CBCUSA NI & THLA [KALENDAR]

[1] CBCUSA BT meeting

Hmun: Battle Creek Chin Baptist Church, Michigan

Ni: April 28-29, 2012 [Saturday & Sunday]

[2] CBCUSA 4NK CIVUI

Hmun: Chin Evangelical Baptist Church,
            Indiapolis, IN
Ni: July 6-8, 2012 [Friday - Sunday]

Civui zawh zapi phak Ni: July 6 [Friday]

CBCUSA BM Meeting Ni: July 6 [Friday]


CBCUSA Tinhmi

             Komh mission rianttuan hi a si. 

1) Ramchung rianttuannak:
            CBCUSA nih USA ram chung ah Chin khrihfabu hna tthanchonak caah le Laimi umnak khua paoh ah Chin khrihfabu ser hi a si.  Harnak caan ah i bawmhnak tuah a si.  Pastor ngei lo khrihfabu hna kha CBCUSA pastors hna nih lennak an ngei.

2) Leikhuaza Laitlai Chin khrihfabu hna rianttuanttinak:
           Vawlei cung Laimi zumtu dihlak nih Lairam ah mission rianttuan tti ding hi saduh a that cuahmah. Ttuan cio mi kha hei komh i hmun khat te ah tawlrel tti ding a si ko.  Thlang Lairam ah Khrih Thawngttha he luh i mission rianttuannak lam kha a kawl cuahmah lio a si.
          Vawlei huap in rianttuannak bu cu tuah a hau.  GCACC maw, min pakhat khat bunh in rianttuan ttinak ngeih ahcun Lairam khi awl tein Khrih Thawngttha in ser khawh a si lai. 
[a] Chin Christian College, Hakha khi Chin Christian Uninversity ah awl tein a ser khawh lai. 
[b] Pathian Bia hi carel thiam lo ahcun theih taktak awk a tthat lo caah Laica le holh cawn a duhmi paoh kha chimh cawnpiaknak tuah ding.
[c] Laica a rel kho mi hi kan tam ngai.  Cattial tu cu cathiam rian a si.  Holh thiam paoh nih ttial khawh a si lo.  Mirang holh thiammi paoh nih anmah Mirang lila zong nih ca cu kan ttial kho ve hlei lo.  Cu caah holh kan theih khawh hi a za ngai.  I chap lengmang ding in, cawn kan hau.
          Laica hi tthangcho seh ti kan duh ahcun mi nih rel duh ding in ttial a hau.  An rel ding mi kha pek an hau.  A thar in ttial kan hau ti lo.  Laica in ttialmi Journal vialte hi Hakha, Matupi, Kanpalet, Mindat, Paletwa, Yangon, Lawngtlai le Saiha ah kopi tampi in i tuah sehlaw cawknak a ngeimi nih an cawk lai, a ngeilo mi cu a lak in pek khawh tiang in Global CACC nih phaisa chuah in tawlrel sehlaw Laica cu kan rel khawh dih ko lai.  Hmanthlak ttha le vawlei cung kong hna hi theih an duh cio lai.  Laica rel thiam a herhnak an theih lai i an cawn duh ko lai.  Cu ti cun ca le holh cu a tthang ko lai.
      
          Lairam ah pehtlaihnak lam a tthat chin lengmang lai caah aa hmu kho bal lo mi Laimi hi kan i hmu kho deuh cang lai i holh zong kan i thiampiak kho deuh cang lai.  Laica a tthanchonak ding lam hi a kau chin lengmang.  Nihin Laitlai khrihfabu hna kan rian a si.  A ruang bik cu Khrih Thawgtha kan chimmi theih khawh nak caah rian kan ngei kan ti duhmi a si bik.
         Laimi kan himnak ding cu biaknak ah kan i biatak khawh lawng hi a si.  Biaknak in rian kan ttuan khawh hna lo ahcun hmailei Laimi (abik in) ramdang Laimi dirhmun hi kan hmun kho lai tiah chim ngam tuk ding in kan um lo.  Lairam ah rianttuanmi kan ngeih lawng ah ramdang Lai mino hi Laimi sinak thinlung kan bunh ter khawh hna lai.

Chins For Christ in One Century [CCOC]

Kum 84 a simi Lairam Chin Baptist khrihfabu hna cu 1983 kum in ramthar rianttuannak in aa hrim tthan.  Hi ramthar rianttuannak cu CCOC tiah min pek a si.  Lairam ah Khrih Thawngttha a phaknak 1899 kum in kum zakhat tlinnak 1999 chung ah Laimi vialte cu Khrih zultu kan si lai tiin Chak Lairam in Thlang Lairam ah Zomi Baptist Convention nih 1983 in ramchung missionaries 100 reng lo kha kum fa tein a thlah hna.  Zumtu thar tampi an tlaih hna.  A tanglei bantuk in:

Kum                                Zumtu thar

1983                               2583
1984                               1502
1985                               2368
1986                                 768
1987                               ?
1988                             Ram buai lio a si caah tinhning bantuk in Thawngttha chim khawh a si lo.  Thawngttha chimtu hna kha ZBC nih a kawh dih hna.  Hi kum chung ah aa pumpe mi palai hna chung in Lg. Ngai Za Siam, 19 cu missionaries a thlahtu hna tthanghphawknak caah Thantlang peng chungah Thawngttha an chim lio ah a thi i Thantlang ah a ruak an vui.  Nunnak pek in Khrih Thawngttha a aupi dang zong an um.  Cu ti cun, Lairam ah Khrih Thawngtha cu tlang cung mei bang a alh tthan.

1989 -1991 kum chung ah ramthar ah thlah mi an um pin ah Chak Lairam khrihfabu hna kha thlarau in an i tthanghnak ding caah palai tampi an thlah hna.

1992 - 93 kum chung ah zumtu thar 2500 nih Khrih cu an Bawipa ah an pom khawh.  Ramthar in a tthangmi siangngakchia hna kha Bible sianginn an kai ter hna. 

1993 ahhin Thawngttha chim awk a ttha lo.  Ramthar minung nih missionaries zong kha an cohlang hna lo.  Cu caah, ramthar minung tu kha training an pek hna i anmah lak ah Thawngttha an chim ter hna.  Hmun tam deuh ah mission rianttuannak an on tthan.  Rakhine le Yaw peng hna ah missionaries an thlah hna. 

1995 kum ah zumtu thar 337 an hmuh tthan hna.  1983 kum in mission rianttuannak an thok in a hnubik kum tiangah Buddhists 650 kha Khrihfa ah an cang.  Zumtu thar a tambik cu zumlotu [animists] hna kha an si.

Cozah nih Khrihfa hna rianttuannak kha a donh tuk caah hlunghlai ngai in kum za puai cu tuah khawh a si lo.  Nain, Lai khrihfa mi hna lungthin a thakza tuk caah khuate kip tiang in an tuah cio hna.  Cu ti cun Pathian ram cu Lairam ah a kau chin lengmang.

2000 kum in cun CCOC rianttuannak cu baan a si.  Khrih Thawngttha he miphunpi cawlcanghnak cu aa din. Zumtu hna kan thlarau zong aa din ve.  Mi tampi nih CCOC rianttuannak aa dinh cu Laimi nih kan sunghbiknak a si tiah an ruah cio.  Cu caah, hi rianttuannak hi a thar in Thawngttha mei kau tthan ding ah duhnak a tam ngai cang.  CBCUSA nih leikhuaza Laitlai Chin khrihfabu dihlak he Thlang Lairam ah Khrih Thawngttha chim khawh nak ding lam cu 2012 kum thar in lam a dap thok tthan.  Thlang Lairam ah 2012 chung ah biakinn 10 sak ding in timhlamhnak a ngei. 

Thlarau a tlaumi khamhnak rian cu zumtu nangmah le keimah rian a si!

CBCUSA Authawng [February 13, 2013]

             Pathian lam hruainak thawng in USA ah a ummi zumtu hna zong hmai ah kan i thawn ciahmah ko. CBCUSA ah khrihfabu 52 kan si cang. Pathian bochan in kan ttan khawh ahcun Khrih caah thangzaang nganpi kan si kho ve lai.  
                                                                                                

              CBCUSA Civui cu July 6-8, 2012 ni ah Chin Evangelical Baptist Church, Indianapolis, IN ah tuah a si lai. Ni le caan kal hi rang tuk kaw, kan naih ngai ngai ko cang. Mino caah hla le zei dangdang in timh a cu cang. Mino 500 nih hlaremh an sak khawh te lai tiin thinlung in saduh kan that. Kan i ngaih bik mi ni sunglawi asi.                                                                                                           
 

             CBCUSA BT meeting cu April 28-29, 2012 ni ah Battle Creek Chin Baptist Church ah tuah a si lai. Khrihfabu cio ah hruaitu upa hna a thar in nan i thim ahcun meeting report caah keimah sin ah kuat cio ding ah kan chimh chung hna. March 13-April 17 chung hi khualtlawng ding ka si caah tuan ah ngeih ka duh ngai. Ka khualtlawn hlan ah report i ser cia ka duh caah a si. CBCUSA komiti hruaitu cio nih kan in fialmi hna tlamtlinh piak kho ding in nan komiti hawi le kha theih ter cio ding ah kan in nawl duh fawn hna.                                
                                                                                   

             Kansas, KS ah American Baptist Churches USA GB meeting cu February 10-11, 2012 ni ah ka kai. ABCUSA nih Burma ram ah Khrih Thawngttha he Judson siangbawi te nupa an phaknak kum 200 puai cu Kansas City, KS ah June 28-30, 2013 ni ah tuah ding in an i tiim. Hi civui kong hi kan ceih, a hmunhma kan zoh pah. Hi civui ah Karen Baptist Churches USA nih minung 200 Choir kan sak lai an ti. Cu caah stage cu minung 200 nih hlaremh kho ding in sak a hau te lai an ti. Stage sak man hi a tam ngai ding a si. Ka thinlung in Lai mino 300 tal nih cun kan sak ve te lai si kaw, stage cung le tang he kan dir lai i phun dang ngai a lo te lai tiah ka ruat cia. Ka tha a nuam ngai.
                   

              Meeting kai pah in Kansas City ah CBCUSA chungtel khrihfabu pathum, Lautu Chin Christian Church, Chin Evangelical Church, le Kansa Chin Baptist Church kha ka van leen khawh dih hna. An dihlak in thanuam tuk an si. Bochan tlak taktak dirhmun an si dih. Hi vialte Laimi zumtu lak ah biaknak serhsang a tuah kho tu ordained minister cu Rev. Moses CC Mang lawng a si. Amah zong nih a si khawh chung in an herhning in ka bawmh hna lai, a thar bak in Bawipa rian ah kaa pumpe ve lai a ti i lunglawmhnak a sang chin. Hmun dang in pastor dang nih i tlawn a har caah Bawipa Zanriah a hmang kho lo mi an tam. An thlarau ti le rawl fah hi Khrih rian sunglawi a si. Pathian tthatnak cu kan caah a lang cuahmah ko.

              2013 kum i ABCUSA Civui ah Kansas um Chin churches vialte cu Lai mino tampi nih kan in tlun hna lai caah ralring cia tein i tiimtuah cia u ka ti hna. Kansas City ahhin Laimi 700 hrawng an um. Khrihfabu hi kanmah CBCUSA khrihfabu pathum hlei ah Zotung church pakhat, Falam church pahnih, Myanmarese holh hmangmi Lai church pakhat, le Tedim church pakhat an um rih. Kanmah church pathum hi milu a tambik an si. Lautu CCC hi a thawng le a tambik an si. Cun, Kansas Chin Baptist Church nih hlawh pek in pastor pahnih Saya Phun Lian Mang, church pastor le Saya Siang Ling, Asst. Pastor an lak hna. An pastor te pahnih caah thlacamnak zong kan ngei. Kansas City ummi church pathum cu CBCUSA kengruang ruh an si colh. Hi vialte hi Pathian nih Laimi sin ah thluachuah a kan vorhmi an si.   
                                                                                                               

Bawi Khrih rian ah,

C Duh Kam

Executive Minister

Chin Baptist Churches USA 

Chin Baptist Churches USA (CBC USA), Washington, DC

[CBCUSA Flyer 1nk 2012]

Lawmhnak: 

CBCUSA cu Pathian nih kan Chin miphun hi A ram kauhnak caah hmanrua taktak ah a ser duh caah A cungah kan i lawm.  A min thiang kan thangthat.  February 2012 ah CBCUSA chungtel 52 kan si. Chungtel dihlak nan cungah lawmhnak nganpi kan ngei. 

Sawmnak:  CBCUSA 4NK Civui cu CEBC, Indianapolis, IN ah July 6-8, 2012 ah tuah a si lai. CBCUSA ah Chin zumtu milu hi 12,000 cungcuang kan si.  Indianapolis, IN cu Lai khuapi a si.  A laili.  Civui zawh cio ding ah Khrih min in kan in sawm hna. 

Civui zawh phak ni: July 6, 2012 Friday

CBMC BM Meeting: July 6, 2012 Friday

BM Palai phak ni: July 5, 2012 Thursday 

CBCUSA BT Meeting:

Ni: April 28 – 29, 2012

Hmun: Battle Creek Chin Baptist Church, Battle Creek, Michigan

CBCUSA khrihfabu hna:

1.       Albany Chin Christian Church, Albany, New York

2.      Amarillo Chin Christian Church, Amarillo, Texas

3.      Battle Creek Chin Baptist Church, Battle Creek, Michigan

4.     Bay-area Chin Christian Fellowship, California

5.      Cactus Chin Christian Church, Cactus, Texas

6.     Calvary Chin Baptist Church, Kentucky-Cincinnati, Ohio

7.      Carson Chin Baptist Church, Milwaukee, Wisconsin

8.     Chin Baptist Church, Dallas, Texas

9.     Chin Baptist Church, Des Moines, Iowa

10.   Chin Baptist Church, Milwaukee, Wisconsin

11.     Chin Baptist Church, Grand Rapids, Michigan

12.    Chin Baptist Church, Marshalltown, Iowa

13.    Chin Baptist Church, Phoenix, Arizona

14.   Chin Baptist Mission Church, Washington, DC

15.    Chin Bethel Church, Laurel, MD

16.   Chin Christian Baptist Church, Omaha, Nebraska

17.    Chin Christian Church, Indianapolis, Indiana

18.   Chin Christian Fellowship, Bowling Green, Kentucky

19.   Chin Evangelical Baptist Church, Dallas, Texas

20.  Chin Evangelical Baptist Church, Indianapolis, Indiana

21.    Chin Evangelical Baptist Church, Jacksonville, Florida
22. Chin Evangelical Church, Kansas City, Kansas

23.   Colorado Chin Baptist Church, Denver, Colorado

24.   Dallas Chin Baptist Church, Dallas, Texas

25.  Emmanuel Chin Baptist Church, Columbus, Ohio

26.   Emmanuel Chin Baptist Church, Dallas, Texas

27.  First Chin Baptist Church, New Bern, NC

28.   Georgia Chin Baptist Church, Atlanta, Georgia

29.  Greeley Chin Christian Fellowship, Greeley, Corolado

30.  Indiana Chin Baptist Church, Indianapolis, Indiana

31.   Indiana Lautu Evangelical Church, Indianapolis, Indiana

32.    Jacksonville Chin Baptist Church, Jacksonville, Florida

33.   Kansas Chin Baptist Church, Kansas City, Kansas

34.   Lai Baptist Church, Buffalo, New York

35.   Lancaster Chin Christian Fellowship, Lancaster, Pennsylvania 

36.   Lautu Chin Christian Church, Kansas City, Kansas

37.   Lansing Chin Baptist Church, Lansing, Michigan

38.   Living Christian Church, Indianapolis, IN (Matu)

39.   Midland Chin Baptist Church, Midland, Texas

40.   Midland Chin Immanuel Church, Midland, Texas

41.  Missouri Lai Baptist Church, Springfield, MO

42.   Monmouth Chin Christian Church, Monmouth, Illinois

43.  Oklahoma Chin Baptist Church, Oklahoma, OK

44.   Philadelphia Chin Baptist Church, Philadelphia, Pennsylvania

45.  Rochester Chin Christian Fellowship, Rochester, New York

46.  Salt Lake Chin Christian Church, Salt Lake City, Utah

47.  Springfield Chin Community Church, Springfield, Missouri

48.  St. Joseph Chin Christian Church, St. Joseph, Missouri

49.  Syracuse Chin Christian Church, Syracuse, New York

50.  Texas Chin Baptist Church, Dallas, Texas

51.  Virginia Beach Chin Christian Church, Virginia Beach, Virginia

52.    Zophei Christian Church, Indianapolis, IN 

CBCUSA Joint Mission Rianttuannak Report (2007-2012)

Phaisa Thazang

1.       2007                $  24,790.93

2.      2008                $  35,000.00

3.      2009                $  50,000.00

4.     2010                 $ 101,000.00

5.      2011                  $ 164,000.00

6.     2012                 $ 200,000.00 ? 

A rianttuanmi lio mi hna:

Kum 2007  in komh mission (Joint Mission) rianttuannak a thok.  Chungtel Khrihfabu hna nih kan thawhlawm ih 5% kha kan thawh cio i Lairam ah mission rian kan ttuan:

1.       Ttuannak hmun: Paletwa, Kanpalet, Matupi, Hakha le Thantlang le Falam.                   

2.      Lairam ah harnak le paamnak le innkaang meittet um tikah bawmhnak a  tuah. Kawlrawn ah  Nargis thlichia tuarmi hna,  Giri thlichia tuarmi Asho Chins,  Japan le Kawlram lihninh harnak tuar mi hna, le Haiti lihninh harnak tuar hna kha kan bawmh hna.  

3.      Kachin kan unau hna harnak an ton lio ah $ 48,000 hrawng in bawmhnak a tuah hna.        

4.     Hakha – Hmandaw lamcawhnak ah a dih tiang $2000/yr in aa tel ve.                                  

5.      Hakha Baibal Hrilhfiah ttialnak ah $5000/year in bawmhnak a tuah.                                   

6.     Chin Christian College, Hakha ah bawmhnak $4000/yr in a tuah.                                        

7.      Union Theological College, Matupi bawmhnak $2500/yr in a tuah.  2011 kum in $4000 in a bawmh.                                                                                                                                          

8.     Paletwa ngakttah cawmnak le ngakttah inn $16,000 man a sak. 

9.      Kanpalet ngaktah bawmhnak kum chiar in a  tuah.

10.   Kanpalet khua ah sianghngakchia umnak boarding inn cu CACC nih tawlrelpiaknak in Melbourn Chin Church, Australia he kyats ting 50 dih in an sak.

11.     Kanpalet ah Laica cawnnak le Thawngtha chimnak cu CACC he kan ttuantti. $3500/yr in 2011 thok in Kanpalet peng Laica cawnnak cu a tuah.

12.    Hakha ah Agape Clinic ah sibawi le sayama hlawh $3000/yr in a pek. Hakha Baptist Church he an ttuan tti.  

13.    Thantlang ah Bethel Clinic ah $3000/yr in a bawmh hna.  Thantlang Baptist Church he an ttuantti.  Hakha le Thantlang peng khuate ah sibawi te zong nih an tlawn khawh hna.

14.    Ahmasabik ah Mara innkang a bawmh hna.
  
15.    CBCUSA nih Malaysia I Chin thawngtla hna lennak ministry cu CCF, Malaysia he 2009 in tuah thok a si.  CBCUSA Nubu nih $5000/yr in ttuanvo a lak.  Nubu nih Chin miphun caah rianttuantu hna chungkhar bawmhnak a tuah. Malaysia ah a ummi kan miphun hawi hi zangfak ngai an si.  Tlawn an herh ngai. 

16.   CBCUSA nih United Chin Christian Mission, Mizoram le Lairam tonnak, cu 2012 in $8000 in bawmhnak a tuah lai.  United Chin Christian Mission cu nunnak le thisen thaap in rianttuanmi ramri khuasa miphun hawi chungkhar hna thlarau le pumsa in tthanchonak caah rianttuannak a si.

17.    Hakha General Hospital ah kyat ting 350 man chapel a sa lio. 

18. Chin Student Organization, Malaysia cu $5000/yr in a bawmh. Atang hi saya/ma te le an siangngakchia an si.

Malaysia ah Lai ngakchia nih fimnak an cawn khawh caah an phaknak ram ah fim cawnnak an peh khawh. 

CBCUSA ramchung rianttuannak

1.        USA ram chung ah khrihfabu pakhat le pakhat hawikomhnak a tuah.  CBCUSA Youth Department nih mino pulpit thlennak an tuah.  An i tlawng hna. November 2011 ah Dallas, Texas ah Youth Camping an tuah i Chin Mino 500 an kai.

2.      Pastors te nih pastor ngei lo khrihfabu kha lennak program a tuah.

3.      Thihnak ton tikah:  Chungtel 400 cung khrihfabu nih $300 cio chungtel 200-400 khrihfabu nih $200 cio le chungtel 200 tang khrihfabu nih $100 cio in bulhnak kan tuah.  Zunngaihpar pakhat cio kan kuat kan ti lai. Thihnak kong ah kan hna a ngam ngai cio hna. 

CBCUSA nih Mission rianttuan ding a ngiatmi:

1.       Bawmram unau hna sin ah rianttuannak hmun a kawl lio.

           2.      Thlang Lairam ah leikhuaza Chin khrihfabu vialte he Khrih Thawngttha aupi ding in  saduh a that.

3.      Carel khawh lo ahcun Khrih Bia hi i cinken khawh a si lo caah Thlang Lairam ah Thawngttha chim pah in Laica cawnnak tuah kho sehlaw tiin CACC he saduh an that tti.

4.     Lairam Jesus Christ Baptist Church [LJCBC], Lawngtlai, Mizoram he rianttuan tti ding in hnatlaknak an ngei cang.  LJCBC cu Mizoram ah a ummi Lai an si.  Khrihfabu 91 an si.

CBCUSA Scholarship Program

               2011 in CBCUSA ram chung Bible sianginn a kaimi caah scholarship tuah a si.  2011 kum chungah Bible siangngakchia pathum bawmh an si.  North America ah Chin khrihfabu 100 reng lo a um.  Pastor a ngeimi khrihfabu cu an tlawm.  Pathian nih a rianttuantu tampi A herh.  Bawipa auhnak aw a theimi mino um kho hram hna seh tiin thla kan cam lio.

 CBCUSA BT meeting:

            A ra laimi April 28-29, 2012 ni ah Battle Creek Chin Baptist Church, Michigan ah tuah a si lai. An biakinn thar luhnak tuah a si fawn lai.  March thla chuahka ah vanlawng ticket cawk ah a man aa deeng lai.  Ninga zan in zan le Zarhpini ah pumhnak tuah lengmang a si lai.  CBCUSA crusade a si.  Khrih Thawngttha dah ti lo, thawngttha dang a um lo.  Thawngttha dang kha um hmanh sehlaw keimah nih ka duh lo tiin Pathian kan thangtthat hna lai.

 CBCUSA 4nk Civui:

           July 6-8, 2012 ah Chin Evangelical Baptist Church, Indianapolis, IN ah tuah a si lai.  Indianapolis, IN cu Chin khuapi a si.  Minung 6000 leng an um.  Mah inn te ah khuasa chungkhar 300 hrawng an um cang.  Khua dang he aa naih.  Nichuah, Nitlak, Chak le Thlang Chinmi vialte nih mawtor in kan kal kho dih lai.  Chungkhar dihlak in mah le mawtor cio in civui zawh an tam lai caah Chin zumtu 5000 hrawng nih Pathian kan thangtthat tti khawh te lai.  Indiana khua ah Laimi inn ngeimi 300 reng lo an um.  An inn ah tampi kan tlung kho lai.  Nain, Hotel/Motel ah riah a duhmi kan tampi lai.  Civui zawhnak caah phaisa i khon cio hna usih.  BM meeting cu July 6 ni ah tuah a si lai.  Hi ni hi zapi phak ni a si.

Khrihfabu Thazaang:

Pentecost Ni ah Thiang Thlarau tthawnnak a tlung.  Babel vampang a tlu.  Holh dang a hmangmi hna zong an holh an i theihpiak.  Khrihfabu cu aa thok.  I kom tthiptthep tein khua an sa.  An thil an i hrawm.  Lunglawmhnak le toidornak lungthin he rawl an ei tti.  Hi hi Khrihfabu thazang a si. Dr. Emil Bruner nih “Mei cu kanghnak in a nun bantuk in Khrihfabu cu mission in a nung” a ti.  Mission rian kan ttuan lo ahcun kan khrihfabu a thi lai.  A bu in rianttuannak kan ngeih lo ahcun Chin khrihfabu vialte zong hi kan thi te ko lai.  Kan Chin khrihfabu hna le kan miphun hi nung seh ti kan duh ahcun a bu in rianttuan tti hi kan duh bik ding mi le thazang pek a herhbikmi an si.   

Nitlak lei khrihfa biaknak cu an thi cuahmah.  An democracy zalennak cu anmah le an bu ca lawng ah hman an duh.  A bu in rianttuannak a zawr.  Mission rian an ttuan kho ti lo.  Thlarau tlau an tlai kho ti lo.  An sur a awng dih cang.  Khrih pennak cu Buddhism, Hinduism le Islam nih an lak thluamah cang.  Rili ti nih rili tlang ni fa tin le zan fa tin a khorh bang in Nitlak lei khrihfa ram cu Nichuah lei biaknak nih a khorh cuahmah ve. Hi hnu kum 20/25 hrawng ah nihin biakinn a panh mi upa vialte hi an thi dih lai i biakinn cu a lawng tung te lai.  Lung a ttha lo. Pathian Thlarau nih a tthangh tthan hna i an thawh tthannak ding caah thazang petu ding ah Laimi hi a kan thlah a si ko lai. Thlacam piak hna usih.  Chin zumtu hna nih kan mission rianttuannak caah thazang chuah tti hna usih.  Khrih caah ceunak kan si. 

Global Chin Association for Christian Communication (GCACC) 

Chun Mang:  Leikhuaza Laitlai Chin khrihfabu vialte hi Laica le Laiholh tthanchonak caah le Khrih Thawngttha chimnak ah Lairam lei ah zuang tti usihlaw timi a si. 

*Voikhat cu harnak a tuarmi ka unau Kachin hna sin ah kan zuang cang.  Kawl phaisa in kan kuatmi kha a tam tuk.  CBCUSA lawng hmanh nih $48,000 reng lo a kuat.

 **Hlan ah Lairam siangbawi Dr. Robert Johnson nih a zunngaih par cu Chin Christian Collge, Hakha ah rak ka kuat piak te u tiah a kan cah i ram kip in Hakha lei ah kan zuang tti hna. 

 ***Lairam mangttaam 2008 lio ah Laitlai hna ca lawng ah si lo in, Laimi dihlak sin ah kan zuang tthan.  A bik in, Thlang Lairam chung khuasa Laitlai hna sin ah kan zuang.  CBCUSA 2009 Christmas Ni thawhlawm cu Thlang Lairam ah kan kuat tti fawn.

****2010 kum ah Lairam chung dihlak ah inn 136 a kaang hna i ram kip in kan zuang tti hna i canphio inn ttha ttha kan sak piak hna.  

Nungak le tlangval nih cun van a zuang vate bang zuang tti usih an ti tawn.  An zuan tti ahcun pum khat ah an cang.  Nihin cu kan umnak ram cio in Laitlai Chin khrihfabu kan dihlak cu Lairam lei ah Pathian nih a kan pekmi thluachuah he zuang tti ding in kan i sawm hna.  A pak cio in zuang lo in, a bu in zuang usih tinak a si.  Kan tuah cia mi hna hi tuah tti ahcun kan thazaang aa hlum lai i kan cak deuh hnga tinak a si ko. 

Thlang Lairam ah Khrih hngal rih lo mi kan miphun hawi tampi an um.  Nunnak niam ngai in a hmang mi tampi an um.  Pumsa le Thlarau in khamh an herh.  Nangmah le keimah kan kal lo ah, Kawlnu le Kawlpa ngai nih cun a kan kalpiak in a kan serpiak lai lo. 

Laica le Laiholh hi Khrih Thawngttha chimnak caah thiam kan herh. Abikin, kan miphun hawi hna nih thiam an herh ngai.  Ca rel khawh lo ahcun, Pathian Bia hi an thei kho taktak lai lo.  Cu caah, Thawngttha chim pah in cawn a duhmi paoh kha kan chimh hna ahcun a ttha tuk lai.

Laica le Laiholh hi tthancho ter kan duh ahcun a bawm ah khumh in zuar a hau.  Zuar lo in, a lak tein tthenh khawh ahcun a ttha chinchin hnga.  Phaisa a dih a hau.  Ca le holh ih an bawm cu cauk, mekazin, journal, le newsletters hna hi an si.  A tu lio ah nihin, tu zarh kong theih khawh nak Lai Journal ttha ttha kan ngei hna.  A tu lio vawlei cung thil a cang mi vialte hi kan tthut hmun ah an kan chimh. Kan rel khawh.  Kan miphun dihlak nih rel kho ding in copy tuah usihlaw mi kip nih an rel khawh ve lai.  Kum nga a rauh tikah Laica le Laiholh muisam cu a cuang kho lai. 

Hi Lai Newsletters le Journal hna hi Hakha, Matupi, Yangon, Lawngtlai le Saiha ah copy tuah in mi kip sin ah phaw kho hna usihlaw mi nih an rel duh ngai lai.  Lai Bible Hrilhfiah te hna hi Thlang Lairam khrihfabu hna cu a lak in tthen kho hna usih law a tthahnem tuk lai.  Laica cawnnak a bawmh taktak lai.  Laica rel khawh ding in an i zuam lai.  A hnu ah Laica le holh an thiam lai.  Bible zong Laiholh in an rel khawh caan a um te lai. 

Bia donghnak: 

A tu lio hi kan i thlen lio a si.  Hi bantuk can hi hman thiam a herh khun.  A can lio te ah kan miphun nih a herh tuk mi thil thok hi a biapi.  Chan ttha chungah luh khawh nak a si.  A tu kan dirhmun zoh tikah, Pathian nih kan miphun hi hman a kan timh hrimhrim ti khawh a si cang.  Pathian bochan in A ram kauhnak caah rian ttuan ti hna usih. 

Bawi Khrih rian thiang ah, 

Rev. C Duh Kam, Executive Minister

Chin Baptist Churches USA

Washington, DC