun an herh tuan.  Rianttuan ding nih

a hnawh cuahmah hna.  Nan bawmhnak cung ah an i lawm tuk.

Pipuam ngai in tungtlang an tuah.  A ropui ngai ding a si.

Hi hmun hrawng vawlei cu Tuluk pawl nih an ngeih thlu cang.

Laimi nih hi hmun kan ngeih cu kan van a ttha hringhran.

A chung ah kan i pum.  Nutung nih hla an remh lio.
A tang hi Rev. Hrang Hmung, Senior Pastor of Lai Baptist Church

[tang] Upper Myanmar Chin Baptist Association zung innpi

Rev. Hrang Hmung nih hi inn saknak caah USA ah bawmhnak a rak kan hal.

Khrihfabu tampi le pumpak nih bawmhnak nan tuah cio hna.  Cu thawng in

hi tluk inn ttha hi Mandalay khua lak ah Chin khrihfabu nih inn le hmun

ttha kan ngei kho.  Rev. Simon Thawng Hmung nih bawmhnak a kan

hal mi kha Lai Centre saknak caah a si.  An sak lio mi caah.

UMCBC ahhin Chin khrihfabu an tling ngai. 

Shan, Kachin le Kawlrawn State dangdang um

Chin khrihfabu hna funtomnak a si.

[tang] An zunginn chung ah

Mandalay ah ni khat kan caam.  Hawikom tampi kan hmuh hna.

Kawlrawn hi Lai khua taktak ah an rak canh ve cang ko.