Bawipa Thangthat

Tuesday, January 29, 2013

Iowa Chin Baptist Church [ICBC]
Columbus Junction, Iowa
January 25-27, 2013
 
Columbus, Iowa khua cu Chin Baptist siangbawi hmasabik Rev. Arthur Carson
a chuahnak khua a si.  August 06, 1860 ni ah a chuak.  Kum 16 a si ah a pa a dam lo.  A zeng.
Chungkhar nu le pa cawmtu a si.  Morning Sun, Iowa khua in High School a awng.  
Rev. Carson hi kum 17 ah a hrintthan i Baptist Church ah a lut.  Pathian Thawngttha
chim duhnak a ngei.  Nebraska Baptist Seminary, Gibbon, Nebraska ah a kai. 
March 15, 1899 ni ah Siangbawi te nupa cu Hakha khua an phan.
 
ICBC hi member 300-400 kar an si.  Khrihfabu lianngaimi a si.  Chin khrihfa tuanbia 
aa thoknak Columbus, Iowa khua ah Pathian nih khrihfabu lian ngai A kan pekmi
hi ruah ding a tam ngai.  Khuaruahhar ngai a si!  

 [cung & tang] ICBC nu upa nih Acting Song an sak lio
 
[tang] ICBC Hlaremhbu

 


 
 
ICBC, Iowa  zumtu hna ka tlawng hna. January 25, Ningazan ah pumhnak, Zarhteni ah
Khrihfaupa, Nu le Mino upa dihlak he leadership training kan tuah. Kan i nuam ngai.
Zarhpini cu pumhnak le Bawipa Zanriah kan hmang tti hna.
[tang] Pastor Dar Lian le nupi, Chairman le Secretary he Rawldum tti lio.
 [tang] Wisconsin State American Baptist Churches EM Dr. Arlo le Pastor Ronald Charle Nunnuk
nih Ninga zan in Zarhteni chun tiang a kan telpi.  Dr. Arlo nih Chin Baptist churches 10 hi
biakinn a kawlpiak hna.  Chin zumtu a kan siaserh taktakmi a si.
Leadership training le Ninga zan pumhnak ah cawnpiaknak le
biatawi chimnak a kan ngeih.  Kan i lawm taktak.
 
[tang] Kan mawtor dirnak hmun hi Arthur Carson te khua an saknak inn hmun a si. 
A hmun hi a lawng. Chin Baptist biakinn saknak caah an zuah a si kho men.
 Columbus, Iowa hi khua fate a si.  Nain, Chin zumtu hna kan caah cun
Bethlehem khua bantuk a si.  Vawlei cung khua vialte lak hmanh ah a fa bik a si kho lo.

Columbus, Iowa cu khua fate a si.  Main Street hmun laili ah Grace Lai Shopping Dawr,
Lai Rawl Dawr le Chin Center a um.  Hmun ttha cu Laimi nih an hngah.
Hi khua cu khua fate a si zong ah, Chin miphun kan caah cun Khrih chuahnak
Bethlehem khua bantuk a si. Vawlei cung khua vialte lak ah khua sunglawi bik a si. 
 
Siangbawi Rev. Arthur Carson cu a rilfonghlei a fak.  A phing.  Cu lio Hakha cu
ngaidi inn 300 a ummi khua a si.  Sizung timi min hmanh kan ngeih hlan cu si kaw,
zeiti awk theih lo ah, Siangbawi Dr. East nih a hlai piak. A rilfonghlei cu a rak
rawk tuk cang.  Mifim ram ah thihnak ah an hman lo mi zawtnak in
Lairam Hakha khua ah April 1, 1908 @ 1:45 am ah a thi.  Kum 47 lawng a si rih.
Chinmi dihlak nih Khrih Thawngttha kan theih i khmahnak kan hmuh khawh nak
ding caah a no duhnun lio caan le a nunnak cu a pek.  A biakmi Khrih caah.
Hakha an phak zan i siangbawinu mitthli lengluang kha!
A tu cu a dawt bik mi a pasal Arthur nih a liam taak i mitthli he khua a sa tthan. 
Siangbawipa thih hnu ah a rian cu a peh tthan.  USA a kal lai ah siangbawipa
thlan ro te kaltaak lai le siangbawipa nih a nunnak pek in Thawngttha
a chimhmi hna Laimi hna kal taak lai cu a rak celh hrimhrim lo.
A mitthli a luang tthan. 
Laimi le Vailam tthen kho lo.
Khrih hi rak um hlah sehlaw nunnak hi!
Authur E. Carson le Laura H. Carson



Wednesday, January 16, 2013


CHIN BAPTIST CHURCHES USA [CBCUSA] PROGRAMS

(1) CBSUSA YOUTH FUND RAISING GOSPEL CONCERT
Date: January 27, 2013 Sunday
Hmun: Chin Evangelical Baptist Church, Indianapolis, Indiana
 
 
(2) CCOC 2RM KOMITI MEETING
Date: February 15, 2013 Friday
Hmun: Chin Evangelical Baptist Church, Indianapolis, IN


(3) CBCUSA OFFICE ONNAK
*Pathian nih tlamtlinnak A kan pek ahcun atang inn hi
office caah kan duhmi a si. Pathian sin ah thla cam hna usih.
Tlam a tlin ahcun a tang ni le hmun ah a si lai.
Date: February 15, 2013 @ 4:00 pm
Hmun: 7105 Chimney Rock Ct,
Indianapolis, IN 46217


(4) CBCUSA YOUTH DEPARTMENT KOMITI MEETING
Date: February 16-17, 2013
Hmun: Washington, DC


(5) CBCUSA BT MEETING
Date: March 8-10, 2013
Phak Ni: March 8, 2013 Friday (Zan meeting tuah ding)
Hmun: Amarillo Chin Christian Church
Amarillo, Texas

(6) ABCUSA REV. ADONIRAM & ANN JUDSON
MISSION RIANTTUANNAK KUM 200TH JUBILEE
Ni: June 21 - 23, 2013
Hmun: Kansas City, Kansas
CBCUSA Mino 200 le KBCUSA (Karen) mino 200 nih
hlaremh an sak lai.


(7) CBCUSA WOMEN TRAINING
Hmun: Zophei Christian Church, Indianapolis, IN
Khual phak ni: 7/26/2013 ( Friday)
Meeting tuah ni: 7/26/2013 ( Friday )
Caan: 7:00PM- 10:00PM
Training tuah ni: 7/27/2013 ( Saturday)
Caan: 8:00AM- 6:00PM
Zan ah pumhnak a um te lai.
7/28/2013 ( Sunday) Canhmannak
Chun le zan he ZCC, IN ah pumhnak kan ngei te lai.
Cawnpiaktu hna:1. Rev. Dr. C Duh Kam
Cawnpiak ding: Chin Nu dirhmun le vawlei cung khua zakip Nu hna dirhmun
2. Pastor Hlei Sung
Cawnpiak ding: Khrihfabu le Innchungkhar ah Nu hna nih kan ttuanvo

3. Pi Tlem Kyin( Mrs.Rev. Dr. Hre Kio)
Cawnpiak ding: Nu le Ngandamnak
**************************************

Thlacampiak cio ding ah sawmnak

(1) Rev. Dr. S Hre Kio le Rev. Ngun Awi cu CCOC 2nd Round Mission
rianttuannak kong he pehtlai in Zomi Baptist Convention upa hna he
Yangon, Burma ah an i ton lio a si.

(2) Rev. Thawngling Mualhlun cu Melbourne, Australia ah
Thawngttha chim in a tlawn lio a si.

[tang] CBCUSA 4nk Civui
 
[tang] Kansas Chin zumtu hna Pathiang tthat tti lio 
 
 [tang] CCOC 2RM meeting voikhatnak,
Dallas Chin Baptist Church, Texas

 [tang] CBCUSA Mino Hlaremh
Minung 500 Halleluijah Chorus

 
 

Tuesday, January 15, 2013

CCOC 2nd Round Mission Thawngthanhnak
[by Dr. Cung Lian Hup]

Dear CBC-USA Pastor te le Khrihfa Upa dihlak,

Kumthar lunglawmhnak nan cungah um ko seh ti hi ka thlacamnak a si. Nikum 2012 September ah Dallas ah kan tuahmi CCOC 2RM Committee meeting ke December ah Kansas City ah kan tuahmi meeting minutes chung in zapi nih kan tuah ding le kan theih hnga dingmi vialte cu email in kan van thlah dih cang. A cheu khat kan caah cun, email rel hi a har ngai i, hard copy in kuat i rel ah a tha deuh tiah kan ruat ko na in, a tu tiang full time riantuan tu kan ngeih rih lo pin ah, phaisa lawng kan kawl rih i, budget kong kan caih rih lo caah email lawng in kan van tial i kan ngaithiam ko u law tiah kan sawm hna.

Atu hi Rev. Hre Kio le Rev. Ngun Awi cu ZBC Upa he i tong ding ah Rangoon ah an um lio a si. Jan. 16 le 17 ah an i tong lai i, anmah nih an kan phorhmi thawng he pehtlai in Feb. 15 ah Indianapolis ah meeting kan tuah than lai i, cu tik ah cun Budget zong kan suai cang lai, ZBC he kan i pehtlaih ning zong a fian cang lai caah, 2013 ah CCOC 2RM cu kan thok cang lai ti ka van langhter duh hmasa.
 
Cun tutan ah tam deuh in van tial ka duhmi cu, CBCUSA Board of Management nih nan kan fial bantuk in CCOC 2RM Committee meeting cu vawihnih kan tuah cang i, a voihnih ning te in kan upa te nih bia an chahmi cu, tukum 2013 cu CBCUSA chungtel Khrihfabu poahpoah nih member pakhat nih US $25 cio in thawh si ko seh ti kha bia an khiah ning a si. Hihi, kan Laitlang ah ZBC chungtel Khrihfabu innkhat nih arpi pakhat le minung pakhat cio nih arti pumkhat cio thawh siseh ti bantuk in CCOC caah thawh ding in bia an rak khiah mi he a sullam a khatmi a si. Nan rak theihthiam cio lai dah tiah ka zumh.

A kholh ning cu mah le Khrihfabu nih kan siarem ning le kan thiam ning cio in kholh a si ko hnga. A cheukhat caah cun Khrihfabu nih thawhvo pekmi kha kumkhat budget chung ah suai chih in, a ning in a tho kho mi zong nan um men ko lai. A cheukhat Khrifabu nih cun Evangelism and Mission Department tuanvo a pemi zong nan um men ko lai. A cheukhat cu a kholh bak i a kholhmi zong nan um men ko lai. Mah le thiamning cio in thawh si ko seh ti hi kan biakhiahnak cu a si.
 
Kan nih Battle Creek Chin Baptist Church tu cu, thlakhat voikhat in a kholh bak in i kholh ko seh tiah EC nih an khiah i, Khrihfa Upa kha blog an then piak hna i, Khrihfa Upa nih anmah le an blog cio kha thlakhat voikhat kholh ding in bia kan khiah. Kan Krifabu tuahning hi a tha bik tiah ka ti duhnak si lo in, kan tuah ning ka hei chim sawh bia tu a si. Keimah ruah ning ah cun kumkhat kan budget i suai chih hi zaang a dam bik rua tiah ka ruah i, nan siarem ning cio in minung palhat $25 cio thawh ding cu rak i tim ko u tiah Bawi Khrih min in kan sawm hna.
 
Feb. 15 i meeting kan tuahmi minutes zong kuat khawh kan zuam te hna lai.
 
Bawi Khrih ah nan riantuan hawi,
Cung Lian Hup (Nancy Pa)

Wednesday, January 2, 2013

 
CBCUSA Board of Trustees Meeting
 
 
Hmun: Amarillo Chin Christian Church, Amarillo, Texas
Ni: March 09 - 10, 2013 (Saturday & Sunday)
Khual phak ni: March 08, 2013 Friday
Khua lei kir ni: March 11, 2013 Monday
 
 
Kan BT meeting ahhin CBCUSA Bylaws zoh ding kan si caah tlun zan in meeting thok
kan hau hna lai.  Chungtel member 200 in a cung a ngeimi khrihfabu pakhat nih
BT palai pahnih cio, chungtel 200 tang khrihfabu pakhat nih BT palai pakhat
cio thlah ding a si lai.  BT palai pakhat cu pastor a si lai.  Pastor ngei lo mi
khrihfabu member 200 ngeimi nih palai pahnih tthiam i thlah ding a si lai.
Tuan in nan BT palai min kha kan kua kho ulaw kan i lawm tuk hnga. 
 
BT meeting hi a hamtu Khrihfabu hna kha thlarau lei in thazaang pek kan herh
hna caah kan dihlak in Zarhpini zan tiang caampi ding in i tim hna usih.
Khrihfabu cio nih palai thlah ding a si lai caah tuan ah air ticket i
cawk kho ulaw a man a tlawm lai.  Khrihfabu caah zaang a dam deuh lai.
 
Pathian nih lam kan hruai cio ko seh!  Thawngthanhnak caah
ka email: duh_kam@yahoo.com in kuat ding a si lai. 
 
Bawi Khrih rian ah,
 
C Duh Kam, EM