Pathian Thimmi Miphun

        February 20, 2011 Chin National Day kan phan cang lai.  Chin miphun hi Pathian nih a thimmi miphun kan si ve hnga maw?

        Pathian nih a thimmi hna miphun cu Israel miphun an si. Biakham Hlun cauk chung ah Pathian nih A sinak cu hi hna sin ah khuaruahhar thil tampi he a phuan. Nain, nihin ah Jesuh Khrih cu Messiah ah an pom kho rih lo.
        AD 65 hrawng ah Judah mi nih Khrih cu an zumh ve.  Judah Khrihfa an si.  Harnak an rak tong.  Peter nih forhnak ca a rak kuat hna:
        "Nannih cu a thimmi miphun, Siangpahrang tlangbawi, miphun thiang, Pathian miphun hrimhrim nan si.  Muihnak chung in amah ceunak chungah an kotu hna Pathian khuaruahhar mi thil a tuahmi thanh awk ah nannih cu an thimmi hna nan si" (I Peter 2:9) tiah a ti hna.
         Kannih Chin miphun zong Pathian nih muihnak chung in ceunak ah a kan hruai.  Kan miphun dihlak ti ding in Khrih zultu kan si khawh hi khuaruahhar ngai a si. Pathian thimmi miphun (His own special people) kan si hrimhrim ko.  Thimmi miphun cu Bawipa rian ttuan ding ah fial kan si.  
        "Miphun a lianhngantertu cu dinnak a si, sualnak cu zei miphun paoh caah ningzahnak a si" (Phungthluk Bia 14:34).

Chin Baptist Churches USA (CBCUSA) nih Lairam ah 

mission rian a ttuan.  A ttuanmi hna cu:

(1) Hakha Agape Clinic

(2) Thantlang Bethel Clinic

(3) Chin Christian College Siangcachim bawmhnak

(4) Chin Christian College ah CBCUSA Scholarship

(5) Matupi Union Theological College Siangcachim bawmhnak

(6) Matupi Union Theological College ah CBCUSA Scholarship

(7) Hakha - Hmandaw lamcawhnak

(8) Kanpalet ngakttah bawmhnak

(9) Kanpalet Laica chimhnak le siangngakchia zohkhenhnak

(Boarding lianpi a sak.  Khuate siangngakchia a um lai)

(10)  Paletwa ah ngakttah inn dollar thawng 16 in a sak.  

Ngakttah hna cu Pathian bia le pumsa tirawl in a cawm hna lai.

(11) Hakha Bible hrilhfiah ttialnak caah kum khat dollar thawng nga

lengmang in 2007 thok in bawmhnak a tuah.

(12) Lairam ah ttaamnak le harnak fak piin an ton tikah a bawmh hna.

(13) Hakha Nawi Tidil tuahnak ah bawmhnak tuah a timh fawn.

(14) North America ah pastor ngei lo Chin khrihfabu hna kha an len hna.

(15) Thlarau in Khrihfabu pakhat le pakhat tha an i pe.

(16) Thihnak an ton tikah phaisa in khrihfabu dihlak in bawmhnak an tuah tti.

(17) Thlarau thazang hmuh khawh nak ding ah crusade a tuah.

(18) Pastors hna hrimhtthannak program a tuah.

(19) Kum hnih voikhat in civui pi kha tuah a si.

(20) CBCUSA ram chung Bible siangngakchia bawmhnak  

Scholarship Program cu 2011 in a thok.

(21) Malaysia ah thawng a tlami Lainu hna lennak (Malaysia Chin Prison Ministry) kha CCF pastors hna he i bawm in an ttuan tti.  CBCUSA nubu nih ttuanvo an lak i an nuhawi le hna caah rian an ttuan kho hna. Malaysia thawnginn ah 

Lainu mitthli a luang tawn.

22. Lairam ah mangttaam, innkang meittet, thlichia tuar le miphun huap in

 thihfahnak  ton tikah bawmhnak an tuah.

Hakha Agape Clinic

Agape Clinic, Hakha
Thantlang Bethel Clinic

Hakha-Hmandaw Lamcomi
Lairam caah nu hmanh nih tuhmui lianpi an tlaih.  Laimi kan sifah nih
na lung an phur tuk lo maw?  Khrih dawtnak nih kan thlarau lawng si lo in,
kan pumsa tiang in khamh a kan duh.
*********************************************** 
Kanpalet ngakttah (atang) hi zoh hmanh. Ngakttah hmai a panhtertu cu nangmah le
na chungkhar nan si.  Pathian sin ah nan pekmi chaw cu CBCUSA in an sin ah a phan.

Kanpalet Ngakttah

High School Final Siangngakchia

Ngakttah Zohkhenhtu hna

Ngakttah umnak Inn

Paletwa Mission

 An zumh lo ahcun zeitindah a min cu an auh khawh lai? 

Cun bia kha an theih lo ahcun zeitindah an zumh khawh lai? 

Cun bia cu chimh an si lo ahcun zeitindah an theih khawh lai? 

Cun lamkaltu kha an thlah hna lo ahcun zeitindah bia cu

thanh a si khawh lai? (Rom 10:14-15)

Kan miphun hawi hna hi Lai holh in "Na dam maw?  Ka dam, kaa lawm" tiah hmai panh tein chawnh khawh caan hna kan phan kho te hnga maw?

*****************************

Paletwa peng biakinn (the church buildings

in Paletwa mission field in Burma)

Pathian biak an duh ve. Biakinn ttha deuh hmanh

an ngei kho lo. Nang le kei cu biakinn ttha tuk ah Pathian kan thangtthat.  

Na pumpak le chungkhar maw, khrihfabu in maw, biakinn sakpiak

duhnak nan ngeih ahcun CBCUSA office ah thawng kan thanh u. 

ABCUSA BT Meeting le Crusade (October 9-10, 2010)

Chin Baptist Church, Milwaukee, Wisconsin

Beach ah BT upa le CBC hawikom

Rawl ei lio

Des Moise Chin Baptist Church Mino

Wheaton Chin Christian Church Mino

CBCUSA Pastors Seminar (September 17-19, 2010)

Indiana Chin Baptist Church, Indianapolis, IN

CBCUSA Pastors le Rev. Dr. Arlo Reishter (EM of ABC Wisconsin)