Chin Miphun nih Pathian thluachuah tampi kan dong:
Pathian nih kan miphun a kan dawtnak cu kan sual palhnak nak in a ngan deuh. Amah duh ning in kan nun lo nak a tam pi ko. Nain, thluachuahnak he lam a kan hruaining hi khuaruahhar ngai a si. Pathian fa ah misual hmanh hi a kan ti ko dah ngai!
A rianttuan ding in Chin Baptist Churches USA zong a fial bantuk in chungtel 35 hna nih rianttuan tti an i tiim cang. A peh ding mi zong kan um rih.
CBCUSA Thawngzamh:
April 16-17, 2011
1) Rev. Thawngling Mualhlun le Saya Hrang Cung Hnin cu Vancouver Chin Baptist Church, Canada ah an tlawn lio a si.
2) Rev. Dr. C Duh Kam cu kan hnu zarh ah Chin Evangelical Baptist Church, Dallas, Texas ah a leeng hna. Deacons training a tuahpi hna. Zarhte zan le Zarhpi chun ah pumhnak, Nubu pumhnak le Mino pumhnak ah Thawngttha a chim. Chungtel 700 an si. Pathian duhnak an ngei. Tha a nuam ngai.
3) Rev. Dr. C Duh Kam cu Dallas Chin Baptist Church, Dallas, Texas ah April 17, 2011 Sunday ah Thawngttha a chim lai.
Tu zarh caah Bible rel ding: John 3:1-16
Kan Bawi Jesuh Khrih le Nikodemu biaruahnak a si. Vs. 1-13 tiang rel ah theih a har ngai. Zumh a har ngai. Thlarau in hrinnak kong a si. A phi cu Vs. 14-16 hi a si. Khrih a zummi paoh nih zungzal nunnak an ngei ti hi a si. Khrih kan zumh tikah thlarau in hrin kan si.