Bawipa Thangthat

Monday, November 29, 2010

Chin Baptist Churches USA (CBCUSA), Washington, DC

CBCUSA Chungtel Khrihfabu hna:

Amarillo Chin Christian Church, Amarillo, Texas
Battle Creek Chin Baptist Church, Battle Creek, Michigan
Calvary Chin Baptist Church, Kentucky-Cincinnati, Ohio
Chin Baptist Church, Dallas, Texas
Chin Baptist Church, Des Moines, Iowa

Chin Baptist Church, Marshalltown, Iowa (thar)
Chin Baptist Church, Milwaukee, Wisconsin
Chin Baptist Church, Grand Rapids, Michigan
Chin Baptist Church, Phoenix, Arizona
Chin Baptist Mission Church, Washington, DC
Chin Bethel Church, Laurel, MD
Chin Christian Church, Indianapolis, Indiana
Chin Christian Church, Syracuse, New York
Chin Christian Fellowship, Bowling Green, Kentucky (thar)
Chin Christian Fellowship, Lansing, Michigan (thar)
Chin Christian Fellowship, New Bern, NC
Chin Evangelical Baptist Church, Indianapolis, Indiana
Chin Evangelical Baptist Church, Jacksonville, Florida
Emmanuel Chin Baptist Church, Columbus, Ohio
Georgia Chin Baptist Church, Atlanta, Georgia
Indiana Chin Baptist Church, Indianapolis, Indiana
Indiana Lautu Evangelical Church, Indianapolis, Indiana (thar)
Jacksonville Chin Baptist Church, Jacksonville, Florida
Lai Baptist Church, Buffalo, New York
Living Christian Church, Indianapolis, IN
Midland Chin Baptist Church, Midland, Texas
Springfield Chin Community Church, Springfield, Missouri
Texas Chin Baptist Church, Dallas, Texas
Vancouver Chin Baptist Church, Vancouver, Canada
Zophei Christian Church, Indianapolis, IN

CBCUSA Joint Mission Rianttuannak Report (2007-2011)
Phaisa Thazang
1. 2007 $ 24,790.93
2. 2008 $ 35,000.00
3. 2009 $ 50,000.00
4. 2010 $ 101,000.00
5. 2011 $ 150,000.00

Budget chung in si lo in, Chin miphun harnak a tuarmi hna caah bawmhnak a halpiakmi hna:

1. Siangbawi Rev. Robert Johnson arthin tuhnak caah: $ 2,561.06

*Hi chung in, an fapa Peter Johnson lung kha siangbawi te thlan kam ah phunnak caah hmanmi: $ 350.00
* Hakha siangbawi te thlan remhnak caah hmanmi: $ 2,211.06

2. Rev. Robert Johnson zunngaih par (2009) leikhuaza Chin khrihfabu thawhmi Chin Christian College ah kuatmi: $30,273.77

3. Nargis thlichia tuar, Burma (2008) caah bawmhnak: $ 1,698.05

4. Kawhtawng Chin mithi chungkhar bulhnak (2008): $ 3,213.31

5. Lairam mangttaam (2008): $ 7,500.00

6. Paletwa peng caah CBCUSA Christmas laksawng pekmi (2009): $ 2,729.07

7. Mara area innkang bawmhnak: $ 300.00

Ramchung Riantttuannak:
North America ah a ummi Chin khrihfabu hna lennak caah 2010 kum chungah budget $30,000 in a suai. Pastors hna kha Chin khrihfabu kip sin ah tlawng ding in fial an si. Pastors 16 nih an tlawn khawh hna. Khrihfabu tlawnmi hna hi a tambik cu pastor ngei lo in a ummi an si. An i lawm tuk cio hna.

CBCUSA Mino Rianttuannak:
Mino hruainak in ICBC, Indianapolis, IN ah Indiana mino vialte Pathian thangtthat ttinak kha September 18, 2010 zan ah an tuah. Dr, Hai Vung Lian, Pastor of Emmanuel Chin Baptist Church, Columbus, OH nih phung a chim. July 2011 ah mino leadership training cu Calvary Chin Baptist Church, Kentucky-Cincinnati, Ohio ah tuah a si lai. November 2011 ah CBCUSA mino dihlak cu Chin Baptist Church, Dallas, Texas ah camping an ngei lai.

CBCUSA Nubu Rianttuannak: Malaysia Chin Prison Ministry (Thawngtla mi lennak) rian an ttuan. Malaysia CCF pastors hna nih thawngtla nu le ngakchia kha kutput he an len khawh hna. UNHCR ah report an pek hna. Registration an tuahpiak hna. Lainu lawmh lunghnonak mitthli a luang tawn. Khrih mitthli a luang ve ko lai.

CBCUSA Scholarship Program: 2011 in CBCUSA ram chung Bible sianginn a kaimi caah scholarship tuah a si. February 2011 chung ah application cu CBCUSA office ah
duh_kam@yahoo.com in kuat ding a si lai. A sawkning cu EM sin ah hal khawh a si. Scholarship Committee nih March 2011 chungah an in caihpiak hna lai. Pathian rian ah aa pumpe mi mino tamdeuh chuah khawh nak ding ah tuah mi a si. North America ah Chin khrihfabu 100 reng lo a um. Pastor a ngeimi khrihfabu cu an tlawm. Pathian rianttuantu tampi a herh. Bawipa auhnak aw a theimi mino um kho hram hna seh.   


CBCUSA BT meeting: A ra laimi March 12-13, 2011 ni ah Jacksonville Chin Baptist Church, Florida ah tuah a si lai. Chak lei hawhra lak khuasa pawl cu kal lai an i ngaih taktak. Jacksonville, Florida cu khua ttha, minthang a si. JCBC nih BT upa vialte kha hmun kip ah len pi ding in timhlamhnak an ngei cang. Jacksonville ah CBCUSA chungtel pahnih an um. CEBC khrihfabu hna nih telpi ding in an i tiim hna. Khrih ah lungrualnak! A sunglawi tuk!

CBCUSA 4nk Civui:
July 2-4, 2012 ah Chin Evangelical Baptist Church, Indianapolis, IN ah tuah a si lai. Indianapolis, IN cu Chin khuapi a si. Minung 6000 leng an um. Khua dang he a naih. Nichuah, Nitlak, Chak le Thlang Chinmi vialte nih mawtor in kan kal kho dih lai. Chungkhar dihlak in mah le mawtor cio in civui zawh an tam lai caah Chin zumtu 5000 hrawng nih Pathian kan thangtthat tti khawh te lai. Inn ah tlun cawk a si lai lo. Hotel/Motel ah riah cio kan hau te hna lai. 2011 kum thok ka tein civui zawhnak caah phaisa i khawn cio hna usih.
Hi lio caan te hi American Baptist Churches USA nih youth conference an ngei ve lai. 2008 ah an tuah lio ah Mirang mino 4000 reng lo an kai. 2012 ahcun nangmah maw nan tam lai, kanmah dah kan tam lai? Kan i zoh lai. A nuam ko lai hih tiah ABCUSA rianttuantu pawl ka capo pah len cang hna.

The Goals and Objectives of the Chin Baptist Churches USA

1. To have fellowship to help support each of Chin Baptist churches and Chin Christian churches.
2. To carry joint mission to spread the Good News of Jesus Christ as its most priority
3. To work among the Chins in North America, the abroad, Burma and Chin Hills for developments in education, body, and spirit.
4. To help the Chin refugees to form the Chin Baptist Churches/Christian churches in every cities in the USA and Canada.
5. To help find resources from the local churches and governments by working with the local refugee services.

The Social Ministries of the CBCUSA
All the Chin churches are providing social ministries to their fellow Chin refugees who are newly resettled in their cities and towns and their neighboring cities. The following social ministries are provided:

1. Assistance to medical and refugee health screening at their county health department and clinics.
2. Transportation to work, the doctors’ offices, the departments of Social Service and the church.
3. Assistance to the applications for School, Social Security card, green card and employment card.
4. Linkages to the community resources.
5. Housing services. Help is provided to find apartments with assistance from the local refugee services.
6. Assistance to school enrollments and interpretations.
7. Interpretation for driving law tests, hospital services and other legal issues.
8. Language services and English classes.
9. Employment services. Help is provided to look for jobs.
10. Spiritual and counseling services at the church and communities.

Khrihfabu Thazaang: Pentecost Ni ah Thiang Thlarau tthawnnak a tlung. Babel vampang a tlu. Holh dang a hmangmi hna zong an holh an i theihpiak. Khrihfabu cu aa thok. I kom tthiptthep tein khua an sa. An thil an i hrawm. Lunglawmhnak le toidornak lungthin he rawl an ei tti. Hi hi Khrihfabu thazang a si. Emil Bruner nih “Mei cu kanghnak in a nun bantuk in Khrihfabu cu mission in a nung” a ti. Mission rian kan ttuan lo ahcun kan khrihfabu a thi lai. A bu in rianttuannak kan ngeih lo ahcun Chin khrihfabu vialte zong hi a thi te ko lai. Kan Chin khrihfabu hna le kan miphun hi nung seh ti kan duh ahcun a bu in rianttuan tti hi kan duh bik ding mi le thazang pek a herhbikmi an si.

Nitlak lei khrihfa biaknak cu an thi cuahmah. An democracy zalonnak cu anmah le an bu ca lawng ah hman an duh. A bu in rianttuannak a zawr. Mission rian an ttuan kho ti lo. Thlarau tlau an tlai kho ti lo. An sur a awng dih cang. Khrih pennak cu Buddhism, Hinduism le Islam nih an lak thluamah cang. Rili ti nih rili tlang ni fa tin le zan fa tin a khorh bang in Nitlak lei khrihfa ram cu Nichuah lei biaknak nih a khorh cuahmah ve. Hi hnu kum 20/25 hrawng ah nihin biakinn a panh mi upa vialte hi an thi dih lai i biakinn cu a lawng tung te ko lai. Pathian Thlarau nih a tthangh tthan hna lo ahcun khrihfa biaknak cu a rawk ko lai. Kum 20 hrawng hngah huam ahcun man pek lo in khuapi ah biakinn ngeih khawh a si te men ko lai. A lak in biakinn ngeih ding zong cu duh tuk ding a si lo. Khrihfabu cu a tha a thut ding a si lo. Mi nih bawmh chom in a nungmi khrihfa kan si ahcun kan thi tthiam lai. Kanmah tein kan ttuan a hau. Hi hi kan nunnak ding cu a si deuh.

Chin khrihfabu kan caah nitlak lei democracy a ttha dih hnga maw ti cu ruah awk a um. Anmah bantuk in kan mah khrihfabu lawng tha kan pek ahcun kan thi ve ko lai. Pathian le kan miphun kan dawt ahcun i hlum kan hau. Khrih vailamtah in Babel vampang hi kan thluk a hau ve. Zohchunh tlak khrihfabu, Khrih kha hrampi ah a chia mi kan si a hau ve. Dawtnak le velngeihnak thinlung he kan dir tti a hau.

Pathian nih a kan dawt tuk nak hi joint mission rian kan ttuannak in a lang ngai ko. Khrih hi pakhatnak ah kan chiah cio ahcun Pathian nih ramdang ah a kan thlah chan cu theipar ttha taktak in a lang te ko lai. Pathian sin ah thla cam tti zungzal hna usih.

Bawi Khrih rian ah,

CDuhKam
C Duh Kam, CBCUSA Executive Minister