CCOC2RM Board 2nk Meeting

 

Hmun: Kansas City, Kansas

Ni: December 7, 2012 Friday

Caan: 9:00 am - 5:00 pm

 

Khual phak Ni: December 06, 2012 Thursday

Khua lei kir Ni: December 08, 2012 Saturday

 

Thlang Chinram ah Khrih Thawngttha chim ding in timhmi tlam a tlin khawh nak ding caah biaceih khuakhannak ngeih tthan a si lai.  Hi program hi biapi tuk a si. Minung ruahnak men in si lo in, Pathian duhning in khua kan khaan khawh nak hnga, nan thlacamnak kan herh hringhran.  Thlarau le thinlung in Thawngttha chimnak mission rianttuan kan hau.  Pathian nih A kan pekmi thluachuahnak kha hman kan  herh caah, hi rianttuannak ah kan thawhmi phaisa hna hi Pathian sin ah A ram kauhnak caah kan pek tiin kan ruah khawh lawng ah thlarau in kan tthang lai.  Khrihfabu le chungkhar le pumpak cio nih kan hlawkpi khawh lai.  Ngunkhuai (tax) pek bantuk men in kan ruah sual ahcun khrihfabu le hruaitu upa hna cungah thinlung kuai in thinhunnak zong a chuak kho.  Kan pekmi chaw hna kha thlarau tlaumi hna tlaihnak caah a si ti kha hngal kho lo ding in Satan nih kan sin ah rian a ttuan khawh caah Pathian sin ah thlacamnak le pumpeknak he chaw pek khawh zuam hna usih. Kan ttuanmi hna hi Pathian sunparnak caah si hram seh!

 

 

Kansas City Chin Khrihfabu hna Pathian Thangtthat ttinak

 

Kansas City ah CCOC2RM Board meeting tuah ding in bia kan khiahnak cu Kansas City ah a ummi CBCUSA chungtel khrihfabu pathum le Chin khrihfabu dang hna nih lunglawm tein an kan cohlan pin ah Chin khrihfabu hna i komh in Pathian thangtthatnak zong CCOC2RM meeting dih hnu ah Zarhteni le Zarhpini ah tuah ding in duhnak an ngeih caah Pathian thangtthat ttinak program cu tuah peh a si lai.  Hi program caah thla kan campiak cio u.

 

Thawngttha Chimtu Ding:

 

(1) Rev. Dr. S Hre Kio, Chairman of CCOC2RM & Senior Pastor of ICBC

(2) Rev. Dr. C Duh Kam, Executive Minister of CBCUSA & Senior Pastor

of Chin Baptist Mission Church, DC

 

 

Chin zumtu dihlak nih kan herhmi

 

Rian ttha le hlawh ttha pi cu kan hmu kho hna lo nain, Pathian nih kanmah tawk rian a kan pek cio hna.  Suimilam pariat hi caantling rian an ti nain, ni khat ah suimilam 12 hna kan ttuan.  Chungkhar he um tti caan kan ngei kho lo.  Nu le va zong rian dangdang kan ttuan tikah le kan fale hna cu nu le pa nih kilven an hauh caah rianttuan caan aa khat lo in tuah kan hau.  Nupi le rian in an ttin i pasal le nih innka hram an phak bak in rianttuan kal ding in timhchia in a rak um.  Innka hram ah nu le va kut i tlai in pakhat rianttuan kal tthan a si.  Hi ti hin rian nih a kan sal.  Kan re a thei ve.  Chawva sui ngun kan hmuhmi cu kan chungkhar nunnak caah a za in Pathian nih a kan pek hna.  Nain, thlarau lei in kan tthan ding kha a biapi tuk.  Cu caah ramdang Chin zumtu hna sin ah Thawngttha in thazaang i pek hi kan herh chin lengmang.  Kan fa le nih an herh tuk fawn.  Sianginn ah an cawnmi aa dang.  An hawikom an i dang.  An ruahmi aa dang chin lengmang.  Khrih Thawngttha he an i hlaat sual ahcun zumlotu ah an cang dih ko lai.  Cu caah, biaknak lei in kan tthan hi a herh tuk. 

 

A Thlum December ah kan lut lai

 

Nihin Ningani zan ttim in cun a thlum December Khrih chuah camtuak thla chung ah kan lut cang lai.  Khrih chuahnak caah kan thinlung cu timhtuah a cu cang.  "Nan lung vialte remh cio tuah u, Vanrang toi hla phuah u" tiin Van Bawi Messiah kan dong cang hna lai.

 

To God be the glory!

 

 



  

CCOC 2nd Round Mission Rianttuannak

Pathian nih kan ruah phak lo tiang in Chin zumtu hna hi thluachuah a kan pek.  CCOC 2nd Round Mission rianttuan tti ding in Chin khrihfabu hna zong thazaang kan hlum lio a si.  Hi rianttuannak ah aa tel cangmi bu hna cu:

1) Chin Baptist Churches USA (CBCUSA), Indianapolis, Indiana
2) Chin Association for Christian Communication (CACC), Hakha, Chin State
3) Lairam Jesus Christ Baptist Church (LJCBC), Lawngtlai, Mizoram
4) Chin Christian Fellowship (CCF), Kuala Lumpur, Malaysia
5) Chin Christian Fellowship (CCF), Denmark

Ram kip Chin khrihfabu hna nih thazaang kan chuah tti khawh cio ahcun Pathian Thawngttha chimnak ah thazaang tthawng ngaimi kan si te ko lai.  Aa tel rih lo mi hna zong nih an kan telpi khawh caan a um lai.  Tha a nuam chin lengmang ko.  Pathian nih A kan umpi ko hna.

Lairam Gospel Centenary

Lawngtlai, Mizoram

November 24-27, 2012

 

Chin Baptist Churches USA in Lawmhpinak 

         

 

Lairam Jesus Christ Baptist Church

Lawngtlai, Mizoram

 

Dawtmi LJCBC zumtu vialte hna: 
 

            Chin Baptist Churches USA zumtu vialte aiawh in thisen khat miphun hawi Laimi zumtu nan dihlak Bawi Khrih min in nan kut kan tlaih hna.  Pathian nih Khrih thisen in a tlanhmi miphun kan sinak kum za khat tlinnak Lairam Gospel Centenary (1912-2012) cu lunglawm tein nan hman khawh nak lai Bawipa Pathian sin ah thla za kan in campiak hna. 
 

            Nan lunglawmhnak hrawmpi ding kha mi pum in rat ka duh tuk nain, ka program a tamtuk caah CBCUSA min in ka rak in telpi kho hna lo.  Nain, CBCUSA nih kan in lawmhpinak hna langhternak caah Rs. 50,000 te kan in kuatmi hna cu nan hmuh cang caah kan hna a ngam.  Hmailei Bawi Khrih ram kauhnak caah kutsih in kan dir tti hna lai.  Bangladesh ram chung ah Mission rian kan ttuan tti ding kong ah kan tha a nuam taktak.  Rianttuan nan thok in CBCUSA nih kan thawhvo $ 5000 cu kan in kuat colh hna lai. 
 

            Cun, CBCUSA, Indianapolis, Indiana le CACC, Hakha, Chin State le LJCBC, Lawngtlai, Mizoram cu rianttuan ttimi pum khat kan si cang bantuk in, Burma ram chung Thlang Laimi kan miphun hawi zumlotu hna sin ah rianttuan tti ding in timhtuahnak cu kan thok cang.  Rianttuannak bu cu CCOC 2^nd Round Mission tiin min sak a si. Pakhat khat ruangah aa thlen sual ahcun kan in thanh tthan hna lai.  Hi rianttuannak caah Chin khrihfabu dangdang zong kan sawm hna.  CCOC2RM Central Komiti cu ser ding a si lai.  Hi Central Komiti ahhin LJCBC GS cu aa tel ve lai.  Lairam, Burma in minung pahnih an i tel lai.  Ram dangdang ah a ummi Chin (Lai) khrihfabu hna nih an kan telpi khawh ahcun Central Komiti  ah an i tel cio lai.  
 

Cu ti cun, CCOC2RM Central Komiti nih USA ah maw, Lawngtlai, Mizoram ah maw, Hakha, Chin State ah maw, hmailei mission rianttuannak kong biaceih khuakhan ttinak cu kan ngei tawn hna lai.  A tu bantuk in kum 100 chung Laimi A kan cawisang i A kan tungmertu Pathian min cu thang ttha ko seh.  Pathian nih thluachuahnak in pe cio hna seh!

 

Bawi Khrih rian ah lawmhnak he,

  

CDuhKam

Rev. Dr. C Duh Kam

Executive Minister

Chin Baptist Churches USA

Washington, DC 

 

 

[tang] Lairam Jesus Christ Baptist Church in CBCUSA Civui, Indianapolis, IN

a rak zawhmi upa (keh in orh ah)

 

Pu Ziaktluanga Lithing, President of  Central Young  Lai Association

Rev. Sangcem, Chiarman of  LJCBC

Pi Za Ci (Mrs. C Duh Kam), Washington, DC

Rev. Lianngaia, GS of Baptist Church of Mizoram

Rev. John Cinzah Hrangzuala, GS of LJCBC

Rev. Dr. C Duh Kam, EM of CBCUSA

 

*** CBCUSA Civui 2015 ahcun Lawngtlai Lai Hlaremhbu nih

an kan telpi khawh te lai.  Pathian sin ah thla kan cam hna lai.

 

[tang] CBCUSA Civui, Indianapolis, Indiana

July 6-8, 2012

[tang] CBCUSA EM cu LJCBC Assembly, March 22-25, 2012 ah
CBCUSA palai in a kal ve.

[tang] Rev. Sang Cem nih Assembly Meeting a hruai lio

[tang] Lai Autonomous District Council upa hna he
ECM Pu Cinzah Ngun Lian Cung inn ah.

Theih cio ding ah
Nichuak le Nitlak um Chin (Lai) zumtu hna cu kan i thei kho cang. 
Khrih ram kauhnak mission rian ttuan ding kan i tiim hna. 
Thlang Chinram le Bawmram, Bangladesh chung Mari sin ah kan ttuan lai.   
Pathian (Pa, Fapa, Thlarau) tel lo in cun kan tuah khawh ding a um lo.
 

Thlacamnak

 

Bawipa, kan umpi ko,

Amen.

**********************************************************************

 

CCOC 2nd Round Mission Rianttuannak Ding

Thlang Chinram (Lairam)

***Ahodah Ka fial lai?***

Isaiah 6:8

 

 

 

[cung] Khrihfa a si ve mi kan miphun hawi hna biakinn hi

zoh hmanh u.  Ram kip um Chin zumtu hna nih

kan sak piak kho hna hnga lo maw?

 

 [cung & tang] Battle Creek Chin Baptist Church Biakinn

 

 

 

 

 

[cung] Thlang Laimi miphun hawi hna nih ttingttang le khuang he 

"Mangbik Sangcem cu" timi hla sa in lam cu an duh tuk ve ko.

Khrih Thawngttha le hla dawh he kan laam tti caan a um lai.

 

[tang] Paletwa Khua

[cung] Paletwa peng chung ah khua 400 hrawng a um.  Pathian zumtu

tlawmte lawng an um.  Mission rianttuannak ding hmun an si.

 

 

 

 

 



Khrih Thawngttha in Satan ral kan do cang lai.

 

Thlang Chin miphun hawi le hna hi

Budah lam ah si lo in Khrih Vailamtah lam ah

an kal khawh nak ding ah Bawi Khrih nih

Khamhnak Thawngttha chim ding ah a kan fial.

 

Zoh hmanh a tang hmanthlak hna hi!

 

http://www.burmeseclassic.com/view_photo_news.php?PGfile=news/xml/PhotoNews_184.xml

An sin ah Thawngttha chim ding in na kal ve lai maw?

Nihin hi Khamhnak Ni cu a si.

 

 

 

Chin Baptist Mission Church Culture and Literature Sunday

October 28, 2012

 

[tang] Hi Sunday ah Thawngttha ka chimmi hi kan miphun nih kan herh in

ka ruah caah, mah phungchim midang rak ngai ve u ti cu ka ngamh lo nain,

a ngai zuammi caah CBMC website ta kha hi ka ah ka chiah ve.

Rev.Dr.C.Duh Kam
Oct 28, 2012(C & L Sunday)

Watch vide0

Chin Baptist Churches USA

(CBC USA), Washington, DC

November 2012

Lawmhnak:

 

CBCUSA cu November 26, 2004 @ 9:00 pm ah thok a si.  Pathian nih A rian thiang kan ttuannak caah hmanrua taktak ah a ser caah A min thiang kan thangthat.  November 2012 tiang ah CBCUSA chungtel 58 kan si. Bawi Khrih Thawngttha chim ding ah Pathian nih a kan hman duhmi hi a sunglawi tuk. To God be the glory!

 

CBCUSA Hruaitu Officers [2012-2015]
 

Executive Minister: Rev. Dr. C Duh Kam

President: Rev. Ngun Awi
Vice President: Rev. Tial Lian
Assistant Executive Minister: Rev. Dr. Thlaawr Bawihrin
Treasurer: Pu Kepling Khengmual
Asst. Treasurer: Rev. Thawngling Mualhlun
  

CBCUSA Khrihfabu hna:

 1.        Albany Chin Christian Church, Albany, New York

2.       Amarillo Chin Christian Church, Amarillo, Texas
3.       Battle Creek Chin Baptist Church, Battle Creek, Michigan
4.      Bay-area Chin Christian Fellowship, California
5.       Bethel Baptist Church of Texas, Lewisville, Texas
6.      Cactus Chin Christian Church, Cactus, Texas
7.       Calvary Chin Baptist Church, Kentucky-Cincinnati, Ohio
8.      Carson Chin Baptist Church, Milwaukee, Wisconsin
9.      Chin Baptist Church, Dallas, Texas
10.    Chin Baptist Church, Des Moines, Iowa
11.     Chin Baptist Church, Grand Rapids, Michigan
12.    Chin Baptist Church, Marshalltown, Iowa
13.    Chin Baptist Church, Milwaukee, Wisconsin
14.    Chin Baptist Mission Church, Washington, DC
15.    Chin Bethel Church, Laurel, MD
16.    Chin Christian Baptist Church, Omaha, Nebraska
17.    Chin Christian Church, Indianapolis, Indiana
18.    Chin Christian Church of Houston, Houston, Texas
19.    Chin Christian Fellowship, Bowling Green, Kentucky
20.   Chin Evangelical Baptist Church, Dallas, Texas
21.    Chin Evangelical Baptist Church, Indianapolis, Indiana
22.   Chin Evangelical Baptist Church, Jacksonville, Florida
23.   Chin Evangelical Baptist Church, Omaha, Nebraska
24.   Chin Evangelical Church, Kansas City, Kansas
25.   Colorado Chin Baptist Church, Denver, Colorado
26.   Dallas Chin Baptist Church, Dallas, Texas
27.   Emmanuel Chin Baptist Church, Columbus, Ohio
28.   Emmanuel Chin Baptist Church, Dallas, Texas
29.   First Chin Baptist Church, New Bern, NC
30.   Georgia Chin Baptist Church, Atlanta, Georgia
31.    Greeley Chin Christian Fellowship, Greeley, Colorado
32.   Indiana Chin Baptist Church, Indianapolis, Indiana
33.   Indiana Lautu Evangelical Church, Indianapolis, Indiana
34.   Jacksonville Chin Baptist Church, Jacksonville, Florida
35.   Kansas Chin Baptist Church, Kansas City, Kansas
36.   Lai Baptist Church, Buffalo, New York
37.   Lai Baptist Church, Washington, DC
38.   Lancaster Chin Christian Fellowship, Lancaster, Pennsylvania
39.   Lautu Chin Christian Church, Kansas City, Kansas
40.  Lansing Chin Baptist Church, Lansing, Michigan
41.    Living Christian Church, Indianapolis, IN
42.   Midland Chin Baptist Church, Midland, Texas
43.   Midland Chin Immanuel Church, Midland, Texas
44.  Missouri Lai Baptist Church, Springfield, MO
45.   Missouri Chin Baptist Church, St. Joseph, MO
46.  Monmouth Chin Christian Church, Monmouth, Illinois
47.   Oklahoma Chin Baptist Church, Oklahoma, OK
48.  Omaha Chin Christian Church, Omaha, Nebraska
49.  Philadelphia Chin Baptist Church, Philadelphia, Pennsylvania
50.   Phoenix Chin Baptist Church, Phoenix, Arizona
51.    Rochester Chin Christian Fellowship, Rochester, New York
52.   Salt Lake Chin Christian Church, Salt Lake City, Utah
53.   Springfield Chin Community Church, Springfield, Missouri
54.   St. Joseph Chin Christian Church, St. Joseph, Missouri
55.   Syracuse Chin Christian Church, Syracuse, New York
56.   Texas Chin Baptist Church, Dallas, Texas
57.   Virginia Chin Christian Church, Virginia Beach, Virginia
58.   Zophei Christian Church, Indianapolis, IN

 

CBCUSA 4nk Civui:  Pathian bawmhnak thawng le CEBC, Indianapolis, IN zumtu hna le Indiana Chin mipi zumtu hna ttanrualnak thawng in July 6-8, 2012 ah tlamtling tein kan tuah khawh. Biakinn chung aa pummi cu thong thum cuang kan si.  Internet in USA khua kip le leikhuaza ram kip in a kan telpi tu hi an tam taktak.  Chungkhar le innpa i sawm in Internet in a rak kan pumhpi mi an tam.  Voi khat ah computer/TV in a zohmi hi 900 hrawng an si.  Computer/TV pakhat ah a bu in a zohmi an tam caah internet in civui a kan zawhpimi hi 5000 – 7000 kar an si men lai. 

 [cung] CBCUSA BM meeting 

 

Halleluaia Chorus:  Chin mino 400 – 500 nih an sak cu kan thin thli a kik cuahmah kho.  Chinmi kan tuanbia ah a um bal lo mi Chin Khrihfa tuanbia thar cu July 6-8, 2012 ni ah Pathian nih a kan ttial ter.  Bawipa min thang ttha chin ko seh! 

 [cung & tang] CBCUSA Mino Hlaremh [400 - 500 Chin Mino]

 

 

US State Department ah Lennak: Ramdang vuanci zung ah CBCUSA officers paruk le Pu Zo Tum Hmung cu August 2, 2012 ni ah kan leeng hna:

 



 [cung] US Ramdang Vuanci Zung

 

PRM office @ 11:00 am, August 2, 2012:  Refugees kong ah East Asia (Chin, Myanmar) a tlaitu kha an ton.  Cu hlan Chin refugees kong ah lawmhnak an chim.  USA ah Chin miphun a phanmi hna an tthanchonak kong zong an chimh hna. CBCUSA Mino hlaremhnak hmanthlak hi kan zohter hna.  Nanmah nih nan chanhchuahmi hna ngakchia tampi cu high school le  college an kai kho cang tiah kan chimh hna.  An i lawm tuk ve. 

 

Burma Desk @ 3:00 pm, August 2, 2012:  Myanmar, abikin, Chinram (Chinland) ah biaknak zalawnnak a um lo ning le Kawlram cozah kha lungfim tein komh le biaruah a herhning te hna an chimh hna.  Democracy taktak ah aa thlen khawh nak ding ah fak pi in kan zuampiak u tiah an chimh hna.

 

CBCUSA Joint Mission Rianttuannak Phaisa Thazaang (2007-2012)

1.        2007                 $  24,790.93
2.       2008                $  35,000.00
3.       2009                $  50,000.00
4.      2010                 $ 101,000.00
5.       2011                  $ 164,000.00
6.      2012                 $ 227,720.00

 2012 Kum Chung Relief Fund: $86,000.00

 

Ram rumnak ah thih man a fak tuk.  Mah chungkhar in maw, khrihfabu in maw, tawlrel hi a awl lo.  Cu caah, mithi kan ngeih paoh ah kan i bawm.  Relief fund tiin kum khat caah khrihfabu member 200 tang nih $1000.00; member 200 – 400 nih $2000.00; le member 400 cung nih $3000.00 cio kan thawh.  Mithi upa pakhat caah $6000.00 le ngakchia caah $3000.00 in bawmhnak tuah a si.  Hi rianttuannak nih mi tampi hnangamnak a kan pek.

 CBCUSA nih a ttuan lio mi rian hna:

 Kum 2007 in phaisa in komh mission (Joint Mission) rianttuannak cu a thok.  Khrihfabu pakhat lawng nih rian kan ttuan kho lo.  Kan miphun nih Thawngttha cu tihal bantuk in a hal fawn.  Lairam nih Jesuh a herh tuk.  Chungtel Khrihfabu hna nih kan cheuhra cheukhat ih 5% kha kan thawh cio i Chinram ah mission rian kan ttuan:
 

ARianttuanmi hna:

Chinram chung ah:

1.        Agape Clinic, Hakha ah Hakha Baptist Church le Chin Baptist Mission Church, DC he kan ttuan tti.  Sibawi le sizung a panh kho lo sifak santlai lo damlomi hna kha an zoh hna.  Man pek awk a ngei lo mi midamlo hna cu sii a lak in an pek hna.  Aa dawh tukmi rianttuannak a si.

2.       Hakha-Hmandaw lam cawhnak ah 2007 kum in a dih tiang aa tel ve.

3.       Chin Christian College (CCC), Hakha ah siangcachim hna bawmhnak le scholarship program kha a tuah.  Rev. Robert Johnson zunngaihpar caah lei khuaza Chin khrihfabu hna kha hrihhawh in phaisa tam ngai a hmuhpiak.  CCC nih a herhmi rian cu aa hmaithlak.

4.      CACC, Hakha he Laica le Laiholh tthanchonak caah rian kan ttuan tti hna.  Pehtlaihnak kan tuah peng.

5.       Hakha General Hospital ah chapel a sa lio.  An liim deng cang. Sizung a phanmi hna thlacamnak, mithi ruaksuannak le chungkhar hna dornak ah hman a si lai.

6.      Hakha khua lak lei a min/cim mi kong kha hlathlainak tuah aa tiim.

7.       Lai Bible Hrilhfiah ttialnak caah Lai Khrihfa Cattialtu Phu kha 2007 in bawmhnak a tuah.

8.      Hakha Nawi Dam tuahnak ding caah aa tel ve.

9.      Hakha Siangbawi te thlanmual kha a remh.

10.    Hakha Baptist Association zung saknak caah bawmhnak a tuah.

11.     Sang Awi’s Printing Service, Hakha kha bawmhnak a tuah.

12.    Bethel Clinic, Thantlang, rianttuannak ah Thantlang Baptist Church le Battle Creek Chin Baptist Church, Michigan he rian kan ttuan tti hna.

13.    2008 kum Chinram mangttam lio ah ZBC upa hna sin in peng kip Chinmi sin ah bawmhnak a tuah. Abik in, Thlang Chinram kan unau hna kha an bawmh hna.  CBCUSA nih khrihfabu dihlak 2009 Christmas Ni thawhlawm cu Paletwa peng mangttaam tuarmi hna sin ah an kuat hna.

14.    Lautu area thlichia tuarmi hna bawmhnak a tuah.

15.    Buanlung area thlichia tuarmi kha bawmhnak a tuah.        

 

Falam khua ah:

1.        Lailun Cinthlaknak Program kha $1000/yr in bawmhnak a tuah.

2.       Falam peng chung 2010 kum innkang bawmhnak a tuah.

 

Chinram peng dangdang ah:

1.        CBCUSA nih 2008 kum Chinram mangttaam lio ah bawmhnak a tuahmi cu Chinmi harzual deuh nih  nih an co cio hna.

2.       CBCUSA nih 2010 kum i Chinram innkang dihlak 136 hna kha bawmhnak a tuah hna.

3.       Kan Chinram caah nunnak le thisen thap in ramri ah rian a ttuanmi chungkhar hna cu thlarau lei in an tthancho ve nak ding ah bawmhnak a tuah.

4.      Mizoram ah ralzaam in khua a sami kan miphun hawi hna caah bawmhnak lam a kawltu Pu Zo Tum Hmung le Attorney Matthew hna nih Mizoram an tlawnnak le an cauk chuahnak caah phaisa a bawmh.  Hi rianttuannak nih ramchung lei ah relief and development kha ttuan ding in Lutheran World Federation [LWF] le World Relief le USAID hna kha Chinram lei ah hmai hawi ding in a forh hna.  LWF cu Hakha tiang an tlawng i CACC GS Dr. Lal Uk zong kha an ton.  Ramdang non-profit organizations hna nih Chinram ah Relief and Development hi ttuah khawh nak lam kan dap. Chinmi dihlak caah a lam kawlnak a si.

 

Thlang Chinram ah:

1.        Union Theological College (UTC), Matupi siangcachim hna bawmhnak le scholarship cu 2007 kum in atu tiang a tuah. 

2.       UTC ah Laica cawnnak program kha thazang a pek.

3.       Kanpalet khua ah CACC tawlrelnak in Boarding School pakhat cu Melbourn Chin Church, Australia he i bawm in a sak.  Laica cawnnak program kha tuah in budget suai piak a si.

4.      Kanpalet khua i ngakttah cawmnak kha a bawmh.

5.       Paletwa ah ngakttah cawmnak inn pakhat a sak.  Paletwa Baptist Association nih an tawlrel.

6.      Thlang Lairam ah biakinn sa ding in 2012 kum caah $10,000 cu a siangsen. Biakinn sak colh ding in aa tiim.

7.       2008 le 2009 kum Mangttaam lio ah bawmhnak a tuah.

8.      Miram tlang chung innkang bawmhnak cu a hmasabik ah a rak tuahmi a si.

9.      Matupi peng rawlruk a kangmi hna bawmhnak a tuah.

 

Kawlrawn Rianttuannak:

1.        Myanmar Institute of Theology (MIT) inn saknak caah bawmhnak  a tuah.
2.       Nargis thlichia tuarmi hna bawmhnak a tuah.
3.       Giri thlichia tuar Asho Chin [Kawlrawn Laimi] hna bawmhnak a tuah.
4.      Kawhtawng ah Laimi tampi thihnak ton lio ah bawmhnak a tuah.
5.       Kachin miphun ramchung ralzaam hna kha US dollars thong 50 hrawng a bawmh hna.

 

Malaysia ah Chin miphun sin rianttuannak:

1.        Malaysia ah thong a tlami Chin nu le ngakchia hna lennak caah Malaysia Chin Prison Ministry cu Chin Christian Fellowship, Malaysia he a ttuan tti.  Thongtla nu le ngakchia an len hna.  UNHCR ah report an pek.  Hi hi CBCUSA Women Department nih ttuanvo an lak.

2.       Malaysia ah Chin ralzaam ngakchia hna cacawnnak sianginn a tuahmi Chin Student Organization (CSO) kha a bawmh hna.  Chin ngakchia tampi nih an tthatpi ngai.

3.       CBCUSA nih thapeknak in chungtel khrihfabu hna nih Malaysia ralzaam hna caah rianttuantu lawyer Ms. Amy Cer Chin bawmhnak kha kan rak tuah cio hna.

 

Ramdangmi Bawmhnak:

1.        Japan ram lihninh ruangah harnak a tuarmi kha bawmhnak a tuah.

2.       Haiti ram lihninh ruangah harnak a tuarmi kha a bawmh hna.

 

USA Ramchung Rianttuannak:

1.        Ramchung khrihfabu kip sin ah pastor hna nih lennak program a tuah. 

2.       BT meeting tuah can paoh ah zan fate in gospel crusade kha a tuah tawn.

3.       Thihnak kan ton tikah CBCUSA chungtel khrihfabu dihlak nih mithi chungkhar kha $6,000.00 in bawmhnak a tuah tawn.  Hi program hi Chinmi tampi nih kan i hnangam pi.

4.      Ram chung khrihfabu hna hawikomhnak le mino camp cu CBCUSA Youth Department nih ttuanvo an lak.

5.       USA ah Katrina thlichia nih minung nunnak tamtuk a lak i innlo tamtuk a hrawh lio ah CBCUSA chungtel khrihfabu dihlak i komh in bawmhnak cu American Baptist Churches USA sin in kan tuah.

6.      A tu Sandy Thlichia ruangah harnak a tuarmi bawmhnak tuah ding in tlang a au lio a si.

 

Lairam Jesus Christ Baptist Church (LJCBC), Lawngtlai, Mizoram he rianttuanttinak



[cung] Mizoram in CBCUSA Civui a rak zawhmi hna:

Pu Ziaktluanga Lithing, Rev. Sang Cem, Pi Za Ci,

Rev. Lianngaia (GS of Baptist Church of Mizoram)

Rev. Hrangzuala Cinzah (GS of Lairam Jesus Christ Baptist Church)

Rev. C Duh Kam, EM

 

1.        Rianttuan tti ding in hnatlaknak an ngeih caah CBCUSA Executive Minister Rev. Dr. C Duh Kam nih a nupi Pi Za Ci le an hawi Pu Vanling Sawmmal le a fanu Lg. Blessing Sawmmal nih Marh 22-25, 2012 LJCBC Assembly ah an telpi hna. Lai Autonomous District Council Assembly an ngeih lio a si ve caah suimilam pakhat tluk biachimnak ngeih hnu ah chuncaw an ei tti hna.  Dr. C Duh Kam nih Laimi hi vawlei cung ram tampi ah kan um hna caah kan khuaruahning zong hi global/international dirhmun in cuanh le ruah kan hau tiah a chimh hna.  Laitlai dihlak nih chungkhar holh fa tete kan ngeihmi lawng ah si lo in, kan dihlak kan i hrawm khawh ding mi Laica le Laiholh cu kan thiam a hau ko tiah an chim tambik mi a si.

2.       CBCUSA nih LJCBC he Bangladesh ram chung Bawm ram chung um Mari miphun sin ah rianttuan tti ding in hnatlaknak an tuah cang.  Mari miphun hi hmailei sam aa tommi Chin miphun an si.  An nunning a niam ngai. Bawmmi umnak khua kip ah an um ve.

3.       LJCBC hi Kawlram ah missionary 60 hrawng thlah in mission rian an ttuan.  An missionary hna cu Kawlram ID an tuah; Kawlholh an cawng.  Bawipa rian an ttuan. Arakhan state Akyab khua ah mission center sak ding in an i tiim.  Hmailei ah rianttuan tti ding mi kong hi ceihhmai a hau ding a si.

4.      Lairam Jesus Christ Baptist Church in minung pali le Baptist Church of Mizoram GS Rev. Lianngaia hna zong nih CBCUSA civui, Indianapolis, IN ah an rak zawh ve.  Rianttuan ttinak lam an tuak tti hna.  5nk CBCUSA civui ahcun LJCBC nih mino hlaremhbu in an rat khawhnak ding ah CBCUSA upa sin ah bawmhnak an hal ta hna.

5.       LJCBC ah khrihfabu 91 an um.  Zoram Baptist Church ah aa telmi Lai Baptist Churches pawl an tam ngai rih.  Laica le Laiholh tthanchonak caah thazang an chuah thok ve.  Sianginn ah 8^th Standard tiang Laica cawnnak an ngei ve cang lai. 

6.      CBCUSA nih Pathian rianttuantu hna ramleeng ah Bible sianginn kainak lam a sah piak timh ve hna.  Hruaitu ttha tampi an herh ngai ve.

 

Laica le Laiholh (Chinca le Chinholh): A ram a kau ngai.  Nichuah Chinram le Nitlak Chinram le Bangladesh khuasa Chinmi (thong kul hrawng) dihlak komh in Chinmi 400,000 tluk nih Laiholh le Laica hrampi hi kan hman cio tiin an ruah.  Mizoram ah Mizoholh a hmangmi Laimi nih Laiholh cu an thiam chih te lai.  Ramdang ah a ummi Chinmi hi 2050 ah thong zakhat leeng kan si te lai.  Hi kum ahcun USA ah Mirang hi 47% lawng an si lai tiin an tuak.  Hi hnu kum 38 tiang i kan tlau lo ahcun Chinram le leikhuaza  ramdang ah Laiholh a hmangmi Chinmi hi kan tam ngaingai lai.  Chin miphun nih cawntlak ah ruahmi ca le holh cu a si hrimhrim ko lai.

Ramdang zong ah holh fa tete a tampi ko nain, holh lian English, Spanish, France, le German holh hna an cawn cio bantuk in Chinmi zong nih holh fa tete kan ngeih bu in Laica le Laiholh hi kan thiam khawh ve ahcun hla le muicawl DVD vialte hi kan i hrawm kho lai.  Bible le cauk dangdang kan rel tti kho te lai.  Chin hlasakthiam le cattialthiam hna zong phaisa tampi a hmu kho mi mirum ah an cang kho ve te lai.

 

CCOC 2^nd Round Mission

CBCUSA BM palai 400 le Civui zawhmi mipi thong thum tluk nih CCOC rianttuannak bantuk Lairam ah mission rianttuannak cu tuah ding in hnatlaknak an ngeih bantuk in, ceihkhangtu ding ah thimmi upa 16 cu a tanglei hmun le ni ah tonnak an ngei:

Hmun: Dallas Chin Baptist Church, Texas

Ni: September 20 – 23, 2012.

[cung] CCOC 2nd Round Mission Komiti Meeting

CCOC2RM Hruaitu hna cu thim an si:

Chairman: Rev. Dr. S. Hre Kio

Director: Rev. Dr. Cung Lian Hup
Treasurer: Pu Kepling Khengmual

Chinram ah CCOC2RM Board pakhat an siam ve lai.  Mission field director pali le missionaries 60 hna cu Paletwa, Kanpalet, Mindat le Gankaw peng ah thlah kho ding in saduh an that.  Chin zumtu mipi an bochon hna.

Chin miphun hi Khrih Thawngttha nih a sermi miphun kan si caah Thawngttha a thei rih lo mi hna sin ah Khrih Thawngtha chim hi an duh caah a si.  Leikhuaza Chinmi zumtu vialte kha hi rianttuannak ah tel cio ding in kan in sawm hna.

 

Chinmi nih a chan zulh in kan ruahnak thlen a herhnak tampi a um:

 Chinram cu hawrthuk le tlang sang in a khat.  Pehtlaihnak lam le mawtor le telefawn kan ngei lo.  Meng nga/ruk aa hlat mi khua hna he chan chung kan i hmu bal lo.  Vanram ah aa tong ding lawgte kan si. Vanram hmanh ah khua chingchan si zong aa hngal kho lo ding mi kan si.  Hi bantuk dirhmun in cun Chinram (Lairam) fa te zong hi kan caah a lian tuk.  Minung kan i tthen.  Kan i ttom khawhmi a um lo.  Chinmi dihlak hi khual ah kan cang hna.  Nang pa nang nu ti lawng te a si.  Rem le dawt ding kan i hngal kho lo.

 Nain, a tu lio Chinram sining in kan si peng lai lo.  Chinmi zong chan ttha chungah kan lut cang.  Cu hlan ah tthentu vialte kha tthentu an si kho ti lai lo.  Pakhat le pakhat kan naih lai.  Holh zong kan i thei kho dih te lai.

Hakha in Falam cu meng 42, Thantlang cu meng 20 lawng a hla.  Kan ruah a herhmi cu USA khuapi Washington, DC ah kan i lennak le khawmhnak cu meng 50/60 an hla.  Pehtlaihnak lam a tthat caah hi tluk aa hlatmi hi khua khat ah kan cang.  Khualtlawn si lo in, a len in kan i leeng.  Thantlang in Hakha in Falam tiang cu meng 60 lawng a hla.  Pehtlaihnak lam a tthat tikah cun Chinram khuapi pathum Hakha, Falam le Thantlang hna cu khua khat ah an cang te lai.  Ka tlawng timi kha ka leeng kan ti ve tik can a um hrimhrim lai.  Ruah le theih cia ahcun kan i fonh kho deuhdeuh lai.  Rian kan ttuan tti kho chin lengmang lai.

Washington, DC in Chinram ah India lei in kan tlun ahcun Tedim, Falam, Hakha le Thantlang cu ni thum lawng kan rau.  Chinmi kan caah vawlei hi a fa tuk ve cang.  Chan aa thlenning a rang tuk. An fim chin lengmang. USA le Chinram ummi hna zong hi khua khat khuasa bantuk in kan nun khawh can a um lai lo tiah chim khawh a si lo.  A len in aa leng kho ding in kan um cang.  Hi bantuk mit in kan zoh ahcun Chinram fate hi cu City State bantuk in a cang te ko lai.  Cu caah, Chinram a tthancho khawh nak ding ah ttuanvo tu hi kan ngei cio hna.  Dawtnak he lungrual tein Chinram sersiam hi i zuam cio hna usih. 

 

Bawi Khrih rian ah, 

C Duh Kam

Executive Minister

Chin Baptist Churches USA

Washington, DC

www.lairambawiparam.blogspot.com