Beauty Chin State, Etlawm Zogam

 Beauty Chin State, Etlawm Zogam tiin Lengtonnget nih You Tube ah 
a chiahmi hi Lairam kong cu a tling bik in ka ruah.  
Beauty Chin State 3, Etlawm Zogam 3 ahhin 
Hakha le Thantlang khua kong cu ttha tuk in a cuang.  
Cu hlan ka hmuh mi video lakah a tlingbik mi a si.  
A ttha bik fawn. A dih lak in zoh ttha a si.

(1) Beauty Chin State 1 - Etlawm Zogam 1by Lengtongnet1 views .  

(2)   Beauty Chin State 2 - Etlawm Zogam 2by Lengtongnet2 views

(3) Beauty Chin State 3, Etlawm Zogam 3by Lengtongnet0 views

(4) Beauty Chin State 4, Etlawm Zogam 4by Lengtongnet0 views

(5) Beauty Chin State 5, Etlawm Zogam 5by Lengtongnet1 views  

Pathian nih Lairam cu Laimi kan umnak caah a ser.  Hi ka hmun ah

a kan tthanter.  Kan nunning cu a niam ko nain, Pathian nih a serning

tein kan fing le tlang hna an um rih caah, Pathian kutneh a cuang peng rih.

March 15, 1899 ni ah Hakha khua ah USA in Baptist siangbawi te nupa 

Rev. Arthur Carson le Mrs. Laura Carson cu an rak phan.  Khrih Thawngtha

an kan chimh.  Lairam cu nihin ah Bawipa ram a si cang.  Khrih Bia Thawngtha

in kan Lairam hi ser ding ah Pathian nih ramrumnak ah AD 2000 in a kan thlah

tthan.  Kan ruah phak bal lo mi Chin miphun tuanbia thar in ttial tthan kan hau.

Vawlei cung ram nuam bik in semnak Lairam ser ding hi a kan fialmi a si. 

AD 2000 kan phak hlan ah, hi kum hi vawlei caan donghnak a si lai maw tiin ruah a si.

Nain, Chin miphun kan caah AD 2000 chung kan luh bak in kan tuanbia thar ttial ding 

a thok hi cu kan ruah phak bal mi a si lo caah kannih caah khuaruahhar ngai a si. 

Pathian caah khuaruahhar a um ve lo.  Alpha (hramthok) le Omega (donghnak) a si.

Zeizong vialte a hngaltu a si.  Chin miphun kan si ding mi a hngalh cia dih ko.  Zeidah 

a kan fial timi le zeidah ramdang ah a kan thlah duh chan timi cu ruah le tuak kan hau.

Lairam hi Bawipa ram ah ser ding in fialmi kan si hi philh hlah usih.

Maw, Lairam, na duh i thiim cang tuah, na Bawipa rianttuan maw

naa thim deuh lai, Hlan pipu rianttuan kha dah?

"Chins in the World for Christ"

 

Pathian hi a ttha tuk

Kan nunnak caah kan herhmi vialte a kan tuahpiak dih. Kanmah hrimhrim hi a kut in a kan ser.  Nunnak thaw a kan pek.  A nawl kan zulh duh lo i kan sual lio zong ah lungsau tein a kan kawh rih. A caan a zat tikah Amah hrimhrim kha minung ah cang riangmang in Kalvary vailam cungah a nunnak pek in kan thlarau zong a kan khamh tthan rih.  Pathian tthatnak a hngal i lawmhnak a chimmi hi mihrintthan mi cu kan si.  Khrih nih cun a zummi paoh nih zungzal nunnak an ngei tiah a ti.  Pathian nih a tuah cia mi kha lunglawm tein cohlan le i lak lawng hi kan rian a si. 

Khamhnak hmuh hi a har maw?  A har lo.  Kanmah tuahmi si lo in, Pathian tuahmi a si caah a har lo. Kannih caah cun Pathian tuahcia mi cohlan vial hi a si ko.  Cu ticun Pathian nih Fapa ngeihchun pek tiang in a kan dawtnak cu Vailam cungah a lang.  Hi "Vailamtahnak cu Pathian hmual asi" 

tiah Paul nih a ti (I Korin 1:18)
***********************************************

Thawngthanh dang van tenh ta ning

American Baptist Churches USA General Secretary Dr. Roy Medley hruainak in minung 13 cu US State Department ah September 12, 2011 ni ah kan leeng tthan.  Chin miphun caah a herhmi paoh cu kan ruah hna.  A tu bantuk in ABCUSA GS Dr. Roy Medley nih thlarau in an hrinsormi kan sinak kha philh lo in, nihin kan tonmi harnak kong ah hnakkar an kan tenhmi hi kan i lawm hringhran.  Mirang nih kanmah kong an kan chimpiak lo ahcun miphun fa mi kan caah a awl lo.  Dawtu ttha kan ngei.  Hmailei zong ah a herhning paoh in kan ttang lai a kan ti.

October 06, 2009 ni ah kan rak leeng cang. Hi lio ahcun refugee bawmhnak hi a tlawm tuk hi a hartuk caah tamdeuh in bawm hna u tiah ka rak chim.

ABCUSA hruainak in Malaysia Chin ralzaam hna cu voihnih February 2009 le July 2011 ah kan tlawng kho.  UNHCR a lubik pawl zong kan ton hna.  Chinmi caah bia kan rak ruah hna.  Pathian nih zeiti maw tein a kan lehnak tete a um ko.  Chin miphun nih kan khualtlawnnak lamthluan zoh tikah Pathian kutneh lawngte a lang ko.  Bawipa cu thangtthat usih.  Amah a ttihzahmi miphun si i zuam hna usih.