Bawipa Thangthat

Tuesday, July 10, 2012


Chin Baptist Churches USA 4nk Civui
Indianapolis, IN
July 5-8, 2012

Kan i hngahhlang bantuk tein Pathian nih Thlarau Thiang in lam a kan hruai i civui cu nuam taktak in kan tuah khawh hna.  Civui a dongtu Chin Evangelical Baptist Church zumtu hna cungah kan i lawm tuk hringhran.  A bawmtu hna Indiana Chin zumtu hna nan cungah lawmhnak langhter kan duh fawn.  Pathian nih thluachuahnak in pe cio hna seh!

Civui ah aa khawm kho mi hi 3000 cu kan si lai tiin ruah a si.  Maivan in civui a zawh ve mi hi hmun 800 hrawng an si.  A zohttimi hi pumpak le a bu in a zohmi an um caah miphun hawi 2000 cuang nih ram dang in an kan zawh ve tinak a si.  Hi dirhmun ah a kan phak ter tu Pathian cu Chin miphun nih thangtthat lo awk kan ttha lo.  Sunparnak pe cio usih. 

Hi civui nih nunpi ding in aa timhmi cu Laimi umnak paoh ah Khrih Thawngttha chim ding a si.  Theih fiannak caah Zomi Baptist Convention nih 1983-1999 tiang a ttuanmi CCOC rianttuannak bantuk mission rianttuannak cu thok tthan ding in aa khawmmi Chin zumtu mipi nih kut an thlir dih.  Lairam ah Khrih Khamhnak Thawngttha kan aupi hna lai.  Leikhuaza Chin khrihfabu hna tel cio ding in kan in sawm duh hna.  Lairam ah kan zuang tti hna lai.


Civui lio hmanthlak hi zoh hmanh u:

[tang] pumhnak kam ah Chin zumtu hna mawtor
[tang] Civui tuahnak innpi ah aa khawmmi
[cung] CBCUSA Mino dihlak nih Halleluia Chorus an remh lio
[cung] Mizoram in khual ngeihmi hna he (Left to Right)
Pu Ziaktluanga Lithing, Rev. Sangcem E Fancun, Pi Za Ci,
Rev. Lianngaia, GS of Baptist Church of Mizoram,
Rev. John Hrangzuala Cinzah, GS of Lairam Jesus Christ Baptist Church
Rev. Dr. C Duh Kam, EM of CBCUSA

[cung] Rev. Sangcem E. Fancun le hawi.  Kum 74 a si. Tu tan US a rat hi a thih
thlak a si ko cang lai.  Mizoram ah Laica le Laiholh a dirpitu kan pa a si.
[tang] CBCUSA BM Meeting July 6, 2012