Bawipa Thangthat

Monday, October 29, 2012

 
CBCUSA Ministers Retreats

                 Pathian lamhruainak thawng in Crossway Camp, Indianapolis, Indiana ah October 22-27, 2012 ah tlamtling tein kan tuah khawh.  Pastors aa telmi kan tam. Camp caah a herhmi vialte le a kan chiahthlahtu Indianapolis, Indiana khua khrihfabu dihlak cungah lawmhnak chim cawk lo kan ngei.    Hi bantuk program tuahnak caah phaisa tampi a dih tawn.  Indiana um Chin khrihfabu hna cu kan bochanmi hna an si bantuk in, CBCUSA nih kan ngeihmi program paoh ah retheih kan fial lengmang hna.  CBCUSA rianttuannak tlam an tlinter zungzal.  Kan ilawm tuk.   Pathian min kan thangthat. Bawipa nih thluachuahnak pe cio ko hna seh.

               CBCUSA cu ramdang ah Chin miphun nih kan ngeihmi buu hna lak ah a nganbik a si.  Khrihfabu 58 aa komhmi bu a si.  Pathian nih A ramkauhnak caah rianttuan a kan fial ti a lang ko cang.  Bawipa rianttuantu hna nih thazaang kan chuah i thla kan camtti hna ahcun kan ruah phak lo thil ttha hna zong Pathian nih A kan tuahpi te ko lai.  A rak ra kho mi pastors nan dihlak le tawlreltu upa nan dihlak cungah kan i lung aa lawm.  Pathian nih A kut tthawng in thluachuahnak he nan rianttuannak cio ah lam in hruai ko hna seh!

 [cung] CBCUSA Ministers Retreat kaimi hna.  A thumi nu hi
a kan canpiaktu Dr. Deborah Jackson, Chairperson of ABCUSA MC
[cung] Philh khawh lo mi CBCUSA Civui, July 2012
 

Friday, October 5, 2012

CCOC 2nd Round Mission
 
CBCUSA Board of Management nih CCOC 2nd Round Mission ttuan
tthan ding in July 6, 2012 ah biakhiahnak a tuah.
Hi kong tawlreltu thimmi minung 16 nih September 24-26, 2012
ah Dallas Chin Baptist Church, Texas ah ceihhmainak an ngei.
 
[tang] CCOC2RM meeting a kaimi hna


 [cung & tang] Benihana Restaurant ah Chuncaw Ei


 
(1) July 13, 2013 ni ah USA le Hakha ah onnak tuah ding.
(2) Leikhuaza Chin Khrihfabu hna tel cio ding in sawm dih ding
(3) missionary 60 le field director pali hna kha thlah ding
 in timhtuahnak ngeih ding. 
(4) CCOC2RM, USA chairman: Rev. Dr. S. Hre Kio
Director: Rev. Dr. Cung Lian Hup
Treasurer: Pu Kepling Khengmual
(5) Chinram ah CCOC2RM Committee siam ding
CCOC2RM Chairman: ZBC General Secretary
Vice Chairman: CACC General Secretary
Director: thim ding
Part time treasurer: thim ding
(6) CCOC2RM Office hmun: Hakha, Chin State
 
(7) Rianttuan thoknak caah December 2012 dih hlan ah ngakchia bawhte
zong i tel in minung pakhat ah $5.00 nak tlawm lo in thawh ding.
(8) Thlahmi missionaries hna cu thla ruk chung training pek ding.
(9) Mission Fields hna cu Kankaw, Kanpalet, Mindat le Paletwa an si.
(10) Chin zumtu hna nih hi mission rian cu Pathian kan zumhnak
in kan ttuan lai.  Budget in si lo in, pumpak kan zumhnak nih 
ttuan ding in kan i zuam lai.